Радыё Свабода — Беларусь

2023-07-07 08:05:13 Ва Ўроцлаве зьбіраюць грошы на кнігі для беларускай бібліятэкі

Грамадзкая бібліятэка Ніжняй Сілезіі, якая месьціцца ў самым цэнтры польскага Ўроцлава, адкрыла аддзел славянскай літаратуры. Аднак, як паведамілі ў бібліятэцы, на гэты момант там амаль няма літаратуры на беларускай мове. Таму ў бібліятэцы абвясьцілі збор грошай на набыцьцё беларускіх кніг.

Таксама ў славянскім аддзеле бібліятэкі будуць кнігі на ўкраінскай, расейскай, чэскай, славенскай і іншых мовах. Адкрыць / каментаваць

2023-07-06 23:20:24 «Кажуць, бамбяць толькі вайсковыя аб’екты, а пацэлілі ў мірны дом!» — жыхары Львова пра наступствы расейскага ўдару па горадзе

Загінулых у выніку расейскага абстрэлу Львова пабольшала да 6 чалавек, таксама вядома пра 40 пацярпелых, пакуль ратавальнікі разабралі 70% разбурэньняў. Пашкоджаны цэлы квартал зь некалькіх жылых дамоў.

Жыхары раёну не разумеюць, як расейцы могуць біць па жылых дамах і радавацца гэтаму. «Настоящее время» пагутарыла з тымі, хто перажыў абстрэл:

Відэарэпартаж: https://smarturl.click/Y6pA Адкрыць / каментаваць

2023-07-06 22:59:29 За паўгода ў Літву праз «пагрозу бясьпецы краіны» не пусьцілі 800 беларусаў

«Беларусам не дазволілі ўезд 800 разоў, а расейцам — 150, гэта зь сьнежня летась да сёньня», — паведаміла кіраўніца Дэпартамэнту міграцыі Літвы Эвеліна Гудзінскайце.

Агулам грамадзянам Беларусі выдалі каля 60 тысяч дазволаў на жыхарства і візаў з пачатку вайны ва Ўкраіне да сёньня:

https://smarturl.click/Wz6Z Адкрыць / каментаваць

2023-07-06 22:09:33 Беларускі паэт апублікаваў верш памяці загінулай у Краматорску пісьменьніцы. Але праз нэгатыўныя водгукі хутка яго выдаліў

Украінскія літаратаркі запатрабавалі ад Андрэя Хадановіча выдаліць верш, прысьвечаны загінулай днямі ўкраінскай пісьменьніцы Вікторыі Амелінай, зь якой ён быў знаёмы.

«Віка пісала, што ніколі ня будзе выступаць ні з рускімі, ні зь беларускімі пісьменьнікамі. Яна б не была рада гвалтоўнаму перакладу», — цытуе «Наша Ніва» камэнтар пісьменьніцы Любы Якімчук. Беларускі паэт прыслухаўся да просьбаў:

https://smarturl.click/RZYl Адкрыць / каментаваць

2023-07-06 21:36:48 Дзе згубіліся паўтара года, якія Эдуард Бабарыка-малодшы адседзеў у СІЗА КДБ? Разьбіраемся

Эдуарду Бабарыку, якому прысудзілі 8 гадоў турмы, не залічылі ў адбыты тэрмін паўтара года знаходжаньня ў СІЗА КДБ. У сьледчых ізалятарах, дзе дзень ідзе за паўтара, палітвязьня трымаюць ужо больш за 3 гады.

Тэарэтычна больш за палову тэрміну ён ужо адбыў. Дзе згубіліся паўтара года, якія Эдуард Бабарыка-малодшы адседзеў у СІЗА КДБ? Камэнтар юрысткі:

https://smarturl.click/BaMx Адкрыць / каментаваць

2023-07-06 21:04:16 Галоўнае за 6 ліпеня

Лукашэнка заявіў, што ядзерную зброю перамясьцілі ў Беларусь «не па зямлі», і пракамэнтаваў спадарожнікавыя здымкі лягера пад Асіповічамі

Ціханоўская папрасіла Сэнат Італіі спрыяць стварэньню трыбуналу над Лукашэнкам

Праваабаронцы паведамляюць, што на мяжы ад беларусаў патрабуюць адмовіцца ад «карты паляка». У памежнікаў абвяргаюць

Асабістыя зьвесткі 730 тысяч карыстальнікаў онлайн-крамы «Востраў чысьціні і смаку» выставілі на продаж

Юнака асудзілі на 2 гады «хіміі» за камэнтар пра Лукашэнку; жыхара Полацку асудзілі пасьля праверкі тэлефона памежнікамі. Хроніка перасьледу Адкрыць / каментаваць

2023-07-06 20:34:06 Урад пастанавіў пачынаць усе спартовыя мерапрыемствы ў Беларусі зь дзяржаўнага гімна і ўзьняцьця сьцяга

Акрамя гэтага, кіраўнікі і прадстаўнікі групаў спартоўцаў, якія ў іх удзельнічаюць, і начальнікі вучэбна-трэніровачных збораў мусяць сачыць за тым, каб не дапусьціць выкарыстаньня ўдзельнікамі мерапрыемстваў «забароненых» сьцягоў, эмблемаў, сымбаляў, плякатаў, транспарантаў і  г.д.:

https://smarturl.click/7yEe Адкрыць / каментаваць

2023-07-06 19:32:24 Які вынік «справы артапэдаў», каму пайшлі грошы і што рабіць пацыентам. Інсайд артапэда-траўматоляга

Ці можна за год зрабіць пратэзаваньне суставаў усім, хто стаіць у доўгай чарзе, як загадаў Лукашэнка; што адбываецца ў галіне пасьля масавых арыштаў артапэдаў-траўматолягаў і каму ў Беларусі цяпер ставяць імпартныя пратэзы, — адказвае артапэд-траўматоляг Рустам Айзатулін, каардынатар Беларускага фонду мэдычнай салідарнасьці:

Відэа:

Адкрыць / каментаваць

2023-07-06 19:18:10 Bloomberg: Ва Ўкраіны цяпер больш танкаў, чым у Расеі

Паводле падлікаў агенцтва, пасьля 16 месяцаў вайны колькасная перавага цяжкага ўзбраеньня зрушылася ад Расеі да Ўкраіны.

Паводле зьвестак германскага Інстытута Кіля і праекту Oryx, танкавы парк Украіны павялічыўся (471 танк дастаўлены і яшчэ 286 чакаюцца), а расейскі — паменшыўся ўдвая (з 3417 танкаў, зь якімі Расея пачынала вайну, 2082 былі зьнішчаныя, пашкоджаня, кінутыя ці захопленыя).

Скараціўся і разрыў у артылерыйскіх і ракетных сыстэмах.

На выяве Bloomberg чорным колерам пазначаная колькасьць цяжкіх узбраеньняў да пачатку вайны ва Ўкраіне, блакітным — актуальная колькасьць. Адкрыць / каментаваць

2023-07-06 18:18:55 БДУ ўсё ж прызнаў узлом сваёй інфармацыйнай сыстэмы. Раней ва ўнівэрсытэце адмаўлялі гэта

Паводле БДУ, хакеры атрымалі несанкцыянаваны доступ да інфармацыйнай сыстэмы ўнівэрсытэту, у тым ліку да пэрсанальных зьвестак каля 6 тысяч чалавек, паведамілі ў Нацыянальным цэнтры абароны персанальных зьвестак.

4 ліпеня «Кібэрпартызаны» заявілі, што ўзламалі сетку БДУ і прапанавалі вярнуць адмінам 3 тэрабайты зьвестак «у абмен на вызваленьне 50 палітвязьняў». У БДУ заявілі, што інфармацыя пра ўзлом непраўдзівая. Адкрыць / каментаваць