Валанцёрская служба ПЦ "Вясна"

2022-01-13 21:12:56 ​Чарговы артыкул з серыі "10 прыкладаў правоў чалавека. Права на жыццё.

Гэтае права азначае, што ніхто – у тым ліку іншыя асобы ці дзяржава – не мае права забіць вас. За абарону правоў чалавека адказнасць нясе дзяржава, таму яна павінна ствараць законы, якія ахоўваюць жыццё людзей, і засцерагаюць вас, калі вашае жыццё ў небяспецы. Пра права на жыццё часта згадваюць, калі абмяркоўваюць пытанні вайны, жорсткасці паліцыі, смяротнага пакарання і самаабароны. Адкрыць / каментаваць

2022-01-12 20:33:34 ​Наступны артыкул з серыі "10 прыкладаў правоў чалавека". Права на сацыяльнае асблугоўванне.

«Сацыяльнае абслугоўванне» забяспечвае, каб кожны меў пэўны жыццёвы ўзровень. Артыкул 25 УДПЧ вызначае гэты ўзровень як «неабходны» для падтрымання здароўя і дабрабыту кожнага чалавека і яго сям’і. Гэта ўключае адзенне, жыллё, харч, ваду, медыцынскі догляд і забеспячэнне на выпадак адсутнасці грошай з-за хваробы, беспрацоўя і г. д. Хаця «ўсеагульнае медыцынскае абслугоўванне» у УДПЧ не прадугледажана, людзі настойваюць на такім праве спасылаючыся на Артыкул 25. Адкрыць / каментаваць

2022-01-11 12:04:10 Дасылайце праваабаронцам інфармацыю з судоў

«Вясна» збірае інфармацыю з «палітычных» судовых пасяджэнняў, што праходзяць па ўсёй краіне. Калі ласка, дасылайце нам аўдыё і тэкставую інфармацыю на:

Telegram: @ViasnaSOS, @spring96info | Email: viasna@spring96.org Адкрыць / каментаваць

2022-01-09 19:20:42 ​Працягваем серыю артыкулаў "10 прыкладаў правоў чалавека". Права на свабоду думкі і рэлігіі, свабоду перакананняў і свабоду выказваць свае меркаванні.

У кожнага ёсць права на свабоду перакананняў, свабоду рэлігіі і права мяняць сваю рэлігію або перакананні. Гэта тычыцца кожнага чалавека як паасобку, так і разам з іншымі. Гэта таксама азначае, што чалавек мае права «шукаць, атрымліваць і распаўсюджваць інфармацыю і ідэі любымі сродкамі». Шмат у якіх краінах «свабода спавядаць свае перакананні», альбо «свабода слова» лічыцца найважнейшым правам. Што канкрэтна адносіць да «меркаванняў, абароненых свабодай слова,» часта выклікае спрэчкі. Адкрыць / каментаваць

2022-01-08 20:46:44 ​Павал Стана Станкевіч з фонда Tutaka далучыўся да праекту "Паштоўкі ад вясноўкі" і напісаў ліст Аляксандру Станкевічу.

"Прывітанне Станкевіч!
Піша табе Станкевіч. Але гэта выглядае цалкам натуральна, што Станкевіч піша да Станкевіча. Бо хто менавіта!
Здаецца, ты не мой сваяк. Але б я быў не супраць мець яшчэ аднаго сваяка, якім можна ганарыцца. Дзякуючы такім людзям як ты, мы ведаем што героі не толькі ў кніжках ці фільмах Марвела. Мы жывем у час, калі бачна сапраўдных людзей! Дык хто тады можа судзіць і адняць волю, калі воля жыве ў сэрцы!
Я Павал, беларус з Падляшша. Гэта значыць, што мае продкі адвечна тут жылі. Гэта мая Бацькаўшчына. І хаця мы здаўна жывем у межах сучаснай Польшчы, лёс жыхароў Беларусі нас шчыра турбуе. Я вельмі люблю вандраваць па дарогах Падляшша. Адчуваць гэтую адкрытую прастору шырокіх палей і прыгажосць лясоў... Таму я ўяўляю, як табе цяжка і як гэта несправядліва.
Нядаўна я быў у зімовым лесе, паліў вогнішча і падумаў аб тым, што з задавальненнем запрасіў бы цябе на такую прыгоду. Аднойчы так і будзе, я ў гэтым упэўнены. Мы сустрэнемся, вып’ем «гарбаты», паглядзім на вогнішча і будзем размаўляць на любыя тэмы. І тое, што адбываецца сення, застанецца толькі ў гісторыі.
Саша, таму мае запрашэнне ў сіле, а пакуль трымайся, братка!"

Вы можаце напісаць ліст падтрымкі Аляксандру Уладзіміравічу Станкевічу:
Следчая турма №8. 222163, г. Жодзіна, вул. Савецкая, 22А.

Таксама заклікаем вас пісаць лісты і іншым палітвязням, інфармацыю пра палітвязвяў можна ўзяць на тэматычных сайтах:
1) https://prisoners.spring96.org/be
2) https://politzek.me/friends
3) https://dissidentby.com

#паштоўкіадвясноўкі Адкрыць / каментаваць

2022-01-06 20:06:24 ​​ «Калі Добі стаў вольным эльфам, тое і мы аднойчы зможам», — Наста Лойка павіншавала палітзняволеную Марфу Рабкову з днём Народзінаў

Праваабаронца Human Constanta Наста Лойка далучылася да віншаванняў палітзняволенай Марфы Рабковай, якая сёння святкуе сваё 27-годдзе. Публікуем адкрыты ліст са словамі падтрымкі ад Насты.

«Ліст у Азкабан 06.01.2022
Дарагая Марфа!

Мы так прызвычаліся камунікаваць тэкстам, але ў гэтым годзе я бы вельмі хацела мець магчымасьць павіншаваць цябе з Днём народзінаў ужывую ці хаця б голасам – адчуваньне, што вельмі шмат хочыцца сказаць.

Мы з табой заўжды так марылі пра лепшае, больш свабоднае грамадзтва, шмат спрачаліся пра тое, з чаго варта пачынаць ці на што зьвяртаць увагу, але гэтае імкненьне заўжды было ў нас агульным. Я бы вельмі хацела, каб гэтая мара і імкненьні не згасалі ніколі – нават ня гледзячы на ўсе выпрабаваньні, якія нам дасылаюць.

Табе за апошнія паўтары гады давялося іх перажыць вель-вельмі шмат. І дэмэнтары і сьцены старога замку забіраюць твае сілы, але веру ў тваю ўнутранае сьвятло і здольнасьць выстаяць праз усё гэта. Зычу, каб добрыя ўспаміны прыходзілі ў самыя цяжкія хвіліны. І каб ніхто не перахапліваў паштовых соваў)

Калі Добі стаў вольным эльфам, тое і мы аднойчы зможам.
Да сустрэчы ў судзе і ня толькі.
Н.»

Даслаць Марфе віншаванні:
- СІЗА-1, 220030, Мінск, Валадарскага, 2, Марыі Аляксандраўне Рабковай
Напісаць анлайн bit.ly/3jwJMLn Адкрыць / каментаваць

2022-01-06 18:04:25 ​ Марфа Рабкова сёння святкуе Дзень народзінаў. Павіншуйце яе са святам!

Марфа — каардынатарка Валанцёрскай службы «Вясны», якая ўжо больш за 470 дзён знаходзіцца за кратамі. Сёння дзяўчыне споўнілася 27 гадоў.

У лістападзе Марфа паведаміла сваякам, што ёй прад'яўленыя канчатковыя абвінавачванні па 11 артыкулах Крымінальнага кодэкса Рэспублікі Беларусь. Праваабаронцы пагражае да 20 гадоў пазбаўлення волі.

Падтрымаць Марфу можна лістом:
- СІЗА-1, 220030, Мінск, Валадарскага, 2, Марыі Аляксандраўне Рабковай

Для таго, каб напісаць ліст было прасцей, сабралі для вас 5 цікавых фактаў пра яе:
Улюбёны музычны гурт - Дельфин
Адначасова Марфа магла трымаць у сябе адразу 4 катоў.
Любіць сумяшчаць чытанне кніг і есці чыпсы.
Аматарка вялікіх дыстанцый на веласіпедзе.
У дзяцінстве марыла стаць балерынай. Адкрыць / каментаваць

2022-01-05 14:19:29 ​Наступны артыкул з серыі "10 прыкладаў правоў чалавека". Права на ўступленне ў шлюб і стварэнне сям'і.

Паводле гэтага права, кожны чалавек «які дасягнуў паўналецця, незалежна ад расы, нацыянальнасці або рэлігіі, без усякіх абмежаванняў» мае права браць шлюб і засноўваць сям’ю. Таксама патрабуецца свабодная і поўная згода абодвух бакоў, якія бяруць шлюб. Ніхто не мае права ўступаць у шлюб з тым, хто не дае на гэта згоды. Права на шлюб не з’яўляецца абсалютным, то бок яно залежыць ад законаў краіны, якія могуць абвясціць некаторыя шлюбы (напрыклад, паміж блізкімі сваякамі) няпраўными. Адкрыць / каментаваць

2022-01-03 12:46:11 ​Журналіст Тарас Тарналіцкі далучыўся да праекту "Паштоўкі ад вясноўкі" і напісаў ліст Ірыне Рыбалка.

"Ірына, добры дзень!
Рады з вамі пазнаеміцца. Мяне зваць Тарас Тарналіцкі, я журналіст. Вырашыў паўдзельнічаць у флешмобе па напісанні лістоў палітзняволенным – і лёс абраў напісаць менавіта вам. Увогуле, мой уласны досвед ліставання з вязьнямі можна ахарактэрызаваць як правальны, бо пакуль ні на адзін ліст не прыйшоў у адказ. Тым не меньш, не кідаю надзею да вас прабіцца.
Паколькі я спецыялізуюся на аналізе і рэцэнзаванні кіно, паспрабую вам распавесьці пра новыя стужкі, якія зараз ідуць у кіно.
Па-першае, кіберпанк-баявік “Матрыца: Уваскрашэнне”. Гэта паўнавартасны працяг знакамітай трылогіі пра хакера-абранага Неа, але зроблены ён па моднаму галівудскаму прыныпу “мяккай” перазагрузкі (акторы амаль тыя ж самыя, а сюжэтна і тэматычна стужка паўтарае арыгінальныя фільмы). Атрымалася настальгічнае кіно пра сустрэчу і каханне пасталеўшых Неа і Трыніці, з вялікай колкасцю іранічнага гумару над клішэ кінасусвету “Матрыцы”.
Па-другое, супергеройскі блакбастар “Чалавек-павук: Няма шляху дадому”, частка кінасусвету Marvel. Асаблівасць стужкі ў тым, што у ёй сустракаюцца сумесна павукі з іншых фільмаў (Тобі Магуайар з першай трылогіі Сэма Рэймі і Эндрю Гарфілд з дылогіі Марка Уэба), а злодзеяў не паміраюць, а атрымоўваюць шанец пачаць новае жыцце. Атрымаўся сапраўдны блакбастар году (у кінатэатры на яго ідуць шмат людзей) пра сутыкнення розных пакаленняў і іх каштоўнасцяў.
Па-трэцце, гэта біяграфічная стужка “Дом Гучы” брытанца Рыдлі Скота. Не вельмі цікавая стужка пра тое, як знакамітае італьянскае сямейства фактычна пазбавілася свайго бізнесу па вытворчасці адзежы і сумак з-за унутраных канфліктаў. З пазітыўных момантаў, тут вельмі зорны акторскі састаў: Ледзі Гага з накладным носам, Аль Пачына, зусім непазнавальны Джарэд Лета.

Маю надзею, што хутка вы самастойна убачыце гэтыя фільмы. Віншую вас з наступаючымі Новым годам і праваслаўным Раством, а таксама мінулымі каталіцкімі Калядамі! Моцнага вам здароўя і спаўнення ўсіх цудаў!

28.12.2021"

Вы можаце напісаць ліст падтрымкі Ірыне Уладзіміраўне Рыбалка:
СІЗА-1, 220030, г.Мінск, вул.Валадарскага,2.

Таксама заклікаем вас пісаць лісты і іншым палітвязням, інфармацыю пра палітвязвяў можна ўзяць на тэматычных сайтах:
1) https://prisoners.spring96.org/be
2) https://politzek.me/friends
3) https://dissidentby.com

#паштоўкіадвясноўкі Адкрыць / каментаваць

2022-01-02 19:10:57 ​Наступны артыкул з серыі "10 прыкладаў правоў чалавека". Права на прытулак

Гэта даўняе права, якое існуе са старажытных часоў. Яно нярэдка мела рэлігійны кампанент. Царквам дазвалялася бараніць кожнага – нават злачынцаў – хто шукаў прыстанішча ў царкве альбо на яе тэрыторыі. Сёння права на прытулак ахоўвае людзей, якія ўцякаюць з родных месцаў з-за пераследу. Яно адлюстравана ў УДПЧ, а таксама ў Канвенцыі аб статусе уцекачоў 1951 г. Адкрыць / каментаваць