Вясна / Правы чалавека ў Беларусі

2023-05-04 11:52:00 Экс-футбаліст «Крумкачоў» Аляксандр Яцкевіч выйшаў на волю пасля 13 сутак арышту

Нагадаем, пра затрыманне Аляксандра стала вядома 24 красавіка.

Па інфармацыі @tribuna_by, прычынай стала акцыя падчас кубкавага матча супраць мінскага «Дынама» 1 верасня 2020-га. Тады футбалісты «Крумкачоў» перад матчам выйшлі ў майках «Мы супраць гвалту». Пасля гульні многія футбалісты «Крумкачоў» пакідалі поле ў футболках з надпісам «Мы з народам». Адкрыць / каментаваць

2023-05-04 11:47:13 У наваполацкай Папраўчай калоніі №1 афіцыйна прызначаны новы начальнік

Як стала вядома @MAYDAYMog, ім стаў Машадзіеў Руслан Хікметавіч. Раней ён працаваў намеснікам начальніка папраўчай установы.

Як паведамлялася раней, Андрэй Пальчык, які раней кіраваў установай, больш не займае гэтую пасаду.

Пальчык быў вядомы катаваннямі ў наваполацкай калоніі, у якой цяпер утрымліваецца 89 палітвязняў. Па яго загадзе вязняў збівалі, катавалі і ўтрымлівалі ў бесчалавечых умовах. Праваабаронцам вядомы выпадкі, калі ён асабіста прымаў у гэтым удзел. Таксама вядома, што вязні і іх сваякі неаднаразова скардзіліся ў пракуратуру і Следчы камітэт на яго дзеянні.

«Начальнік калоніі асабіста ставіў на расцяжку асуджаных», — былы зняволены наваполацкай ПК-1
«Ключыца не так зраслася і костка ўпіраецца ў горла». Новыя сведчанні здзекаў са зняволеных у ПК-1 Адкрыць / каментаваць

2023-05-04 11:00:02 У Гомелі пачалі судзіць па пратэсных артыкулах бармена «Кватэрніка» Глеба Веташкіна

Яго абвінавачваюць у распальванні іншай сацыяльнай варожасці або варажнечы (ч.1 арт. 130 КК) і арганізацыі і падрыхтоўцы дзеянняў, якія груба парушаюць грамадскі парадак альбо ўдзеле ў іх (ч. 1 арт 342 КК). Справу будзе разглядаць суддзя Аляксандр Піскуноў.

Пра затрыманне Веташкіна супрацоўнікамі ГУБАЗіК праваабаронцы даведаліся з праўладных тэлеграм-каналаў 29 лістапада мінулага года.

Учора, 3 траўня, Глеб адзначыў свой чарговы дзень нараджэння.

Чытаць па спасылцы bit.ly/3LRJU9U Адкрыць / каментаваць

2023-05-04 10:25:44 Былога начальніка службы паветранай разведкі Валерыя Раманоўскага судзяць за здраду дзяржаве ў Віцебску

Пра мужчыну ў сюжэце на «Беларусь 1» казалі, што ён фатаграфаваў службовыя дакументы, а аднойчы перадаў спецслужбам Літвы дадзеныя аб будаўніцтве БелАЭС, піша «Медыязона». Адкрыць / каментаваць

2023-05-04 10:05:04 Павіншуйце палітвязня Алега Яфрэменку з Днём народзінў

У судзе Ленінскага раёна Магілёва 15 жніўня палітвязню прысудзілі ў дадатак да чатырох з паловай гадоў калоніі яшчэ год у зняволенні. Яго абвінавацілі па ч. 1 арт. 411 Крымінальнага кодэкса (злоснае непадпарадкаванне патрабаванням адміністрацыі папраўчай установы). Раней палітвязню ўжо ўзмацнялі рэжым — у верасні 2021 года з калоніі, дзе ён адбываў тэрмін за падсечку міліцыянту, Алега перавялі на турэмны рэжым.

З 18 лістапада Алег пачаў адбываць тэрмін у папраўчай калоніі № 9. Сёння ён адзначае 42-годдзе ў зняволенні.

Павіншуйце Алега тэлеграмамі, лістамі салідарнасці і паштоўкамі: ПК №9, 213410, г. Горкі, вул. Дабралюбава, 16, Алег Віктаравіч Яфрэменка
Напісаць анлайн Адкрыць / каментаваць

2023-05-04 09:00:02 У палітзняволенага Андрэя Дзмітрыева памерла маці

Сам Дзмітрыеў пра гэта яшчэ не ведае — паплечнікі адправяць яму тэлеграму з гэтай інфармацыяй толькі раніцай у чацвер, паведамляе «Салідарнасць».

Андрэй — сузаснавальнік і сустаршыня аб'яднання «Говори правду», былы кандыдат у прэзідэнты. Яго абвінавацілі ў арганізацыі і падрыхтоўцы дзеянняў, якія груба парушылі грамадскі парадак, або актыўным удзеле ў іх (ч. 1 арт. 342 КК) і асудзілі да 1,5 гадоў калоніі.

Падтрымайце Андрэя: СІЗА-1. 220030, Мінск, Валадарскага, 2, Андрэй Уладзіміравіч Дзмітрыеў
Напісаць анлайн Адкрыць / каментаваць

2023-05-03 22:30:01 Сілавікі затрымалі Паўла Данкова aka Morgotika – стваральніка культавага менскага рэйв-праекта «Мара»

Яго абвінавачваюць у ахвяраваннях у фонды салідарнасці і падпісках на «экстрэмісцкія» рэсурсы, піша @citydogby Адкрыць / каментаваць

2023-05-03 21:45:28 З'явілася інфармацыя, што сёння адбыўся «хапун» на Лукомскай ДРЭС

Падрабязнасці высвятляюцца.

Хроніка палітычнага пераследу bit.ly/412g331

Паведаміць пра затрыманне
Атрымаць бясплатную юрыдычную кансультацыю
Звязацца з журналістамі «Вясны» Адкрыць / каментаваць

2023-05-03 19:30:54 Непаўнагадовага хлопца асудзілі за абразу Лукашэнкі на два гады «хатняй хіміі»

У судзе Пінскага раёна і горада Пінска асудзілі 17-гадовага Кірыла Граноўскага паводле ч. 1 арт. 368 КК (Абраза Лукашэнкі). Суддзя Андрэй Бычыла прызначыў Кірылу два гады абмежавання волі без накіравання ў папраўчую ўстанову адкрытага тыпу («хатняй хіміі»).

Як піша @viasna_brest, падрабязнасці справы невядомыя — толькі тое, што ў хлопца канфіскавалі тэлефон, «як сродак здзяйснення злачынства». Адкрыць / каментаваць

2023-05-03 18:46:34 Чарговае папаўненне Спіса экстрэмісцкіх матэрыялаў

У яго трапілі:

Telegram-каналы і чаты «Radio 97 Чат», «Кастусь Чат», «Ветэраны першай роты», «Сход Беларусь Chat», «Вольная Территория (чат)»;
Старонка ў «Аднакласніках» «UDF - Новости Беларуси». Адкрыць / каментаваць

2023-05-03 18:01:31 ️️️️️ Сёння адзначаецца Дзень свабоды друку. Распавядаем, як у свеце працягваюць караць смерцю журналістаў

У 2023 годзе свет адзначае 30-ю гадавіну Сусветнага дня свабоды друку. З моманту абвяшчэння Дня ў 1993 годзе прайшло тры дзесяцігоддзі, на працягу якіх мы назіралі значны прагрэс у дасягненні свабоды прэсы і свабоды выказвання меркаванняў ва ўсім свеце. Разам з гэтым дагэтуль застаюцца краіны, дзе журналістаў дагэтуль пераследуюць за іх дзейнасць і караюць смерцю.

️️️️️️ КНДР. У 2017 годзе органы юстыцыі завочна прыгаварылі да смяротнага пакарання 4-х журналістаў з Паўднёвай Карэі за рэцэнзіі на кнігу пра Паўночную Карэю, чым «сур'ёзна абразілі годнасць Карэйскай Народна-Дэмакратычнай Рэспублікі».

У рашэнні падкрэсліваецца, што «смяротныя прыгаворы павінны быць прыведзены ў выкананне ў любы час і ў любым месцы без далейшых разбіральніцтваў».

️️️️️️Егіпет. У 2016 годзе да смяротнага пакарання былі прыгавораны 2 журналісты Al Jazeera, якіх абвінавацілі ў перадачы Катару звестак, якія змяшчаюць дзяржаўную тайну. Выданне абвяргае любыя сувязі журналістаў з уладамі Катара і спасылаецца на нормы журналісцкай этыкі.

️️️️️️ Іран. У 2020 годзе да смяротнага пакарання прыгаварылі кіраўніка навінавага партала Amad News, які актыўна асвятляў пратэсты супраць урада. Гэтае рашэнне прызнана канчатковым, журналіст не можа яго аспрэчыць.

Адзначым, што Беларусь застаецца самай небяспечнай краінай Еўропы для прэсы. Адкрыць / каментаваць

2023-05-03 17:44:00 У Гродне затрыманы музыка Аляксандр Гайваронскі

Аляксандр — вакаліст кавербэнда «Fair Play». Як піша @nebovkletku, на камеру ён сказаў, што выступаў у адзенні «забароненых колераў» — у відэа паказалі фота, дзе Аляксандра ў майцы з гербам «Пагоня». Таксама музыка быў падпісаны на «экстрэмісцкія» каналы.

Хроніка палітычнага пераследу bit.ly/412g331

Паведаміць пра затрыманне
Атрымаць бясплатную юрыдычную кансультацыю
Звязацца з журналістамі «Вясны» Адкрыць / каментаваць

2023-05-03 16:32:04 У Мінску працягваецца суд над палітзняволенай Янай Пінчук

Суд над Янай распачаўся 10 красавіка ў Мінгарсудзе. Дзяўчыну ў жніўні 2022-га этапавалі з Расіі ў Беларусь, нягледзячы на забарону экстрадыцыі Камітэта па правах чалавека ААН. Цяпер яе абвінавачваюць паводле пяці артыкулаў Крымінальнага кодэкса, у тым ліку — у "стварэнні або кіраўніцтве тэрарыстычнай арганізацыяй". Справу разглядаюць у закрытым рэжыме, сёння адбываецца 8-ае пасяджэнне.

Паводле матэрыялаў следства, "Пінчук больш за год займалася дыскрэдытацыяй афіцыйнай улады ў інтэрнэце і заклікамі да ўдзелу ў масавых акцыях пратэсту". Таксама паведамляецца, што Яна праходзіць па тром эпізодам, у тым ліку "прычыненне шкоды нацыянальнай бяспекі і кіраўніцтва незаконным фармаваннем".

Вядома, што ад сёння па справе змянілася суддзя. Цяпер працэс вядзе Любоў Сімахіна.

Падтрымайце дзяўчыну грашовымі пераводамі, пасылкамі і тэлеграмамі: СІЗА-1, 220030, г. Мінск, вул. Валадарскага, 2
Напісаць анлайн Адкрыць / каментаваць

2023-05-03 15:02:25 Фотафакт: у Вільні праходзіць акцыя салідарнасці з беларускімі журналістамі

Беларускія і літоўскія журналісты выйшлі на акцыю падтрымкі беларускіх прадстаўнікоў СМІ. На сённяшні дзень у няволі знаходзіцца 33 прадстаўнікі медыя — менавіта іх фотаздымкі і трымалі ўдзельнікі акцыі.

Беларусь — самая небяспечная краіна Еўропы для прэсы. Сёння адзначаецца Сусветны дзень свабоды друку Адкрыць / каментаваць

2023-05-03 14:57:16 Максім Хлябец на волі — сілавікі сёння апублікавалі старое відэа затрымання журналіста

Як стала вядома праваабаронцам, праўладныя тэлеграм-каналы апублікавалі старое «пакаяльнае відэа» журналіста. Адкрыць / каментаваць

2023-05-03 14:51:35 Праўладныя тэлеграм-каналы паведамілі пра затрыманне людзей у Брэсце

Адзін з праўладных тэлеграм-каналаў апублікаваў «пакаяльнае відэа» з удзелам 4 чалавек.

Першым з іх паказваецца Максім Хлябец. На відэа мужчына кажа, што супрацоўнічаў з «Брестской газетой», у 2020 годзе пісаў пра выбары. А затрыманы, паводле відэа, за рэпост «экстрэмісцкіх матэрыялаў». Адзначым, што сілавікі апублікавалі старое «пакаяльнае відэа» журналіста.

Таксама ў відэа паказваюцца тры жыхары Брэста і вобласці. Адзін кажа, што затрыманы за каментар пра Лукашэнку, другі — за каментар пра Лукашэнку і беларускіх вайскоўцаў. Трэці кажа, што распаўсюдзіў экстрэмісцкія матэрыялы.

Яе высветліла @viasna_brest, адзін з затрыманых — Уладзімір Каляда з в. Альшаны Столінскага раёну. Быў затрыманы яшчэ ў сярэдзіне сакавіка. 24 сакавіка адбыўся суд за тое, што ў «Аднакласніках» ён паставіў «клас» публікацыі ад «Официальная страница Хартия 97%». Суддзя Насеня вынес рашэнне: штраф памерам 740 рублёў з канфіскацыяй тэлефону. Адкрыць / каментаваць

2023-05-03 14:01:42 Палітзняволеную Вікторыю Кульшу перавялі ў СІЗА. Падтрымайце яе грашовымі пераводамі і пасылкамі!

У судзе Рэчыцкага раёна 7 красавіка палітзняволенай агучылі чарговы прысуд паводле ч. 1 арт. 411 КК (злоснае непадпарадкаванне законным патрабаванням адміністрацыі калоніі). Суддзя Станіслаў Іванюценка прызначыў жанчыне яшчэ 1 год зняволення ў дадатак да 3,5 гадоў калоніі. Канчатковы тэрмін складае чатыры з паловай гады калоніі ва ўмовах агульнага рэжыму.

Раней Вікторыю ўжо двойчы, у тым ліку за "непадпарадкаванне адміністрацыі гомльскай калоніі". За паўгода ў рэчыцкай калоніі Вікторыя адбыла мінімум 92 дні ў ШІЗА, а нядаўна яе змясцілі ў ПКТ на шэсць месяцаў.

Цяпер жанчына будзе чакаць разгляду апеляцыйнай скаргі ў гомельскім СІЗА-3.

Заклікаем падтрымаць Вікторыю грашовымі пераводамі, пасылкамі, медыцынскімі бандэролькамі і тэлеграмамі: СІЗА-3. 246003, Гомель, Кніжная, 1А, Вікторыя Аляксандраўна Кульша
Напісаць анлайн Адкрыць / каментаваць

2023-05-03 13:30:01 Пазоў па «справе Nexta» разгледзяць у парадку грамадзянскай судовай вытворчасці

Раней Генеральная пракуратура паведамляла, што ў дачыненні да абвінавачаных заяўлены пазоў аб пакрыцці маёмаснай шкоды на агульную суму больш за 30 мільёнаў рублёў.

Фігурантаў «справы Nexta» асудзілі ад 8 да 20 гадоў калоніі Адкрыць / каментаваць

2023-05-03 13:15:11 «Задержан за то, что ты, бл**ь, экстремист». Сілавікі хваляцца тым, як жорстка затрымліваюць людзей з-за палітычных поглядаў

Кавалак такога затрымання апублікавалі прапагандысты.

На ім мужчына пытае, за што ён затрыманы і чуе ў адказ: «За флаги, за техосмотр - и за то, что ты, бл**ь, экстремист!». Адкрыць / каментаваць

2023-05-03 13:01:05 У Магілёве затрымалі маці трохгадовага дзіцяці

Праўладныя тэлеграм-каналы апублікавалі відэа з затрыманай жыхаркай Магілёва, якой пагражаюць крымінальным пераследам. Падставай для затрымання стала тое, што жанчына, знаходзячыся ў дэкрэце, была падпісана на «экстрэмісцкія» чаты і каналы, дзе перыядычна пакідала каментары.

Пры гэтым на відэа затрыманая кажа, што не разумее, за што яе затрымалі, бо нічога супрацьзаконнага яна не рабіла, піша @MAYDAYMog.

Паведаміць пра затрыманне
Атрымаць бясплатную юрыдычную кансультацыю
Звязацца з журналістамі «Вясны» Адкрыць / каментаваць

2023-05-03 12:40:02 У Гродне ліквідуюць «Мотаклуб НАСАРОГ» — яны не падтрымалі праўладныя прабегі

У траўні праз Гродзенскі абласны суд ліквідуюць яшчэ тры спартыўныя грамадскія аб'яднанні. Сярод іх — «Мотаклуб НАСАРОГ», «Футбол для ўсіх» і «Валейбольны клуб «АКВА».

Мотаклуб як нефармальная група існаваў з 2003 года. Як грамадскае аб'яднанне яго зарэгістравалі ў 2017 годзе. На 1 студзеня 2022 года ў ім было 19 чалавек. У 2021 годзе ўдзельнікі клуба «Насарогі», як і многіх іншых клубаў, праігнаравалі адкрыццё сезона. Тады ў калонах з байкерамі ехаў АМАП.

Крыніца: Hrodna.life Адкрыць / каментаваць

2023-05-03 12:22:27 Sputnik: Пратасевіча не ўзялі пад варту ў зале суда, суд пакінуў ранейшую меру стрымання — хатні арышт

Фігурантаў «справы Nexta» асудзілі ад 8 да 20 гадоў калоніі Адкрыць / каментаваць

2023-05-03 12:13:17 Фігурантаў «справы Nexta» асудзілі ад 8 да 20 гадоў калоніі

Мінскі абласны суд 3 траўня агучыў прысуд па крымінальнай справе супраць стваральнікаў і рэдактараў праекта Nexta: Сцяпана Пуцілы, Яна Рудзіка і Рамана Пратасевіча.

Суддзя Вячаслаў Тулейка прызнаў іх вінаватымі па шэрагу крымінальных артыкулаў і прысудзіў фігурантам ад 8 да 20 гадоў калоніі ва ўмовах узмоцненага рэжыму: Сцяпану — 20 гадоў, Яну — 19 гадоў, Раману — 8 гадоў. Пракурорка Наталля Сакалова запрашвала для абвінавачаных ад 8 да 20 гадоў калоніі.

Пуцілу і Рудзіка судзілі завочна. Суд цягнуўся два з паловай месяцы, некаторыя пасяджэнні праходзілі ў закрытым рэжыме.

Падрабязнасці (з Беларусі — праз VPN) bit.ly/44lPEzT Адкрыць / каментаваць

2023-05-03 11:45:30 Праваабаронцам паведамляюць пра затрыманне ў Мінску

Як стала вядома, раніцай 2 траўня ў сябе дома быў затрыманы Уладзімір Жыгараў.

Падрабязнасці высвятляюцца.

Паведаміць пра затрыманне
Атрымаць бясплатную юрыдычную кансультацыю
Звязацца з журналістамі «Вясны» Адкрыць / каментаваць

2023-05-03 11:31:30 Дапаможам 15 былым палітвязням асвоіць новую прафесію

Цяжкасці для палітвязняў не сканчаюцца на парозе турэмнай камеры. Пасля вяртання дадому яны сутыкаюцца з жорсткай рэальнасцю непрыняцця дзяржавай, якая робіць усё, каб пазбавіць нармальнага жыцця ўсіх, хто не падлізваецца да рэжыму.

Многіх былых палітычных вязняў звальняюць з працы, яны загразаюць у даўгах і не могуць знайсці працу па спецыяльнасці. У такой сітуацыі добра мець магчымасць авалодаць новай прафесіяй, пажадана па прыхільнай да аддаленай працы спецыяльнасці.

BYSOL адкрывае спецыяльны збор для навучання 15 былых палітвязняў на такую запатрабаваную спецыяльнасць, як SMM-мэнэджар.

Падтрымаць збор на старонцы BYSOL Адкрыць / каментаваць

2023-05-03 10:10:26 Беларусь — самая небяспечная краіна Еўропы для прэсы. Сёння адзначаецца Сусветны дзень свабоды друку

3 траўня абвешчаны Сусветным днём свабоды друку. Адна са шматлікіх свабодаў, якая актыўна вынішчаецца беларускімі ўладамі. За рэалізацыю права на свабоду інфармацыі ў Беларусі ліквідуюць незалежныя медыя, на сённяшні дзень у няволі знаходзіцца 33 прадстаўнікі медыя.

Расказваем гісторыю з’яўлення даты, у якім сёння стане беларускія незалежныя медыя і як можна падтрымаць зняволеных журналістаў.

Чытаць па спасылцы bit.ly/40X5Wwk Адкрыць / каментаваць

2023-05-03 09:55:12 Пачаўся суд над праграмістам і адміністратарам тэлеграм-чата «Па-беларуску» Андрэем Філіпчыкам

У судзе Маскоўскага раёна Мінска 3 траўня судзяць праграміста і адміністратара тэлеграм-чата «Па-беларуску» Андрэя Філіпчыка. Яго вінавацяць у актыўным ўдзеле ў групавых дзеяннях, якія груба парушаюць грамадскі парадак па «народным» артыкуле (ч.1 арт. 342 КК). Справу прызначаная разглядаць суддзя Лідзія Цяліца.

Андрэя затрымалі 31 студзеня, а 2 лютага з’явілася «пакаяльнае відэа», дзе ён кажа, што ўдзельнічаў «у несанкцыянаваных масавых мерапрыемствах не менш за пяць разоў».

Тэлеграм-канал «Па-беларуску» публікуе жарты і мемы на беларускай мове. Пасля затрымання сілавікі пісалі, што на канале прасоўваліся «лацінка і нянавісць да рускамоўнай сацыякультурнай прасторы».

Чытаць па спасылцы bit.ly/42igozv Адкрыць / каментаваць

2023-05-03 09:40:27 Падтрымайце Віталя Бандарука і Сяргея Раткевіча, якія сутыкаюцца з прэсінгам у шклоўскай калоніі

Палітвязняў асудзілі да 5 гадоў калоніі: Віталя за каментары ў інтэрнэце, Сяргея — за спробу адбіць іншага пратэстоўца ад затрымання.

Свае тэрміны мужчына адбываюць у шклоўскай калоніі. Вядома, што там яны сутыкаюцца з прэсінгам з боку адміністрацыі — нягледзячы на цяжкія праблемы са здароўем, палітвязняў закідваюць у ШІЗА і пішуць на іх рапарты. Іх пазбаўляюць пасылак і ліставання.

Аднак, нягледзячы на жудасныя ўмовы, мужчыны трымаюцца. Вядома, што Сяргей Раткевіч яшчэ раней адмовіўся напісаць прашэнне аб памілаванні на імя Лукашэнкі.

Падтрымаць палітвязняў:
- ПК № 17, 213004, Шклоў, 1-я Заводская, 8, Віталь Сяргеевіч Бандарук, Сяргей Фёдаравіч Раткевіч
Напісаць анлайн bit.ly/3PIOcjz
Як падтрымліваць палітвязняў вітамінамі і медыцынскімі бандэролькамі? Адкрыць / каментаваць

2023-05-02 21:15:38 Праваабарончая праграма «Вясна». Сумесны праект ПЦ «Вясна» і Беларускага радыё Рацыя

1:24 «Рана ці позна мы даможамся правоў». Журналістка Таццяна Смоткіна выйграла справу супраць Беларусі ў КПЧ ААН.

13:33 Праваабарончая праца у выгнанні, Светлагорск і бяспека. Размова з прадстаўніццай ПЦ «Вясна» Аленай Маслюковай.

26:20 Пішуць ужо некалькі год — дзве гісторыі ліставання з палітвязнямі.

Слухайце выпуск тут альбо праз SoundCloud Адкрыць / каментаваць

2023-05-02 20:05:54 У Пінску затрыманы прадпрымальнік — ён пакідаў каментары супраць вайны ва Украіне

У відэа ГУБАЗіКа гаворка ідзе пра 28-гадовага прадпрымальніка з Пінска Ягора Дашэвіча. Яго вінавацяць у каментарах, якія ў асноўным тычацца вайны ва Украіне — мужчына крытыкаваў дзеянні беларускіх уладаў.

Крыніца: «Наша Ніва» Адкрыць / каментаваць