Такі верш зявіўся на старонцы ў Facebook у Леаніда Дранько-Майсюка ў дзень народзінаў Уладзімера Някляева. * * * Ты мне даводзіў: “Досыць вершаў, Пра ўсё ўжо класікі сказалі… Занятак знойдзем цікавейшы – Цягаць валізы на вакзале! Ці ж мы з табой паэты, браце?! “Гаспода”, “Прошча” – толькі назвы. На нашым адраджэнскім свяце Я прытаміўся ў рыфмы бразгаць!..” Казаць – казаў ды так не думаў І пад заснежанаю елкай З купалаўскім відушчым сумам Мяне ты частаваў гарэлкай; І думаў, пэўна, пра магчымасць Пісьма інакшага і рытму, Як і пра тое, што злачынна Паэзія трымае брытву; Што ўсе бяздомнікі ў дарозе Тужліва мараць аб начлезе; Што добра п’ецца на марозе І цёпла ў беларускім снезе. Леанід Дранько-Майсюк #раптамверш 91 views05:15