Суполка беларускіх пісьменнікаў

2022-07-11 20:40:01 У Свіслачы памёр паэт Анатоль Валюк.
Як стала вядома ад сяброў спачылага, смерць наступіла 10 ліпеня пасля працяглай хваробы.

Анатоль Валюк нарадзіўся 1 студзеня 1961 года ў вёсцы Вішнёўка (Зэльвенскі раён).
Скончыў з Гродзенскі дзяржаўны ўніверсітэт, працаваў журналістам.
Выдаў некалькі зборнікаў вершаў. Апошні – “Музыка вятроў” быў укладзены ў 2008 годзе.

Выказваем шчырыя спачуванні блізкім і сябрам творцы!

#хроніка Адкрыць / каментаваць

2022-07-11 12:34:01 Прыказка на кожны дзень

Адна галавешка і ў печы не гарыць, а дзве і ў полі не гаснуць.

#прыказка Адкрыць / каментаваць

2022-07-11 08:15:18 Такі верш з'явіўся на старонцы ў Facebook у Леаніда Дранько-Майсюка ў дзень народзінаў Уладзімера Някляева.

* * *
Ты мне даводзіў: “Досыць вершаў,
Пра ўсё ўжо класікі сказалі…
Занятак знойдзем цікавейшы –
Цягаць валізы на вакзале!

Ці ж мы з табой паэты, браце?!
“Гаспода”, “Прошча” – толькі назвы.
На нашым адраджэнскім свяце
Я прытаміўся ў рыфмы бразгаць!..”

Казаць – казаў ды так не думаў
І пад заснежанаю елкай
З купалаўскім відушчым сумам
Мяне ты частаваў гарэлкай;

І думаў, пэўна, пра магчымасць
Пісьма інакшага і рытму,
Як і пра тое, што злачынна
Паэзія трымае брытву;

Што ўсе бяздомнікі ў дарозе
Тужліва мараць аб начлезе;
Што добра п’ецца на марозе
І цёпла ў беларускім снезе.

Леанід Дранько-Майсюк

#раптамверш Адкрыць / каментаваць

2022-07-10 16:22:01 Старое фота

Пісьменнік Васіль Якавенка (1936-2018) у гасцях у легендарнай Зоські Верас (1892-1991).
Вільня, 1980-ыя гады.

#здымак Адкрыць / каментаваць

2022-07-10 13:05:16 Лонгрыд ад "Дзеяслова"

***
Мой дзед з Кабыльніка быў чалавек тутэйшы,
З сякерай і канём мужык у кажусе,
Маіх дзядзькоў шаснаццаць і мой тата Тутэйшыя, як соль зямлі, усе
Плыты па рэках гоняць, дровы цягнуць,
У поце робячы, што лёс дае скупы,
Вячэру даядаюць з адной місы
І падаюць у ложкі, як снапы.
Дзядуля мой залазіць ледзь на печку,
Спіць за сталом, бо ўжо не малады.
А ногі – самі завядуць на печку,
Бо верна служаць доўгія гады.

Урывак з паэмы Мойшэ Кульбака "Райсн" ("Беларусь")
Вершаваны пераклад Андрэя Хадановіча.
Даслоўны пераклад з ідыш Вольфа Рубінчыка і Сяргея Шупы.

чытаць далей тут

#лонгрыд Адкрыць / каментаваць

2022-07-10 08:14:59 ***

Колькі шуму ў нашым збожжы,
Спеву і гаворкі!
Як вы мілы, як прыгожы,
Родныя пагоркі!

Якуб Колас

#вершдня Адкрыць / каментаваць

2022-07-09 15:38:54 Падарунак для дзетак ад «Будзьма». Відэакніга-чытанка для маленькіх па-беларуску

На ютуб-канале «Будзьма» выйшла відэакніга «Чытанка для маленькіх». Відэакнігу можна і ГЛЯДЗЕЦЬ, і СЛУХАЦЬ, і ЧЫТАЦЬ адначасова.

Укладальнікі кнігі — вядомыя знаўцы беларускай мовы Вінцук Вячорка і Пётра Садоўскі.

Казкі і вершы з малюнкамі на роднай мове для дзетак дашкольнага ўзросту агучылі Аня Хітрык і Павел Харланчук.

У «Чытанцы» сабраныя народныя, а таксама аўтарскія вершы і казкі, калыханкі і гульнёвыя прыпеўкі для дзетак да трох гадоў.

Мастачка — Святлана Канькова-Дударэнка.

Музыка — Аня Хітрык.

Глядзіце па спасылцы:



Адкрыць / каментаваць

2022-07-09 12:04:00 Артыкул Алеся Акуліча са старонак "Літаратурнай Беларусі" да юбілею Паэта:

"Геніі і прарокі нараджаюцца ў лёсавызначальныя для народаў і нацыяў часы. Янка Купала быў абуджаны да творчасці беларускім народам — каб тварыць нацыю. Украінец Тарас Шаўчэнка ды беларус Францішак Багушэвіч усё жыццё пісалі раманы пад назвамі Украінскі ды Беларускі народы, а іх наступнікі Іван Франко і Янка Купала складалі паэмы пад назвай нацыі..."

Чытаць далей

#літаратурная_Беларусь Адкрыць / каментаваць

2022-07-09 08:36:00 У гэты дзень 110 гадоў таму нарадзіўся паэт Сяргей Астрэйка.

Нарадзіўся 9 ліпеня 1912 г., в. Коласаўшчына Слуцкага пав. Менскай губ., — 14 верасня 1937 г., Чалябінская вобл, РСФСР.
Вершы пачаў пісаць у час вучобы ў сямігодцы. У 1928 годзе па рэкамендацыі Ц. Гартнага вершы С. Астрэйкі з’явіліся ў газеце «Чырвоная змена». Паэму С. Астрэйкі «Бенгалія» ўхваліў Я. Купала.
Рыхтаваўся да выдання паэтычны зборнік «Смарагды кроз», які так і не выйшаў. У ссылцы зрабіў пераклад «Яўгенія Анегіна» А. Пушкіна, рукапіс не збярогся.
Арыштаваны ДПУ БССР 23.2.1933 года па справе «Беларускай народнай Грамады». Высланы ў Ірбіт Свярдлоўскай вобласці.
13.9.1937 быў вынесены смяротны прысуд, на наступны дзень (14.9.1937) С. Астрэйку расстралялі.

#угэтыдзень Адкрыць / каментаваць

2022-07-08 12:38:01 Кніжныя гісторыі

Даследчыкі падлічылі, што ў творах Шэкспіра слова "Каханне" ("любоў") сустракаецца прыблізна ў 10 разоў часцей за слова "нянавісць".

Бярыце прыклад з Шэкспіра - дабро пераможа!

#цікавосткі Адкрыць / каментаваць