Галасы з-за вярбы

2021-06-03 00:02:59 Курт Клінгер

Цыкады
Die Zikaden

пераклад з нямецкай

Бзыканне ў Апалонаўскім вянку:
непахісны любоўны верш
свабоды. Адкрыць / каментаваць

2021-06-02 23:11:01 Эрых Фрыд

Што прыносіць спакой
Was Ruhe bringt

пераклад з нямецкай

Я заўсёды думаў,
што шчасьце
прыносіць спакой

Але няшчасьце
прыносіць
нават большы спакой

Я прачынаюся,
нібы я спаў
бяз сну

Я дыхаю,
нібы мне і ня
трэба дыхаць

Я стаміўся,
нібы я стаміўся
проста ад сну Адкрыць / каментаваць

2021-05-28 18:22:47 Сярод таполяў прадлетняга гушчары
сачу за пухам, быццам летуценнік.
Насупраць бачу качку, у імшары.
Ці думае яна пра ўласны спеўнік?

А пух той, як сняжынкі у сонечным праменні -
зімы мінулае апошнія нашчадкі.
І я сачу за імі, быццам летуценнік
сярод таполяў прадлетняга гушчары. Адкрыць / каментаваць

2021-05-26 10:54:38 Ганс Карл Артман

Заўсёды птушкі
Immer die Vögel

пераклад з нямецкай

заўсёды птушкі
неба

доўгі сіні
пляж марудзіцца
у ранішнім срэбры

чырвонае сонца
малюе
прыгожы відарыс
на грудзях
анёла

цалуй мяне
сваімі вуснамі
штодзённа

як каршак
як мэта
як далёкая
белая кропка

як сьцяг
далёка
у ранішнім сьвятле

заўсёды птушкі
неба Адкрыць / каментаваць

2021-05-22 21:11:52 Мары ды хмары

Белыя горы на небе - мары
Сонца ад мяне схавалі.
Сярод іх цёмныя - хмары
жыцьцёвую песьню сьпявалі.

Што я тут раблю наогул?
Калі журба думкі спыняе,
і ніводнай душы навокал,
а ў хаце котка чакае. Адкрыць / каментаваць

2021-05-20 15:00:19 Травеньскі дожджык

Сёння дожджык землю ласкоча,
кроплі весела з небя ляцяць.
І праз акуляры трапляе ў вочы,
як хачу я пайсці пагуляць!

Мне знадворку вершык ліецца,
затрымаўшы думкі ў палон.
І вясенні водар віецца -
гэта травень свой робіць паклон. Адкрыць / каментаваць

2021-05-19 20:36:15 Райнер Марыя Рыльке

Вечар
Abend

пераклад з нямецкай


Адзінока па-за дамамі
чырвонае Сонца засыпае,
і ў апошняй актаве
дзённая радасць замірае.

Але святло гуляе
яшчэ над дахамі,
калі ночка дыяментамі
блакітныя далі засявае. Адкрыць / каментаваць