Арт Вандроўня

2021-12-08 17:55:04 Сябры, у суботу 18 снежня Фонд Еўфрасінні Полацкай супольна з Арт Вандроўняй запрашаюць на вандроўку ў межах беларусказнаўчага курсу "Беларусь- Terra incognita". Прапануем Вам далучыцца да перадкаляднага аўтарскага падарожжа па шляхецкіх сядзібах Меншчыны “Ракаўскае Менскае кола. У прадчуванні”, аўтарам і нязменным вядоўцам якой з'яўляецца гісторык, музейшчык, экскрусавод Павел Каралёў.

У межах вандроўкі ў Ракаве адбудзецца сустрэча з а. Сергіем Лепіным, а таксама наведванне прыватнага музея-Арт-галерэі Фелікса Янушкевіча і канцэрта "У прадчуванні" у ягоным прыватным канцэрт-холе. У канцэрце салістаў Беларускай дзяржаўнай філармоніі прагучаць духавыя трыа і квартэты Моцарта, Жадэна, Спайса і Кёклена.

Маршрут: Менск – Новае Поле - гара Святая (Дзяржынская) – Волма – Ракаў – Менск.

Запіс праз гугл-форму: https://forms.gle/FJeLTxEv6JpyZNB47

Уся дадатковая інфармацыя: 8-044-5386283 (Валерыя), 8-025-5458430 (viber), @liusterka (telergam) Адкрыць / каментаваць

2021-11-27 23:21:45 Шаноўнае спадарства. Хоць сёння цэлы дзень дождж, але заўтра ўдзень нібы будзе суха. Таму маю прапанову.
У гэту нядзелю (28 лістапада) хачу завітаць на выставу "Нябёсная варта Беларусі" (якая працуе у Чырвоным касцёле).
Калі ў Вас ёсць жаданне наведаць выставу, то далучайцеся. Распавяду пра яе, паглядзім цікавая абразы (іконы) і ліштвы.
Апроч таго, распавяду пра цікавосткі на плошчы Незалежнасці (кароткая будзе экскурсія па плошчы).

Сустракаю у 13.00 каля ўвахода ў Чырвоны касцёл.
Усё гэта бясплатна.
Але калі хто захоча дапамагчы праекту Куфар старажытнасьцяў, то можна будзе у канцы нешта ахвяраваць (але тое па жаданні).
Ваша дапамога вельмі карысная для праекта. Дапамагае ўратаваць беларускую спадчыну.

Завітвайце і не забывайце маскі. Адкрыць / каментаваць

2021-11-27 02:05:47 У чацвер 9 снежня запрашаем на лекцыю "Гісторыя і культура габрэяў у Беларусі: штэтлы, школы, ідыш, хасіды ды літвакі" з мастаком-рэстаўратарам, беларускім ідышыстам, складальнікам ідыш-беларускага слоўніку Алесем Астравухам.

Запіс праз гугл-форму: https://forms.gle/3Vn8yNY9qtEyB2eb7

Як і калі Майсеева племя апынулася ў на нашых землях? Прывілей князя Вітаўта берасцейскім габрэям.

Каго ў ВКЛ называлі літвакамі? Паўночны Ерусалім і віленскі Гаон.

Чаму ў 19 ст. ў беларускіх гарадах большасць насельніцтва складалі габрэі? “Черта постоянной еврейской оседлости" Кацярыны ІІ

Што такое штэтл? Мястэчка - беларускі Бабілон.

І на якой мове да сярэдзіны 20 ст. размаўлялі ў нашых мястэчках, асабліва ў гандлёвыя дні? Матчына мова і мамэ-лошн.

Напрыканцы ІДЫШ-МАЙСТАР-КЛАС па напісанні свайго імя літарамі алефбэйс - габрэйскага алфавіту. А таксама вы пачуеце ды зможаце вывучыць троху спеваў на ідыш.

Лекцыя адбудзецца па адрасе: Мінск, вул. Кісялёва, 38. Пачатак у 18-30 Адкрыць / каментаваць

2021-11-27 02:01:04 Сябры, у аўторак 30 лістапада запрашаем вас на чарговую сьпеўную-zoom сустрэчу "Дзе мой край?" з Сержуком Сокалавым-Воюшам ды Тацянай Грыневіч. Гэтым разам сустрэча прысьвечаная легендарнаму пісьменьніку ды паэту Уладзіміру Караткевічу, 91-шы дзень народзінаў якога адзначаецца 26 лістапада, а таксама Дню Герояў, што адзначаецца 27 лістапада.

Пачатак мерапрыемства ў 20-00!

Запіс праз гэтую гугл-форму: https://forms.gle/f6Pe5UNS2EdhNdS8A

Запрашаем у гэты вечар узгадаць разам творчасьць, вершы ды сьпевы на вершы Караткевіча, яго значэньне для Беларусі, зь вядомым беларускім бардам, журналістам, пісьменьнікам, перакладчыкам Сержуком Сокалавым-Воюшам, які асабіста быў знаёмы з Ларысай Антонаўнай, і са сьпявачкай Тацьцянай Грыневіч, першай скрыпкай беларускіх плошчаў і маршаў 2020-га.

Таксама здагадаем пра Дзень Герояў, які традыцыйна адзначаецца ў лістападзе. Плануецца некалькі запрошаных гасьцёў, імёны якіх пакуль не анансуем. Адкрыць / каментаваць

2021-11-26 01:26:32 У гэтую суботу 27 лістапада а 14:00 запрашаем вас пазнаёміцца з Мінскам на экскурсіі «Горад-прывід: у пошуках (не)страчанай спадчыны» з Таццянай Даўгач.

Наш Менск вельмі круты! Але якім бы ён быў, калі б не шматлікія перабудовы, разбурэнні, войны, пажары, ды, часам, неахайнае стаўленне да архітэктурнай спадчыны? Паспрабуем уявіць гэта падчас экскурсіі.

Акрамя гэтага абяцаем расказаць:
- Якімі былі на смак знакамітыя «сапежанкі»;
- Дзе ў Мінску парушалі «сухі закон»;
- Які будынак напачатку ХХ ст. лічыўся найстарэйшым у горадзе;
- І шмат іншых цікавостак!

Працягласць: 2 гадзіны

Вандроўка праводзіцца за ахвяраванні. Вы самі вызначаеце суму падзякі экскурсаводу і арганізатарам. Загадзя ўдзячныя за Вашую падтрымку!

Сустракаемся ў суботу 27 лістапада а 14:00 на вул. Савецкая, 7 (Насупраць уваходу ў мінфін).

Запіс па спасылцы https://clck.ru/YyXHh Адкрыць / каментаваць

2021-11-26 01:22:32 Запрашаем вас у гэтую пятніцу 26 лістапада а 19:00 пазнаёміцца з "Містычным Менскам" са Святланай Грышкевіч.

Будзем размаўляць пра легенды і прывідаў, загадкі і цуды. І гэта ў самым сэрцы Менска!

Пасля шпацыру вы дакладна будзеце ведаць:
• Хто такая менская князёўна і як яна ўплывае на наш горад па гэты дзень;
• Дзе шукаць менскіх прывідаў і чаму іх не варта баяцца;
• Як пазбавіцца ад эпідэміі (вельмі актуальна ў апошні год!);
• Чаму лепш не хадзіць ля Свіслачы ў цёмныя часы;
• Куды ісці, каб праверыць словы на сумленнасць
• ды іншыя цікавосткі.

Працягласць: 1,5 гадзіны
Пачатак на агляднай пляцоўцы побач з сувенірным аўтобусам насупраць грузінскай амбасады (пл. Свабоды, 8)

Вандроўка праводзіцца за ахвяраванні. Вы самі вызначаеце суму падзякі экскурсаводу і арганізатарам. Загадзя ўдзячныя за Вашую падтрымку!

Запісацца на вандроўку можна па спасылцы https://clck.ru/Yy6JB

Да сустрэчы! Адкрыць / каментаваць

2021-11-26 01:19:11 Арт Вандроўня pinned a photo Адкрыць / каментаваць

2021-11-26 00:56:37 Сябры, у нядзелю 5 снежня запрашаем Вас на вандроўку "Літвіны і літвакі. Ханука ў Бабруйску" з мастаком-рэстаўратарам, беларускім ідышыстам Алесем Астравухам.

Маршрут: Менск – Парычы – Бабруйск – Смілавічы – Менск.

Запіс праз гугл-форму: https://forms.gle/oZaYoGJHZAiMrGgv6

Падчас вандроўкі мы наведаем атмасфернае мястэчка Парычы, дзе даведаемся пра "латкес", якімі Іван Пушчын карміў там Пушкіна, а таксама пра тры пісьменьніцкіх калены Гарэлікаў ды інш.

У самім Бабруйску мы здзейснім "праменад" па вуліцах трох слынных пісьменьнікаў-бабруйчан: з Эфраімам Севелам па Інваліднай, з Абрамам Рабкіным па Шашэйнай і з Саламанам Шульманам па Сацыялцы. А таксама нас чакае Ханука з ханукальнымі пончыкамі ад рэбэ Шавуля ў бабруйскай сінагозе, наведванне школішча, месцы габрэйскай памяці і алея Праведнікаў народаў свету.

Напрыканцы вандроўкі ў яшчэ адным штэтле Смілавічы наведаем музей-прастору Хаіма Суціна.

Па дарозе будзем спяваць на ідыш!

Ад'езд а 7-й, вяртанне~ 21-30.
З захаваннем антыкавідных мераў бяспекі! Адкрыць / каментаваць

2021-11-23 15:21:12 Запрашаем на

«Гутаркі за кубачкам гарбаты» з Алесяй Літвіноўскай

У нязмушанай атмасферы будзем  гутарыць з філолагам Алесяй Літвіноўскай пра гісторыю і сучасны стан беларускай мовы, яе фанетычныя ды граматычныя адметнасці і лексічнае багацце.  

 Запрашаем усіх, хто хацеў бы падвысіць свой узровень валодання беларускай мовай, знайсці кола адзінадумцаў ды з карысцю і прыемнасцю прабавіць час.

Кожная інтэрактыўная сустрэча будзе прысвечана асобнай тэме (дыялекты, беларуская лацінка, асаблівасці беларускага вымаўлення і напісання і г.д.)

Дaведацца больш падрабязную iнфармацыю i зарэгiстравацца можна па спасылцы:

https://docs.google.com/forms/d/e/1FAIpQLSc1mKM562qgSok8BNvspBSbiOCLUvSiDuOO0fJv93FTCzGO-A/viewform
  Адкрыць / каментаваць

2021-11-20 11:44:28 Сябры, Фонд Еўфрасінні Полацкай у чацвер 2 снежня запрашае вас жывую лекцыю-прэзентацыю "Род Радзівілаў і апошнія нясвіжскія ардынаты" вядомага асветніка, журналіста, паэта, экскурсавода Глеба Лабадзенкі.

Лекцыя складаецца не толькі рэтраспектывы агульнадасягальных звестак пра гістарычных прадстаўнікоў славутага магнацкага роду ВКЛ, але грунтуецца на эксклюзіўных запісаных успамінах Эльжбеты Радзівіл, якія напрацягу 12 гадоў збіраў ды парадкаваў спадар Глеб, а таксама дэманстрацыі фрагментаў відэа-інтэрв'ю ды фота з уласнага архіву князёўны.

Нагадаем, сёлета на 104-м годзе жыцця ў Варшаве памерла Эльжбэта Радзівіл, дачка перадапошняга ардыната Нясвіжскага замка Альбрэхта Радзівіла. Запрашаем Вас на сустрэчу з чалавекам, які асабіста ведаў яе, неаднойчы сустракаўся, запісаў шмат жывых успаміна, ды паспрабуе перадаць дух слаўнай мінулай эпохі, які цяпер ужо адчуць няма ад каго.

Запіс праз гугл-форму: https://forms.gle/bfSEzSRPQwcMUV8fA

Даведкi па тэл: +375292524458 (Ганна) Адкрыць / каментаваць