Вясна / Правы чалавека ў Беларусі

2023-05-23 10:52:25 У Беларусі новыя «экстрэмісцкія фармаванні»

Гэта «Fundacja «Reka Wielkej Pomocy» і «Кадровый резерв для Новой Беларуси».

Яны ўнесеныя ў адпаведны спіс на падставе рашэнняў КДБ. Адкрыць / каментаваць

2023-05-23 10:48:17 У Маскве затрыманая сямейная пара з Беларусі, якія запусцілі ў неба сцяг супраць вайны з Украінай

Як піша @zerkalo_io, грамадзянін Беларусі з жонкай «прыехалі да сажалкі ў Паўночным Чартананава на Camry, дасталі з багажніка шары, муж іх запусціў, а жонка здымала на тэлефон. Пасля гэтага пара хутка знікла з месца».

Зараз з мужам і жонкай працуюць сілавікі. Адкрыць / каментаваць

2023-05-23 10:40:08 У Жабінцы працягваюць зневажаць дзяржаўную сімволіку: затрыманыя двое маладзёнаў

У Высокаўскім аграрным каледжы на Берасцейшчыне былі паказальна заключаныя пад варту двое навучэнцаў, падазраваных у знявазе дзяржаўных сімвалаў Беларусі (арт. 370 КК). Санкцыю на затрыманне зачытаў пракурор Камянецкага раёна ў прысутнасці навучэнцаў.

Як паведаміла Генракуратура, 18-гадовы жыхар аграгарадка Войская разам з 19-гадовым жыхаром Жабінкі, у начны час з 14 на 15 траўня, сарвалі тры дзяржаўныя сцягі, устаноўленых на фасадах установы адукацыі, гандлёвага аб'екта і аддзяленні паштовай сувязі ў Войская.

Гэта не першы выпадак нападу на дзяржаўную сімволіку ў Жабінцы. 13 сакавіка 2021 года ў Жабінцы на будынку раённай газеты невядомыя спалілі дзяржаўны сцяг.

Чытаць па спасылцы Адкрыць / каментаваць

2023-05-23 10:00:55 Палітзняволеных Іну і Валерыю Глінскі, асуджаным за перадачу дадзеных у «ЧКБ», перавялі ў калонію

У Мінскім гарадскім судзе 20 студзеня агучылі прысуд палітзняволеным супрацоўніцам МТБанку — 7 і 6,5 гады калоніі ва ўмовах агульнага рэжыму адпаведна.

Маці і дочку асудзілі за перадачу ў 2020 годзе дадзеных сілавікоў у тэлеграм-канал «Чорная кніга Беларусі» па трох артыкулах: ч. 3 арт 130 (распальванне іншай сацыяльнай варожасці), ч. 3 арт. 203-1 (незаконныя дзеянні ў дачыненні да інфармацыі аб прыватным жыцці і персанальных дадзеных), арт. 352 (неправамернае завалоданне камп'ютарнай інфармацыяй).

28 красавіка Вярхоўны суд пакінуў ім прысуд без зменаў, а апеляцыйныя скаргі без задавальнення. Нядаўна іх этапавалі ў гомельскую калонію.

Падтрымайце палітзняволеных: ПК №4, 246035, Гомель, Антошкіна, 3 (Валерыя Андрэеўна Глінская, Іна Валер'еўна Глінская)
Напісаць анлайн bit.ly/3PIOcjz Адкрыць / каментаваць

2023-05-23 09:15:25 Адкрыць / каментаваць

2023-05-22 21:00:47 Палітзняволены Уладзімір Гундар аглух у карцары

Як стала вядома «Вясне», Уладзімір стаў дрэнна чуць у апошні дзень 7-дзённага знаходжання ў карцары. Пасля выхаду адтуль, яго стала ліхаманіць у камеры, яму было вельмі холадна, балелі галава і вушы, ён перастаў чуць сукамернікаў і зразумеў, што аглух канчаткова.

Выкліканы лекар даў яму цытрамон і ібупрафен, абяцаў выклікаць лора. Аднак дагэтуль невядома, ці наведаў палітвязня спецыяліст.

Пакаранне карцарам Гундару было вынесена яшчэ ў першы дзень красавіка за не так пакладзеную на шконку падушку. Але на працягу месяца яго туды не адпраўлялі з-за адсутнасці вольнага месца.

Нагадаем, палітзняволены Уладзімір Гундар асуджаны агулам на 20 гадоў калоніі ва ўмовах узмоцненага рэжыму па 4 артыкулах Крымінальнага кодэкса. Разгляд апеляцыйнай скаргі па апошнім прысудзе адбудзецца 6 чэрвеня.

Падтрымайце Уладзіміра пасылкамі, грашовымі пераводамі, тэлеграмамі і лістамі: Турма № 1, 230023, Гродна, Кірава, 1, Уладзімір Тадэвушавіч Гундар
Напісаць анлайн Адкрыць / каментаваць

2023-05-22 20:16:13 Адкрыць / каментаваць

2023-05-22 19:45:01 У Магілёве затрымалі двух мужчын

Праўладныя тэлеграм-каналы апублікавалі «пакаяльныя відэа» 40-гадовага Яўгена Холадава і 35-гадовага Аляксея Кандурцава. Яўген кажа, што нібыта распаўсюджваў на сваё старонцы «экстрэмісцкія» матэрыялы і абражаў Лукашэнку, а Аляксей — што нібыта дасылаў «экстрэмісцкім» тэлеграм-каналам фотаздымкі.

Паведаміць пра затрыманне
Атрымаць бясплатную юрыдычную кансультацыю
Звязацца з журналістамі «Вясны» Адкрыць / каментаваць

2023-05-22 19:34:09 Акцыі ў падтрымку беларускіх палітвязняў прайшлі па ўсім свеце. Як гэта было

Праваабарончы цэнтр «Вясна» вызначыў 21 траўня Днём салідарнасці з палітзняволенымі Беларусі. У гэты дзень два гады таму ў шклоўскай калоніі №17 памёр палітвязень Вітольд Ашурак.

У гэты дзень беларусы з усяго свету зладзілі шматлікія акцыі ў падтрымку палітвязняў.

Распавядаем, як гэта было Адкрыць / каментаваць

2023-05-22 19:01:24 У Мінскім гарадскім судзе пачаўся разгляд крымінальнай справы былой бухгалтаркі Мінскага элетратэхнічнага завода імя Вавілава Ганны Карняенка

Жанчыну вінавацяць у незаконных дзеяннях ў дачыненні да інфармацыі аб прыватным жыцці і асабістых даденых (ч.3 арт. 203-1 КК) і распальванні іншай сацыяльнай варожасці альбо варажнечы (ч. 3 арт 130 КК). Працэс праходзіць у закрытым рэжыме.

Справу разглядае суддзя Святлана Чарапанава.

Ганну звольнілі пасля «Народнага ўльтыматуму» ў 2020 годзе, яна судзілася з прадпрыемствам па факце незаконнага звальнення.

Крыніца: @nashaniva Адкрыць / каментаваць

2023-05-22 18:00:15 «Усё жудаснае скончыцца, а гонар і годнасць застануцца непахіснымі». Адкрытыя лісты да палітзняволеных адвакатаў

Цяпер у Беларусі налічваецца сем палітзняволеных адвакатаў і адвакатак, якія сталі фігурантамі крымінальных справаў: Максім Знак, Аляксандр Данілевіч, Віталь Брагінец, Анастасія Лазарэнка, Юлія Юргілевіч, Міхаіл Макараў, Аляксей Бародка.

Беларуская асацыяцыя адвакатаў правоў чалавека сумесна з праектам «Права на абарону» напярэдадні Дня палітычнага зняволенага 21 траўня прапанавалі далучыцца да акцыі «Напішы адвакату!». Публікуем некаторыя адкрытыя лісты да палітзняволеных адвакатаў ад іх калегаў і каляжанак, а таксама ад неабыякавых людзей.

«Зараз, калі ласка, трымайся. Як бы цяжка ні было, трымайся. Ноч найцямнейшая перад світанкам. І світанак абавязкова будзе».

Чытаць па спасылцы bit.ly/45q2ePh Адкрыць / каментаваць

2023-05-22 17:00:49 Адкрыць / каментаваць

2023-05-22 16:06:38 Палітзняволеную Марыю Калеснікаву па-ранейшаму «прэсуюць» у калоніі

Як стала вядома @MAYDAYMog, Марыя мае праблемы са здароўем у жаночай ПК-4 у Гомелі. Праз гэта яна не працуе. Каля месяца таму на пастраенні яе прыйшлося нават выводзіць пад рукі.

У апошні час яна ўтрымоўваецца ў «адзіночнай камеры». Да гэтага яе рэгулярна адпраўлялі ШІЗА.

Разам з тым, Марыя не страчвае прысутнасці духа. Па інфармацыі MAYDAY, яна па-ранейшаму рэгулярна карыстаецца чырвонай памадай — гэтая фішка стала сімвалам нязломнасці і аптымізму Калеснікавай.

Падтрымайце Марыю лістамі і тэлеграмамі: ПК №4. 246035, Гомель, Антошкіна, 3, Калеснікавай Марыі Аляксандраўне
Напісаць анлайн bit.ly/3PIOcjz Адкрыць / каментаваць

2023-05-22 15:30:03 Адкрыць / каментаваць

2023-05-22 15:15:01 Пяць дзён адсутнічае інфармацыя пра затрыманую Алену Анісім. На працы яе няма

Былую дэпутатку Палаты прадстаўнікоў і кіраўніцу Таварыства беларускай мовы затрымалі 17 мая на працоўным месцы. Куды яе завезлі і ў чым вінавацяць — невядома, піша @nashaniva. Адкрыць / каментаваць

2023-05-22 15:01:43 Падтрымайце палітзняволеную актывістку Таццяну Канеўскую

Таццяна — актывістка, давераная асоба Святланы Ціханоўскай у Гомелі. Змагалася за свабоду свайго сына, якога асудзілі па наркатычным артыкуле. Яна некалькі гадоў змагалася за змены ў антынаркатычные заканадаўства ў якасці прадстаўніцы ініцыятывы “Матчын рух 328”. Таццяна з'яўлялася ініцыятаркай галадоўкі маці асуджаных за наркотыкі. 

У траўні 2021 года Таццяну асудзілі да 6 гадоў калоніі па двух артыкулах Крымінальнага кодэкса: ч. 2 арт. 293 (удзел у масавых беспарадках) і арт. 292 (захоп будынкаў).

У калоніі Таццяну двойчы змяшчалі ў ШІЗА агулам на 30 сутак, пасля чаго на тры месяцы адправілі ў ПКТ. У сярэдзіне студзеня 2022 стала вядома, што Таццяне ўзмацнілі пакаранне і перавялі на турэмны рэжым. Канеўская — адзіная жанчына, якая адбывае тэрмін у турме.

Падтрымайце Таццяну лістамі, паштоўкамі і тэлеграмамі: Турма № 4. 212011, г. Магілёў, вул. Крупскай, 99А, Таццяна Васільеўна Канеўская
Напісаць анлайн Адкрыць / каментаваць

2023-05-22 14:45:37 Кіраўнік МЗС Літвы заклікаў ЕС падтрымаць беларускіх палітвязняў «не праз допісы ў Твітэры, а праз палітычныя дзеянні»

Пра гэта Габрыэліус Ландсбергіс заявіў перад пачаткам сустрэчы міністраў замежных спраў краін ЕС у Брусэлі.

«Сёння я папрашу вас раздзяліць гэтыя дзве рэчы, каб рухацца наперад з беларускім пакетам, калі мы сур'ёзна падтрымліваем беларускую апазіцыю і палітвязняў не праз допісы ў Твітэры, а праз палітычныя дзеянні. Мы прапанавалі пакет санкцый на 200 млн еўра, а пакет з выключэннямі варты 8 млрд еўра», – сказаў кіраўнік МЗС Літвы.

Крыніца: @byplradio Адкрыць / каментаваць

2023-05-22 14:31:28 Эдуард Бабарыка на судзе вырашыў даваць паказанні:

«Я не здзяйсняў ніводнага злачынства, у якіх мяне абвінавачваюць. Следствам не было здабыта ніводнага доказу маёй віны».

Ён таксама распавёў, што тыя 1,8 мільёна рублёў, якія фігуруюць у справе і лічацца атрыманымі незаконным шляхам, падарылі яму бацькі.

Распачаўся суд над Эдуардам Бабарыкам, які ўтрымліваецца пад вартай амаль тры гады Адкрыць / каментаваць

2023-05-22 14:15:40 Дырэктару студыі вэб-дызайну «Іквадарт» узмацнілі пакаранне з «хіміі» на калонію

У судзе Мазырскага раёна 5 траўня адбыўся суд па замене абмежавання волі з накіраваннем у папраўчую ўстанову адкрытага тыпу дырэктару студыі вэб-дызайну «Іквадарт» Глебу Койпішу. Справу разглядаў старшыня суда Анатоль Стрэльчанка. Пасля працэсу сувязь з палітвязнем знікла.

Цяпер праваабаронцам стала вядома, што Глебу ўзмацнілі пакаранне, а яго перавялі ў следчы ізалятар.

13 чэрвеня ў палітвязня адбудзецца апеляцыйны суд. Да гэтага яго можна падтрымаць грашовымі пераводамі і пасылкамі.

Чытаць па спасылцы bit.ly/3IsvGdx

Падтрымайце Глеба: СІЗА-3, 246003, Гомель, Кніжная, 1А, Глеб Ігаравіч Койпіш
Напісаць анлайн Адкрыць / каментаваць

2023-05-22 14:02:41 «Свет не забыўся пра палітвязняў Беларусі». Як міжнародная супольнасць выказвае салідарнасць з нагоды Дня палітвязняў

Праваабарончы цэнтр «Вясна» вызначыў 21 траўня Днём салідарнасці з палітзняволенымі Беларусі. У гэты дзень два гады таму ў шклоўскай калоніі №17 памёр палітвязень Вітольд Ашурак. Мерапрыемствы да Дня салідарнасці з палітзняволенымі Беларусі прайшлі ў розных краінах і гарадах.

На падзею актыўна адрэагавала і міжнародная супольнасць. Прадстаўнікі розных краінаў свету працягваюць выказваць салідарнасць і патрабаваць вызвалення беларускіх палітвязняў.

«Мы падтрымліваем мужны народ Беларусі, які працягвае змагацца за свае чалавечыя правы. Кажучы словамі Алеся Бяляцкага, мы таксама верым, бо ведаем, што пасля зімы заўжды наступае Вясна».

Чытаць па спасылцы bit.ly/41WUcua Адкрыць / каментаваць

2023-05-22 13:47:41 Суд над палітзняволенай Алінай Горавай пачнецца 27 траўня

У судзе Круглянскага раёна 27 траўня разгледзяць справу супраць трох мясцовых жыхароў — Аліны Горавай, Уладзілава Лагуценкі і Аляксея Цыганова. Працэс будзе весці суддзя Дзмітрый Сасноўскі.

Іх затрымалі 27 сакавіка ў Круглым. Цяпер Аліну, Уладзілава і Аляксей абвінавачваюць паводле арт. 342 КК (актыўны ўдзел у групавых дзеяннях, якія груба парушаюць грамадскі парадак).

Вядома, што пасля затрымання Аліну праз жорсткія умовы ў ІЧУ абвастрыліся хранічныя захворванні нырак і жаночых органаў. Увечары 30 сакавіка Аліне стала дрэнна, таму ёй выклікалі хуткую дапамагу. Сілавікі не дазволілі шпіталізаваць затрыманую, а ў магілёўскай турме ў медыцынскай дапамозе ёй адмовілі, нягледзячы нават на дрэнныя аналізы. Турэмны лекар адмовіўся лячыць яе антыбіётыкамі і гаспіталізаваць.

Падтрымайце іх грашовымі пераводамі, пасылкамі і тэлеграмамі: Турма № 4. 212011, г. Магілёў, вул. Крупскай, 99А
Напісаць анлайн Адкрыць / каментаваць

2023-05-22 13:31:28 Міністр замежных спраў Літвы Габрыэлюс Ландсбергіс падтрымаў беларускіх палітвязняў

«Пакуль Лукашэнка працягвае пераследваць смелых людзей, якія выступаюць за дэмакратыю, мы павінны ўзмацняць санкцыі, а не ўзнагароджваць тырана за яго тыранію», — напісаў ён. Адкрыць / каментаваць

2023-05-22 13:12:29 Раман Пратасевіч памілаваны

Пра гэта паведамляе БелТА. Нагадаем, Пратасевічу прысудзілі 8 гадоў калоніі.

«Літаральна толькі што я падпісаў усе адпаведныя дакументы, што я памілаваны. Гэта, вядома, проста выдатная навіна», — сказаў Раман Пратасевіч БелТА.

Чытаць па спасылцы bit.ly/3BNHnYu Адкрыць / каментаваць

2023-05-22 12:52:46 Эдуард Бабарыка на судзе цалкам не прызнаў віну

Паводле версіі абвінавачання, Эдуард аказваў садзейнічанне Сяргею Ціханоўскаму ў арганізацыі масавых беспарадкаў.

«Ціханоўскі і іншыя асобы, знаходзячыся, у прыватнасці, у Гомелі і Мінску, у 2019-2020 гадах з мэтай павелічэння колькасці асоб, гатовых удзельнічаць у пратэстах, росту сацыяльнай напружанасці, дыскрэдытацыі дзяржорганаў, нарошчвання антыдзяржаўных настрояў праз Інтэрнэт распаўсюджвалі матэрыялы дэструктыўнага характару. Пры гэтым выкарыстоўвалася дапамога паліттэхнолагаў, псеўдаабаронцаў.

Пры гэтым Бабарыка, будучы дасведчаным аб характары размяшчанай інфармацыі і мэтах яе размяшчэння, з дапамогай платформаў "Вулей" і "Мола-мола" арганізаваў размяшчэнне адпаведных дэструктыўных праектаў з названай інфармацыяй і збор з нявызначанага кола асоб сродкаў у падтрымку ўдзельнікаў масавых беспарадкаў», — перадае БЕЛТА версію абвінавачвання.

Эдуард Бабарыка не прызнаў віну ў поўным аб'ёме.

Ён заявіў, што не разумее сутнасці прад'яўленага яму абвінавачвання. Таксама ён падкрэсліў, што асабіста не быў знаёмы з Ціханоўскім.

Распачаўся суд над Эдуардам Бабарыкам, які ўтрымліваецца пад вартай амаль тры гады Адкрыць / каментаваць

2023-05-22 12:31:06 Адкрыць / каментаваць

2023-05-18 19:20:58 Праваабаронцам паведамляюць пра затрыманні ў Дзяржынску

Вядома, што ў аднаго з затрыманых адбыўся ператрус дома і на працы.

Паведаміць пра затрыманне
Атрымаць бясплатную юрыдычную кансультацыю
Звязацца з журналістамі «Вясны» Адкрыць / каментаваць

2023-05-18 18:55:42 «Ім спрабуюць данесці думку, што на іх усе забыліся, што яны нікому не патрэбныя». Павел Сапелка пра блакаванне лістоў палітвязням

Юрыст «Вясны» Павел Сапелка каментуе адзін з метадаў ціску на палітвязняў і тых, хто хоча іх падтрымаць, — блакаванне карэспандэнцыі.

«Рэжым блакавання уваходнай і выходнай карэспандэнцыі — па сутнасці элемент забароненага абыходжання, знаходжанне ў стане так званага "інкамунікада" — без сувязі са знешнім светам.

Нам застаецца толькі спадзявацца на тое, што хаця б частка з тых лістоў, якія мы пішам, трапіць да адрасатаў. Таксама здараецца, што ў гэтай сцяне адчужэння з'яўляецца прабоіна, і на нейкі час у некаторых палітзняволеных ліставанне ўзнаўляецца.

Але нават у іншым выпадку, лісты палітзняволеным у месцы несвабоды паказваюць адміністрацыям пастаянную ўвагу і зацікаўленасць грамадскасці і інстытутаў грамадянскай супольнасці ў падтрымцы зняволеных».

Паляць, выкідваюць, «губляюць»: як і навошта палітвязням блакуюць ліставанне Адкрыць / каментаваць

2023-05-18 18:00:02 «У мяне кроў цячэ па нагах, а яны глядзяць і смяюцца»

«Вясна» і «Палітвязынка» на відэа сабралі толькі малую частку таго, што палітзняволеныя перажываюць за кратамі. З нагоды Дня палітвязняў Беларусі мы хочам, каб іх галасы былі пачутыя

Сведчанні былога вязня калоніі № 17 пра загінулага там Вітольда Ашурка агучвае праваабаронца «Вясны» Дзіяна Пінчук.

Сведчанні былога вязня калоніі № 2 Віталя Жука чытае былы палітзняволены журналіст Аляксандр Івулін.

Сведчанні былой палітзняволенай калоніі № 4 Вольгі Класкоўскай агучвае праваабаронца «Вясны» Яна Галаган.

21 траўня — Дзень палітвязняў у Беларусі. Далучайся да акцый салідарнасці! Адкрыць / каментаваць

2023-05-18 17:45:44 У Гродзенскім абласным судзе 26 траўня пройдзе пасяджэнне аб ліквідацыі Раённага грамадскага аб'яднання «Ашмянская цыганская суполка».

Арганізацыя зарэгістраваная з 2003 года. На 1 студзеня 2022 года ў ёй было 22 чалавекі, у 2014 — 30. Публічных мерапрыемстваў апошнім часам яны не праводзілі, піша Hrodna.life.

Старшыня суполкі, ён жа барон — Артур Ягораў. Паведамляецца, што ўвогуле на Ашмяншчыне жыве больш за 200 прадстаўнікоў народнасці рома. Адкрыць / каментаваць

2023-05-18 17:15:02 У СІЗА-1 пагоршыліся ўмовы: вопратку і абутак з перадач адразу адпраўляюць на склад, а медыкаменты не перадаюць

Па інфармацыі праваабаронцаў, умовы ў СІЗА на Валадарскага для палітзняволеных зрабілі больш жорсткімі. Так, цяпер вопратку і абутак адразу адпраўляюць на склад, каб іх забраць, зняволеным трэба пісаць адпаведныя заявы, чакаць некалькі дзён, а ўзамен ім трэба нешта з вопраткі здаваць на склад. Вядомы выпадак, калі на склад забралі нават бялізну і шкарпэткі.

Акрамя гэтага, цяпер забаронена дасылаць медыцынскія пасылкі, а ў перадачах не прымаюць заспакаяльныя.

Нагадаем, нядаўна стала вядома, што, паводле ўказання ДВП ад 29.04.2023, вязням, якія ўтрымліваюцца пад вартай, дазволена перадаваць толькі вітамінна-мінеральныя комплексы (не больш за адну ўпакоўку) і інсулін замежнай вытворчасці. Іншыя медыкаменты нібыта ёсць у наяўнасці ў медычных частках ізалятараў. Пры гэтым афіцыйна пра такія змены нідзе не паведамлялася. Адкрыць / каментаваць