Галасы з-за вярбы

2021-10-24 23:59:01 у маёй душы мінорная танальнасць
яна ўтварае гукі самотнасці
што далікатна ахапляюць
кволае сэрца
то б’ецца павольна
у рытм з журбою
то, быццам падганянае пугаю,
кідаецца ва ўсе бакі,
пакуль музыка
не змоўкне
і сэрца
нарэшце
не самлее Адкрыць / каментаваць

2021-10-15 08:44:19 Halina Poświatowska

нам трэба шмат простых слоў
trzeba nam dużo prostych słów

пераклад з польскай

нам трэба шмат простых слоў
як
хлеб
каханне
дабрыня
каб сляпыя ў цемры
не згубілі
правільны шлях

нам трэба шмат цішы цішы
і ў паветры і ў думках
каб пачулі голас
ціхі нясмелы голас
галубоў
мурашак
людзей
сэрцаў

і іх балючы крык
сярод крыўд
сярод усяго таго
што не ёсць
ані каханнем
ані адбрынёй
ані хлебам Адкрыць / каментаваць

2021-10-14 10:13:26 Halina Poświatowska

я не трымала сваё каханне...
nie chwytałam mojej miłości...

пераклад з польскай

я не трымала сваё каханне
як птушку ў руках
не трапятала голасна
ў маіх пальцах
як абрахманеная каўка
гладзіла па чорных пёрках
нядбала
як абрахманенай каўцы
падсоўвала зернейка пяшчоты
толькі каб ціўкала
каб скакала
толькі б
у радасным імпэце
не паляцела ў сонца Адкрыць / каментаваць

2021-10-13 10:12:59 Halina Poświatowska

Люблю журыцца
Lubię tęsknić

пераклад з польскай

люблю журыцца
ўзабрацца на парэнчы гуку і колеру
з адкрытымі вуснамі лавіць водар марозу

люблю маю самотнасць
падвешаную вышэй
чым мост
рукамі абдымаю неба

каханне маё
ідзе басанож
па снезе Адкрыць / каментаваць

2021-10-12 10:54:30 Halina Poświatowska

ці памрэ крупінка свету
czy świat umrze trochę

пераклад з польскай

ці памрэ крупінка свету
калі я памру

гляджу гляджу
апрануты ў лісі каўнер
ідзе свет

ніколі не думала
што я валасінка ў ягонай футры

заўсёды была тут
ён - там

аднак жа
прыемна думаць
што памрэ крупінка свету
калі я памру Адкрыць / каментаваць

2021-10-11 18:02:19 Адзі Эндрэ

Мой плач
Az én sírásom

пераклад з венгерскай

Па кім смуткую, хай не плача
А хто хавае, не капай магілу:
Могілкі - то маё панства
І плач мой усёмагутны.

Калі я плачу, само жыццё журбуе,
У страце, заняпадзе, памылцы, уздыху, праклёне.
І лёс грукоча,
Калі крычу ад болю.

Каго кахаю, слёзы,
Ці пазычыць табе болю?
І смерць таго прыгожай будзе,
Па кім смуткую. Адкрыць / каментаваць

2021-10-10 17:02:40 Адзі Эндрэ

Бо ты мяне пакахала
Mert engem szeretsz

пераклад з венгерскай

Твае вочы - люстэркі
благаслаўлёных дзівосаў,
бо мяне бачылі.
Ты - мудрая,
наймілейшая
ў абдымках.
Тысячу разоў благаслаўлёная
твая жаноцкасць.
Бо на мяне глядзела,
мяне заўважыла.
Бо мяне пакахала,
кахаю і я цябе:
За тваю пяшчоту да мяне.
Ты - жанчына.
Найпрыгажэйшая. Адкрыць / каментаваць

2021-10-03 21:57:06 Герхард Ляйтгеб

Малітва пісьменніка
Gebet des Dichters

пераклад з нямецкай

Не дазваляй,
каб слова маё марнела,
вяла і бязгучна гінула ў нічым.

Ты дай мне сіл,
каб захаваць,
каб жыло яно праз часы.

Калі Ты захочаш,
заквітнее і ўздужае тое слова
пад аховай залатых крылаў
майго анёла. Адкрыць / каментаваць

2021-09-29 19:17:17 Нешта храбушча
пад нагамі.
Сьнег? Яшчэ не...
Лісьце. Адкрыць / каментаваць