Арт Вандроўня

2021-08-20 16:26:37 Арт Вандроўня pinned a photo Адкрыць / каментаваць

2021-08-20 16:26:21 Сябры, у чацьвер 26 жніўня Арт Вандроўня запрашае на вечаровую пешаходную вандроўку "Прыгоды ў губернатарскім садзе" з гісторыкам, музэязнаўцам і экскурсаводам Паўлам Каралёвым, а пасля вандроўкі - наведаць выставачны праект "Я буду маліцца і сэрцам і думамі" ў музеі Янкі. Адмысловыя госці мерапрыемства ў Музеі - унучка Якуба Коласа Марыя Міцкевіч ды іншыя сваякі Якуба Коласа.

Пачатак вандроўкі ў 18-00. Пачатак у музеі - у 19-30. Запіс праз гэтую гугл-форму: https://forms.gle/rzqLLudHQMMu75ZCA

Падчас вандроўкі мы наведаем знакаміты Губернатарскі сад (сёння парк Горкага) і дазнаемся:
- якія цікавосткі можна было сустрэць там 150 год таму;
- на якія відовішчы ў сад збіраўся увесь Менск і што з гэтага выйшла;
- што такое Прафінтэрн і як гэта абрэвіятура звязана з садам;
- як гэта месца адыграла важную ролю у беларускім руху;
- дзе жыў да вайны Якуб Колас і якія прыгоды былі ў класіка;
- якія цікавосткі адшукалі ў - якія цікавосткі адшукалі ў Коласаўскім сейфе, які быў закапаны ў вайну... Адкрыць / каментаваць

2021-08-19 16:01:07 Сябры, запрашаем Вас на трэцюю заключную вандроўку з цыклу аўтарскіх архітэктурных пешаходных вандровак па Менску з экскурсаводкай, кандыдаткай гістарычных навук Аляксандрай Валодзінай.

Вандроўка "Канструктывізм - мастацтва чыстай формы" адбудзецца ў аўторак 24 жніўня.

Вандроўка распачнецца троху раней за папярэднія ў 18-45. Запіс на вандроўку праз гэтую гугл-форму: https://forms.gle/G2XpreHZ8ZMXD6xR9

Кожны архітэктурны стыль аб'яўляе пра разрыў з са сваімі папярэднікамі, але каструктывізм перайшоў ад словаў да дзеяння.

У спалучэнні з ідэялогіяй камунізму ў архітэктараў з СССР атрымалася стварыць больш чым проста новыя дамы. Кожны будынак, які сустрэнецца нам на маршруце - гэта цэлая калона ў падмурку маладой савецкай дзяржавы.

Запрашаем вас на "стылёвую" аўтарскую экскурсію Аляксандры Валодзінай па Менску 1920-1930-ых гадоў.

У межах вандроўкі наведаем знакамітую былую фабрыку-кухню, а цяпер арт-галерэю "Арт Фабрыка". Адкрыць / каментаваць

2021-08-18 19:23:46 Арт Вандроўня pinned a photo Адкрыць / каментаваць

2021-08-16 19:11:34 Сябры, адразу запрашаем Вас і на другую з цыклу аўтарскіх архітэктурных пешаходных вандровак па Менску з экскурсаводкай Аляксандрай Валодзінай.

Вандроўка "Менскі мадэрн: архітэктура на зломе эпохаў" адбудзецца ў чацвер 19 жніўня.

Пачатак а 19-й. Запіс праз гугл-форм: https://forms.gle/YJy63fEdK9aKFczi8

Мяжа XIX і XX стагоддзяў сталася часам, калі Менск паступова пачынаў прэтэндаваць на “сталічны” статус. З розных куткоў сюды з’язджаецца творчая інтэлігенцыя і арыстакратыя, беззямельныя сяляне і будучы пралетарыят. Горад расце і мяняецца на вачах. Маштабная ўрбанізацыя, навукова-тэхнічны прагрэс, пераварот у мастацтве... Усё гэта разам аднойчы становіцца стылем, які назавецца Мадэрнам!

Што такое менскі мадэрн і дзе ён ёсць? Адкуль узяліся, чаму менавіта такога колеру і формы “цацачныя” дамкі ў нашых горадзе? Якія жыццёвыя драмы памятаюць гэтыя фасады стогадовай даўніны? Пра ўсё пра гэта на 2-й экскурсіі архітэктурнага цыклу аўтарскіх менскіх вандровак з Аляксандрай Валодзінай. Далучайцеся! Адкрыць / каментаваць

2021-08-12 18:21:10 Сябры, ці не засумавалі Вы па вечаровых пешаходных вандроўках па Менску? Мы вырашылі запрасіць Вас на цэлы цыкл аўтарскіх архітэктурных пешаходных вандровак па Менску з экскурсаводкай, кандыдаткай гістарычных навук Аляксандрай Валодзінай.

Першая вандроўка цыклу "Архітэктура класіцызму і новыя з'явы ў жыцці губернскага Менску" адбудзецца ў аўторак 17 жніўня.

Пераход Менску ў склад Расійскай імперыі радыкальным чынам змяніў аблічча нашага горада. Узнікаюць новыя адміністрацыйныя адзінкі, для іх узводзяцца адпаведныя будынкі, дзейнічаюць таемныя таварыствы, развіваецца гандль і адукацыя.

Але класіцызм ідзе далей: асновай яго становіцца перапланіроўка цэлага горада. Што ж у Менску памяняў і на што паўплываў новы стыль?

Вандроўка распачнецца а 19-й гадзіне. Запіс на вандроўку праз гэтую гугл-форму: зборуhttps://forms.gle/S31qbUuDLP8ZvHMM6
Напярэдадні вандроўкі мы паведамім Вам месца сустрэчы. Адкрыць / каментаваць

2021-08-12 11:07:39 Сябры, вызвалілася адно месца на гэтыя выходныя на цікавую вандроўку па Вяллі на байдарках з найцікавейшым чалавекам! Хто хоча далучыцца? Вандроўка для навічкоў - досведу не патрабуецца! Адкрыць / каментаваць

2021-08-12 11:01:34 Арт Вандроўня pinned a photo Адкрыць / каментаваць

2021-08-11 13:18:15 Сябры, у пятніцу 20 жніўня запрашаем Вас невялічкай кампаніяй ізноў выбрацца на сядзібу "Хутар Дудара" да знакамітага фалькларыста, музыкі, мастака-рэстаўратара, майстра музычных інструмантаў Алеся Лася. Гэтым разам на сядзібе спадара Алеся ў межах традыцыйных вечаровых містэрыяў плануецца вечарына сьпяванай паэзіі на вершы ліцьвінскіх і беларускіх паэтаў. Удзел таксама возьме Алеся Сівохіна - сьпявачка, кампазітарка, мастацкая кіраўнічка Народнага літаратурнага тэатру «Жывое слова».

Выправа плануецца на камфартабельным мікрааўтобусе. Выезд з Менску ў 17-30, вяртаньне прыкладна ў 22-30.

Запіс праз гэтую гугл-форму: https://forms.gle/5MowmiKa4YVYnJ4m6
Акрамя духоўнай ежы - сьпяванай паэзіі - будзе вечаровая гарбата са смачнымі блінамі. Адкрыць / каментаваць

2021-08-10 11:46:13 Сябры, у аўторак 10 жніўня запрашаем вас на чарговую сьпеўную-zoom сустрэчу з Сержуком Сокалавым-Воюшам ды Тацянай Грыневіч. Гэтым разам сустрэча будзе прысьвечаная Ларысе Геніюш, легендарнай беларускай паэтцы, ахвярнай хрысьціянкі, нязломнай патрыёткі, сакратаркі БНР на чужыне і пакутніцы камуністычнага ГУЛАГу. Сёння 9 жніўня святкуем яе 111-годдзе.

Запрашаем у гэты вечар узгадаць разам яе жыцьцё і творчасьць разам зь вядомым беларускім бардам, журналістам, перакладчыкам Сержуком Сокалавым-Воюшам, які асабіста быў знаёмы з Ларысай Антонаўнай, і са сьпявачкай Тацьцянай Грыневіч, першай скрыпкай беларускіх плошчаў і маршаў 2020-га.

Удзел у сустрэчы возьме вядомы фалькларыст, музыка, мастак Алесь Лось, які запісаў цэлы дыск сьпяванай паэзіі на вершы Ларысы Геніюш.

Пачатак мерапрыемства ў 20-00!

Запіс праз гэтую гугл-форму: https://forms.gle/JjiVLXZaAYfLsAzW9

Ахвотныя таксама змогуць прачытаць свае ўлюблёныя вершы. Адкрыць / каментаваць