Арт Вандроўня

2022-07-31 00:36:25 Шаноўнае спадарства, прапануем анонс на наступны тыдзень 1-7 жніўня. На кожную падзею будзе яшчэ дадатковы анонс з напамінам

01.08, панядзелак
ПРЭМ'ЕРА
19:00 "Вайна і Мінск: хронікі Першай Сусветнай" з Таццянай Даўгач
фантан у Аляксандраўскім скверы (Энгельса, 7)
~2 г.

02.08, аўторак
19:00 "Тры Карчмы, Араны, Малая Серабранка" (2 частка) з Ігарам Хмарам
вул. Аранская, 18 (ля Камунаркі)
~2 г.

04.08, чацвер
ПРЭМ‘ЕРА
19:00 «Тысячагадовы сон Паўднёвага Захаду» з Алёнай Данько
праспект Газеты Праўда, 25 (кінатэатр "Бярэсце")
~ 1,5 г.

07.08, нядзеля
16:00 "Чароўны Лагойск" з Надзеяй Сіваевай
Лагойск, Савецкая, 13 (прыпынак РДК)
~ 2 г.

Нашыя дабрачынныя шпацыры, накіраваныя ў першую чаргу для знаёмства з роднымі мясцінамі і спазнаваннем сваёй культуры і падтрымкі адно аднаго ў няпростыя часы.

Па сваім жаданні і магчымасцям, напрыканцы экскурсій вы можаце аддзячыць Набліжэнню.

Запіс не вядзецца, проста прыходзьце.

Далучайцеся і запрашайце сяброў

Да сустрэчы! З падтрымкай, Набліжэнне Адкрыць / каментаваць

2022-07-24 08:58:06 У гэтую нядзелю 24 ліпеня а 14:00 запрашаем на экскурсію па Лошыцкім парку - адным з самых прыгожых і гістарычна насычаных куточкаў Мінска. Экскурсію вядзе Святлана Грышкевіч.

За цьмянай даллю Лошыцкіх алей вы даведаецеся пра:
⁃ Гісторыю вялікага парка і яго сядзібы праз стагоддзі;
⁃ Легенды, якімі дыхаюць гэтыя мясціны;
⁃ Князёў, злодзеяў, шпіёнаў і няшчаснае каханне;
⁃ Паходжанне смачных яблыкаў;
⁃ І шмат іншага!

Бярыце зручны абутак, вадзічку і добры настрой

Сустракаемся ля ўваходу у парк з боку прыпынка "Камвольны камбінат"
Працягласць ~ 2 гадзіны

Па сваім жаданні і магчымасцям, напрыканцы экскурсій вы можаце аддзячыць Набліжэнню.

Запіс не вядзецца, проста прыходзьце.

Далучайцеся і запрашайце сяброў

Да сустрэчы! З падтрымкай, Набліжэнне Адкрыць / каментаваць

2022-07-22 13:44:49 Сябры, на заўтра яшчэ маецца троху месцаў на найцікавейшую аўтарскую вандроўку ў Кобрын! Далучайцеся! Адкрыць / каментаваць

2022-07-22 13:42:57 Арт Вандроўня pinned a photo Адкрыць / каментаваць

2022-07-22 13:41:32 У пятніцу 22 ліпеня а 19:00 запрашаем адпачыць у Парку Горкага, падчас шпацыру з Вольгай Абразцовай.

Часцей за ўсё гіды Набліжэння расказваюць пра тыя раёны, з якімі ў іх ёсць асабістыя ўспаміны і эмацыянальныя сувязі. Дзяды, бабулі і бацькі Вольгі жылі побач з Паркам Горкага, таму расповеды будуць ілюстраваныя фотаздымкамі з сямейных альбомаў.

Падчас экскурсіі вы даведаецеся:
- як бавілі вольны час менчукі;
- дзе назіраюць за зоркамі;
- дзе танчылі пад дуду;
- дзе запускалі паветраны шар;
- дзе каталіся на роварах і каньках;
і шмат чаго яшчэ.

Сустракаемся ля цэнтральнай брамы парка Горкага (вул. Фрунзе 2/9)

Вандроўка праводзіцца за ахвяраванні. Вы самі вызначаеце суму падзякі экскурсаводу і арганізатарам. Загадзя ўдзячныя за Вашую падтрымку!

Запіс на вандроўку не вядзецца, проста прыходзьце.

Да сустрэчы! З падтрымкай, Набліжэнне Адкрыць / каментаваць

2022-07-22 13:40:31 Cябры, запрашаем Вас на 3-хмесячны онлайн zoom курс лекцыяў "Гісторыя Беларусі ад старажытных часоў да 1918 года" . Лекцыі будуць праходзіць цягам восені 2022-га года.

Аўтар і вядоўца курсу: кандыдат гістарычных навук Андрусь Унучак, колішні супрацоўнік Інстытута гісторыі Акадэміі Навук, вядоўца відэапраектаў “Проста гісторыя” і “Героі беларускай гісторыі”.

Гэты курс распавядзе пра гістарычны шлях нашай краіны і народу, сістэматызуе веды пра найбольш значныя падзеі і галоўных асобаў нашай гісторыі.

Заняткі будуць праходзіць онлайн, адзін раз на тыдзень па серадах.

Час правядзення: з 20.00 да 21.30.

Запіс і больш падрабязная інфармацыя праз гугл-форму: https://forms.gle/285EUTeBeY89rj9K9 Адкрыць / каментаваць

2022-07-16 14:13:55 Сябры, у панядзелак 18 ліпеня прапануем вам разам схадзіць у Нацыянальны мастацкі музей на куратарскую экскурсію "Залаты век беларускага іканапісу. XVII стагоддзе", якая сканчаецца напрыканцы наступнага тыдня.

Пачатак экскурсіі ў 17-30.

Рэгістрацыя праз гугл-форму: https://forms.gle/covbN4SQFwZkq48c8

Уваходны квіток на выставу з экскурсіяй — 12 руб.

Колькасць наведнікаў абмежаваная!

Беларускія абразы, сакральная мастацкая спадчына XVII ст. упершыню прадстаўлены ў такім маштабным выставачным праекце.

Больш за 120 абразоў, створаных у другой палове XVI, на працягу ўсяго XVII і на мяжы XVII–XVIIІ стст., прадаставілі на выставу чатыры беларускія музеі: Нацыянальны мастацкі музей, Музей старажытнабеларускай культуры Акадэміі навук Беларусі, Нацыянальны гістарычны музей Беларусі і Магілёўскі абласны краязнаўчы музей. Сярод гэтых твораў ёсць як вядомыя шэдэўры – гонар музейных збораў старажытнабеларускага мастацтва, так і значная колькасць абразоў, якія раней не былі вядомыя шырокаму колу гледачоў. Адкрыць / каментаваць

2022-07-13 17:54:55 Запрашаем на 2-хмесячны онлайн zoom курс гутарковай беларускай мовы, які дапаможа вам перайсці на беларускую ды пачаць актыўна і свабодна карыстацца роднай мовай. Заняткі будуць праходзіць па чацвяргах цягам верасня і кастрычніка (апошні - напачатку лістапада) 2022-га года.

Аўтар і вядоўца курсу: выкладчык і пісьменнік Аляксей Шэін, стваральнік курсаў беларускай мовы “Моваведа”.

У курсе плануецца 10 заняткаў, якія будуць праходзіць у фармаце групавога коўчынгу. Без складанай тэорыі, толькі актыўная практыка. Будуць хатнія заданні, якія натхняць вас размаўляць па-беларуску.

У выніку курсу ўдзельнікі атрымаюць лексічную базу, неабходную для камунікацыі на пабытовыя тэмы, а таксама досвед актыўнага беларускага маўлення.

Час правядзення заняткаў па чацвяргах: з 20.00 да 21.30.

Заняткі паводзяцца на платформе zoom.

Запіс і больш падрабязная інфармацыя праз гугл-форму: https://forms.gle/stdGudhQ4LCt6xk96 Адкрыць / каментаваць

2022-07-13 17:45:31 Сябры, у суботу 23 ліпеня Арт Вандроўня запрашае Вас у аўтарскую вандроўку "Кобрын Траўгута. На Княжую гару за Божым дарам" з экскурсаводкай Таццянай Хамянковай, ураджэнкай Кобрына.

Запіс ды больш падрабязная інфармацыя праз гугл-форму: https://forms.gle/xHJz36tUfEXVpCyu9

Маршрут вандроўкі: Менск - Кобрын - аграсядзіба "Княжая гара" (Ляхчыцы) - Хабовічы - скансэн "Божы дар"(Ляскова) - Буховічы - Яромічы - Менск

З савецкіх часоў Кобрын асацыяваўся з імем расейскага палкаводца Суворава, што між іншага жорстка падаўляў паўстанне Касцюшкі, але мы адкрыем для сябе іншы Кобрын - уласна Касцюшкаў, РамуальдаТраўгута і брата Адама Міцкевіча Аляксандра.

У падарожжы нас будзе суправаджаць Юрый Барысюк - гісторык, кобрынскі краязнаўца, аўтар кнігі "Рамуальд Траўгут - рыцар зямлі Палескай". Мы наведаем ягоную аграсядзібу ды некалькі іншых цікавых мясцінак у наваколлі Кобрына з цэрквамі ды нават з мясцовым скансэнам і з шыкоўным музеем Траўгута. Адкрыць / каментаваць

2022-07-08 18:35:20 Сябры, у аўторак 12 ліпеня запрашаем вас на бясплатны анлайн-zoom-семінар ТОП-5 ПАМЫЛАК У ВЫМАЎЛЕННІ ПА-БЕЛАРУСКУ з выкладчыкам і пісьменнікам Аляксеем Шэіным, шматгадовым аўтарам і вядоўцам курсаў беларускай мовы.

Ці даводзілася вам сустракацца з такім: “У нашей учительницы белорусский язык звучал грубо”? Ці наадварот: “У вас такая прыгожая беларуская мова!”

Чаму ў адных мова гучыць так, што рэжа вуха, а ў іншых – ліецца, як песня?

Рэч у тым, што навучыцца гаварыць па-беларуску — гэта не толькі ведаць “беларускія словы”. Гэта яшчэ і правільна іх вымаўляць.

Што рабіць, каб наша вымаўленне было правільным і прыгожым? Для гэтага трэба ведаць асноўныя правілы і пазбягаць галоўных памылак.

Вось пра гэта мы і пагаворым на нашым вэбінары. А таксама замацуем веды на практыцы.

Для рэгістрацыі на вэбінар запоўніце гугл-форму: https://forms.gle/AT3ShmA9xNShodJe6

Пачатак а 20-й гадзіне. Удзел бясплатны, але пры жаданні пасля вэбінару можна будзе нешта заданаціць вядоўцу і яго камандзе. Адкрыць / каментаваць