BY_culture

2022-07-26 17:25:46 “Давядзецца мне адчуць сябе манахам-езуітам, які адпакутвае свае грахі ў келлі”

Палітзняволеных анархіст і аўтар турэмнай літаратуры Мікола Дзядок распавёў пра свой пераезд у гродзенскую турму:

“З Горак выехаў 30 чэрвеня, суткі правёў у кайданках. Гродзенская турма вельмі своеасаблівае месца. У савецкія часы лічылася ўсесаюзнай «крытай».

Праз некалькі дзён пасля прыезду мяне павялі на камісію. На турэмным рэжыме ёсць два віды ўтрымання: агульны турэмны рэжым і строгі турэмны рэжым. Тут іх называюць «сыты» і «галодны». Адрозніваюцца колькасцю дазволеных перадач і бандэроляў, а таксама лімітам грошай на атаварку. На камісіі мне адразу далі 33 месяцы «галоднага» да дня майго вызвалення.

Агулам давядзецца мне адчуць сябе манахам-езуітам, які адпакутвае свае грахі ў келлі :)

Зычу бадзёрасці і веры ўсім! Абдымаю кожнага і кожную, хто мяне падтрымлівае і пра мяне думае!”

Адрас для лістоў, каб падтрымаць Міколу:
турма № 1. 230023, г. Гродна, вул. Кірава, 1. Адкрыць / каментаваць

2022-07-26 13:58:41 Змены ў Кодэкс аб культуры падпісаў Лукашэнка. Пакуль яны даступныя толькі ў пераказе ягонай прэс-службы.

Што за яны?

Калі вы не ў мінкультаўскім рэестры арганізатараў культурна-відовішчных імпрэз і не маеце пасведчання "на права арганізацыі і правядзення культурнай імпрэзы", можна праводзіць толькі юбілей ці вяселле, але толькі "для ўласных патрэб і без атрымання прыбытку".

Экскурсіі ў музеях дазваляецца праводзіць толькі супрацоўнікам гэтых музеяў.

Таксама змены таксама закранулі і іншыя сферы: бібліятэчную, музейную, рамесную, народную творчасць і кінематаграфію.

"Змены ў Кодэкс аб культуры робяць гэты і без таго мала асэнсаваны дакумент яшчэ менш асэнсаваным і карысным.

Тое, што мы бачым, — чарговая спроба закатаць у асфальт любыя праявы культурнай самаарганізацыі і вольнай нізавой творчай актыўнасці. Гаворка ідзе пра прымусовую бюракратызацыю культурнага працэсу і фактычнае ўзмацненне культурнай цэнзуры", — пракаментаваў @by_culture сітуацыю культуролаг Максім Жбанкоў. Адкрыць / каментаваць

2022-07-26 11:09:00 У Маладзечне затрымалі экс-палітвязня, музыку Аляксандра Казакевіча.

Прычыны пакуль невядомыя, піша @viasna96.

Тыдзень таму, 19 ліпеня, Вольга Дубовік прызнала яго вінаватым паводле арт. 369 КК ("Абраза прадстаўніка ўлады") і прысудзіла 1,5 гады "хатняй хіміі", а таксама выплаціць 2 тыс. рублёў на карысць трох "пацярпелых".

Да суда Аляксандр правёў у зняволенні тры месяцы.

Гісторыі з жыцця Аляксандра Казакевіча Адкрыць / каментаваць

2022-07-26 08:01:01 Паліць не будуць: пісьменнік Альгерд Бахарэвіч дазнаўся пра лёс канфіскаванага наклада яго "Сабак Эўропы" — іх закатаюць у зямлю трактарам.

Як іранізуюць каментатары пад допісам, выраз "з-пад зямлі дастаць" набывае новыя адценні. Астатні сімвалізм таксама дастаўляе.

Нагадаем, раман "Сабакі Эўропы" Альгерда Бахарэвіча — першая беларуская мастацкая кніга, якая была прызнаная рэжымам Лукашэнкі "экстрэмісцкімі матэрыяламі" . Адкрыць / каментаваць

2022-07-25 20:27:57 У Мінску затрымалі настаўніцу беларускай мовы і літаратуры Галіну Тарноўскую.

Пра гэта піша @mediazona_by

Галіна працуе ў гімназіі №37. Відэа з ёй з'явілася на адным з праўладных тэлеграм-каналаў. Настаўніцу абвінавачваюць ва ўдзеле ў акцыях пратэсту.

VK Галіны Адкрыць / каментаваць

2022-07-25 19:15:53 Дні беларускай культуры працягваюцца!

Тбілісі запрашае на тыдзень беларускага дакументальнага кіно — пра беларускія пратэсты 2020 года і іх наступствы.

Што ў праграме?

"Галасы. Дзе мой край"
(рэж. DocWave, 2022)

Фільм пра тое, як нарадзіўся адзін з сімвалаў беларускага супраціву – Вольны хор.

27 ліпеня / 19.00

"Дом там, дзе я?"
(рэж. Арцём Лобач, 2022)

4 гісторыі пра адчуванне Дома ад 4 беларускіх творцаў, якія былі вымушаныя пакінуць Беларусь, а потым і Украіну.

28 ліпеня / 19.00

"Белае сонца чырвонага лета" (трэйлер)
(рэж. Паліна Ідрысава, Яна Нова, Глеб Асмалоўскі, 2021)

Фільм раскрывае тэму пратэсту і яго ўплыў на лёсы людзей вуснамі відавочцаў.

29 ліпеня / 19.00

"Courage" (трэйлер, рэцэнзія)
(рэж. Аляксей Палуян, 2021)
Фільм пра тое, што давялося перажыць беларусам, якія прагнулі перамен у 2020 г. Яго галоўныя героі — акцёры "Свабоднага тэатра“.

31 ліпеня / 18.00, 20.00

Cinema House

Уваход на ўсе прагляды вольны, але колькасць месцаў абмежаваная.

#bycultureglobal Адкрыць / каментаваць

2022-07-25 16:20:56 “Кожны новы дзень дзівіць новымі магчымасцямі” — Эдуард Бабарыка даў першае інтэрв’ю за 2 гады знаходжання ў СІЗА.

Яно пра ёгу, справядлівасць, развіццё і пошукі натхнення нават у такіх умовах:

”За апошнія 24 месяцы я прайшоў велізарны шлях ад абсалютнай пустаты да дзіўнага сусвету, багатага магчымасцямі.

“Філасофія дня" ў камеры ці ў вялікім свеце нічым не адрозніваецца. Гэта заўсёды пра выбар – паляжаць або ўстаць, паддацца слабасці або пераадолець сябе. Гэта заўсёды пра ўзровень свядомасці – жыць на аўтамаце інэртна або пражываць кожную секунду ва ўсёй яе прыгажосці”.

”Увесь сакрэт у сэнсах, якія я знаходжу ў сваім бестэрміновым зняволенні. Турма можа быць месцам, якое крадзе жыццё, а можа стаць унікальнай магчымасцю для развіцця сябе”.

”Апошнія два гады сталі самым інтэнсіўным перыядам з пункту гледжання стварэння сябе на ўсіх узроўнях: фізічным, інтэлектуальным, эмацыйным, маральна-духоўным, асобасным”

Адрас для лістоў: СІЗА-1, 220030, Мінск, Валадарскага, 2, Эдуард Віктаравіч Бабарыка. Адкрыць / каментаваць

2022-07-25 13:58:50 Пра пошук паратунку ад беларускага абсурду ў дзіцячых кніжках, эміграцыю і кнігу пра 2020-ты @nashaniva паразмаўляла з Сяргеям Календам — літаратарам, цырульнікам, выдаўцом часопіса "Мінкульт".

"Мне прыгадваецца гутарка з адным нямецкім пісьменнікам у Берліне. Яна адбылася яшчэ ў 2010-м годзе, калі ў нас былі не такія вядомыя ўсім пратэсты, але яны былі. І ён тады сказаў: "Вось вам пашчасціла жыць у крызісныя часы, калі творчасць робіцца больш вострай". А я глядзеў на яго, а ён вельмі дорага апрануты, піў дарагое шампанскае ў творчым каворкінгу. І я такі: "А я б хацеў пажыць, як ты, не трывожачыся ні за што, ні лічачы грошы, і каб пісаць нешта падобнае да Бекета".

Ты мне кажаш пра "лепшыя часы", а ў мяне няма нічога за душой, толькі вяртанне да хворай маці і новых пратэстаў. Літаратура ў такі час, мне падаецца, робіцца больш злоснай".

Вы можаце падтрымаць выданне часопіса "Мінкульт": тэмы бліжэйшых нумароў — "Вірус і выбары", "Падарожжы і эміграцыя" і "Вайна". Адкрыць / каментаваць

2022-07-25 10:48:30 Адкрыць / каментаваць

2022-07-24 18:59:01 Сёння ў нас лаканічны YouTube выхаднога дня

@belsat зрабіў вялікі агляд беларускага YouTube — чытайце і выбірайце!

А з таго культурнага, чаго няма ў спісах, раім, калі яшчэ не глядзелі, канал "Шокінг Культ" культуролага Максіма Жбанкова — 11 відэа, як кажа аўтар, "пра пошук трапнага слоўніка для зламанага часу". Хутка, дарэчы, новы сезон!

Бонус-(саўнд)-трэк:

Зміцер Вайцюшкевіч і яго новы альбом "Вецер". Адкрыць / каментаваць