Арт Вандроўня

2021-12-17 13:59:06 Сябры, яшчэ ёсць магчымасць ускочыць у апошні вагон! Далучайцеся да заўтрашняй атмасфернай вандроўкі Адкрыць / каментаваць

2021-12-17 13:57:30 Арт Вандроўня pinned a photo Адкрыць / каментаваць

2021-12-16 14:06:23 Сябры, у нядзелю 19 снежня запрашаем вас на пешаходную вандроўку да 130-гадовага юбілею Максіма Багдановіча "Я хацеў бы спаткацца з Вамі на вуліцы... імя паэта" , прысвечаную дню народзінаў Максіма Багдановіча. Аўтар і вядоўца - гісторык, музейшчык і экскурсавод, арганізатар Фэста экскурсаводаў Павал Каралёў.

Падчас вандроўкі мы наведаем месца, дзе нарадзіўся Максім, дазнаемся пра Менск Багдановіча, пра сяброў паэта і яго паплечнікаў.

Пасля вандроўкі мы завітаем на экскурсію ў музей Багдановіча, дзе зараз працуе тэматычная юбілейная мастацка-дакументальная выстава "Пад знакам Страціма" да юбілею паэта.

Пачатак пешаходнай вандроўкі ў 10.30. Наведванне выставы 12.00 - 13.30. Рэгістрацыя і больш падрабязная інфармацыя праз гэтую гугл-форму: https://forms.gle/mrxGftvk2KKVrgz88 Адкрыць / каментаваць

2021-12-13 18:04:50 Сябры, запрашаем Вас у нядзелю ўвечары 26 сьнежня на атмасферны калядны канцэрт пад гусьлі "Засьпявайма ўсе як адзін - дзень настаў Хрыстовых нарадзін!" з Алесем Чумаковым ды Тацьцянай Ячнай.


Канцэрт пройдзе па адрасе: Мінск, вул. Кісялёва, 38.

Час: з 18.30 да 20.00 гадзіны

Удзел у канцэрце па запрашальніках за ахвараваньні

Запіс праз гэтую гугл-форму: https://forms.gle/eAWNMAB6q8WSyUWD8

Алесь Чумакоў - вядомы музыка-мультыінструменталіст, удзельнік легендарнага гурту Стары Ольса, які шмат год займаецца вырабам і папулярызацыяй гусьляў. Іх дуэт з Тацьцянай Ячнай утварыўся 3 гады таму акурат на Каляды. А 2 гады таму яны выдалі альбом еўрапейскіх калядных сьпеваў пад гуслі ў перакладах на беларускую мову "Вясёлых калядных святаў ад Дубліна да Дрысвятаў!", у які ўвайшлі найвядомейшыя прыгожыя Калядныя песні (Christmas Carols) па-беларуску ды пад беларускія гуслі.

А ў абноўленай праграме дуэту яшчэ больш калядных сьпеваў па-беларуску! Далучайцеся! Адкрыць / каментаваць

2021-12-11 17:39:54 Сябры, калі ўжо пачалі задумвацца пра набыццё беларускамоўных календароў на наступны 2022-гі год, хацелі б парэкамендаваць каляндар “Менск: горад і сонца” – гэта стары Менск вачыма мастачкі Марыі Каралёвай. Аўтарскія акварэльныя ілюстрацыі і ўкладанне.

ПЕРАДЗАМОВА: https://tn.by/product/miensk-horad-i-sonca-2022-na-spruzynie-a3/?fbclid=IwAR0eHUDLP40o2PBRC3ldrOPbQFAgJuZB-Oc0bHfLxHpQSLQ6JI8aWOlPoDw
Увага: каляндар будзе ў наяўнасці пасля 15 снежня. Апошнія дні, каб перадзамовіць!

Даты, улучаныя ў каляндар, адлюстроўваюць найбольш важныя падзеі і розныя цікавінкі з гісторыі Менска.

Нагадаем, што яшчэ адзін падарунак сабе Вы можаце зрабіць, замовіўшы прагляд запісаў найцікавейшага цыклу з 4-х онлайн zoom-лекцыяў Марыі Каралёвай (якая ёсць яшчэ і магістаркай мастацтвазнаўства) па гісторыі выяўленчага мастацтва "У пошуках перспектывы": https://forms.gle/Qm4rWi7NniHKnpQ28 Адкрыць / каментаваць

2021-12-11 16:22:00 Шаноўнае спадарства.
У гэту нядзелю (12 снежня) зноў хачу завітаць на выставу "Нябёсная варта Беларусі" (якая працуе у Чырвоным касцёле).
Калі ў Вас ёсць жаданне наведаць выставу, то далучайцеся. Распавяду пра яе, паглядзім цікавая абразы (іконы) і ліштвы.
Апроч таго, распавяду пра цікавосткі на плошчы Незалежнасці (кароткая будзе экскурсія па плошчы).

Сустракаю у 13.00 каля ўвахода ў Чырвоны касцёл.
Усё гэта бясплатна.
Але калі хто захоча дапамагчы праекту Куфар старажытнасьцяў, то можна будзе у канцы нешта ахвяраваць (але тое па жаданні).
Ваша дапамога вельмі карысная для праекта. Дапамагае ўратаваць беларускую спадчыну.

Ну і канешне, для натхнення некаторыя выявы з выставы і прыгожыя выгляды рознага часу на Чырвоны касцёл.

Завітвайце і не забывайце маскі. Адкрыць / каментаваць

2021-12-11 16:20:28 У гэтую нядзелю 12 снежня экскурсаводка Святлана Грышкевіч запрашае Вас на шпацыр па самым цэнтры горада, які прасякнуты гісторыямі любві і кахання . Пагаворым пра вядомых беларускіх дзеячоў, паэтаў, музыкаў. Даведаемся пра шчаслівыя, узаемныя і безадказныя, легендарныя і сучасныя стасункі, у якіх не апошнюю ролю адыграў наш горад. І, вядома ж, паглядзім на Менск іншымі , закаханымі вачыма.

Далучайцеся, апранайцеся цёпла і запрашайце сяброў!

Святлана Грышкевіч
12.12 (нядзеля)
15:30
Па запісе
За ахвяраванні. Вы самі вызначаеце суму падзякі экскурсаводу і арганізатарам.
Запіс па спасылцы https://clck.ru/ZDkwc
Увага! У сувязі з надвор‘ем экскурсія адбудзецца пры пацверджанні пэўнага мінімуму ўдзельнікаў. Усе зарэгістраваныя вандроўнікі абавязкова будуць папярэджаны ранкам нядзелі пра пацвярджэнне/перанос экскурсіі. Адкрыць / каментаваць

2021-12-11 01:35:17 Арт Вандроўня pinned a photo Адкрыць / каментаваць

2021-12-11 01:35:04 Арт Вандроўня pinned a photo Адкрыць / каментаваць

2021-12-10 23:32:04 Сябры, у панядзелак 13 снежня запрашаем Вас у Нацыянальны мастацкі музей на апошнюю куратарскую экскурсію Змітра Моніча па выставе, прысвечанай 100-годдзю Віленскага беларускага музея імя Івана Луцкевіча - на закрыццё выставы.

Пачатак экскурсіі ў 17-00. Рэгістрацыя праз гугл-форму: https://forms.gle/VvnZ66k26g81w2gZ7

Уваходныя білеты на выставу з экскурсіяй: 10.00 руб. (дарослыя)

У 2021 годзе адзначаецца сто год з дня заснавання Віленскага беларускага музея імя Івана Луцкевіча – першага беларускага нацыянальнага музея, які сваёй асноўнай мэтай ставіў збор, захаванне і папулярызацыю найперш беларускай гісторыі, культуры і мастацтва.

Выставачны праект мае на мэце рэпрэзентаваць (у межах сучасных беларускіх збораў) багатую і разнастайную калекцыю Віленскага беларускага музея імя Івана Луцкевіча. Экспазіцыйная прастора дае магчымасць пазнаёміцца з сакральным мастацтвам (іконы, скульптура, метал. абразкі і крыжы), беларускім жывапісам і графікай ХІХ – пач. ХХ ст., калекцыяй археалогі, этнаграфіі, нумізматыкі Адкрыць / каментаваць