Martsinovich Theatre

2022-08-02 09:48:55 11-16 лістапада ў Бабруйску пройдзе чарговы Фестываль нацыяльнай драматургіі. Ён павінен быў адбыцца ў 2021-м, але яго перанеслі.

У праграме можна будзе ўбачыць свежыя і актуальныя спектаклі. На адкрыцці пакажуць «Чорную панну Нясвіжа» Купалаўскага тэатра 2000 года. У праграме «Тэатр купца Япішкіна» Тэатра-студыі кінакцёра — пастаноўка 1993 года.

А вось два іншыя спектаклі —
новыя "Людзі на балоце" Мазырскага тэатра 2021 года і стары "Мудрамер" Новага драматычнага 2012 года — замянілі на дзве пастаноўкі па Быкаву: "Альпы. Сорак першы" ТЮГа і "Альпійская балада" РТБД.

Праўда, ў мінулагодняй праграме ад апошняга тэатра былі заяўлены "Шлюб з ветрам". Але ж вы ўсё разумееце, праўда?) Адкрыць / каментаваць

2022-07-31 19:21:12 Появилась афиша на нынешнюю "Белую Вежу"

В Брест приедет театр кукол из Чувашии . Нигде никак не проявился за последние 30 лет, и вдруг. Правда, художник спектакля -- Лариса Микина–Прободяк из Гродно.

Также с белорусскими корнями приедет спектакль из Белгорода : тамошние кукольники везут в Брест постановку витебского режиссера Виктора Климчука "Шинель".

Брестский театр кукол показывает спектакль по произведению Платонова "Рассказ о мертвом старике", но почему-то с возрастным цензом 6+

Из Могилёва куклы везут спектакль по классному автору Петру Васюченко "Дзівосныя авантуры паноў Кубліцкага ды Заблоцкага", правда 2012 года

Гродно покажет свежий спектакль "Старосветские помещики". Режиссер – Олег Жюгжда, художник – Даниил Жюгжда, композитор – Аглая Жюгжда.

Из остальной афиши: ТЮЗ (он теперь по понятным причинам будет на всех фестивалях), Армения, Узбекистан и много-много России.

Если в целом рассматривать драму, то стремиться стоит на "Пачупкі" Евгения Корняга. Адкрыць / каментаваць

2022-07-28 15:59:41 Сёння свой дзень народзінаў святкуе Таццяна Дзмітрыеўна Арлова, у якой вучыліся ўсе ці амаль усе беларускія тэатральныя крытыкі. Гэты дзень – нагода згадаць добрым словам апошнюю па часе працу Таццяны Дзмітрыеўны: яна выступіла складальніцай кнігі “Белый рояль в небесах” сваёй блізкай сяброўкі, тэатральнага крытыка Ліліі Брандабоўскай.

Пра гэта імя я ведаў раней: чытаў бліскучы тэкст Брандабоўскай пра дынастыю Уладамірскіх у часопісе “Мастацтва”, а пра яе працу ў газеце “Знамя юності” расказвала маці, якая там друкавалася. Але іншых тэкстаў я не чытаў: у інтэрнеце іх не было. Таццяна Дзмітрыеўна ў літаральным сэнсе слова выратавала архіў сваёй сяброўкі, склала кнігу і – дзякуючы газеце “Аргументы і факты” выдала адной кнігай.

Тэатральным крытыкам зборнік тэкстаў Брандабоўскай трэба чытаць абавязкова. У гэтай кнізе адчуваецца час. Бачна, як змянялася беларускай тэатральная крытыка, як змянялася сама Брандабоўская. Якія аргументы выкарыстоўвала і якой лексікай карысталася. Цяпер так, як пісала яна, не пішуць. І таму надзвычай цікава паглядзець, як было калісьці.

А яшчэ выданне кнігі Брандабоўскай нагадвае вяртанне Атлантыды – ва ўжытак уведзены корпус тэкстаў, раскіданых па перыёдыцы. Наўрад ці хтосьці стаў бы шукаць іх па газетах і часопісах. Цяпер усё можна знайсці пад адной вокладкай.

Праца Таццяны Дзмітрыеўны заслугоўвае захаплення і павагі па шэрагу прычын. Адна з іх – у наш складаны час часам складана паспець напісаць сваю працу. Яна не пашкадавала яго для сяброўкі і для свайго любімага тэатра, якім займаецца ўсё жыццё. Адкрыць / каментаваць

2022-07-27 09:25:14 Нечаканыя навіны з Гродна. З 21 па 25 верасня ў горадзе пройдзе... трэці міжнародны тэатральны фэстываль «Лялькі над Нёманам». Нюанс у тым, што два папярэдніх адбыліся ў 2013 і 2014 гадах. За восем гадоў пра форум усе забыліся. Што азначае гэтая рэінкарнацыя — не ведаю.

У цяперашніх умовах праграма прадказанальная: пакажуць спектаклі з Беларусі і Расіі.

Мінска ў праграме няма. Ёсць гаспадары, Брэст з "Сотнікавым", а таксама Віцебск, Гомель і Магілёў з дзіцячымі спектаклямі. Гамяльчане прывозяць «Шаша ў левым чаравіку» — не ведаю, колькі гадоў таму глядзеў гэты спектакль у Мінску.

З Расіі будзе Піцер, Масква, Перм, Арэнбург і Омск. Дзве пастаноўкі — «Шэкспір у час чумы, ці Трагедыя блазнаў» (Перм), а таксама "Саламею" з Арэнбурга — паставіў Алег Жугжда, кіраўнік Гродзенскага тэатра лялек.

Адкрыецца фестываль спектаклем «Пярэсты сабака, які бяжыць краем мора» — у 2021-м пастаноўка з Разані атрымала "Залатую маску" за "Лепшую працу мастака" і намінавалася як "Як лепшы спектакль". Адкрыць / каментаваць

2022-07-26 10:10:42 Пакіну для гісторыі. У Горкаўскім тэатры з'явіцца спектакль "Ідыёт". Для яго пастаноўкі запрасілі сербскую актрысу і рэжысёра Івану Жыгон. Яна кіруе Таварыствам сербска-беларуска-рускага сяброўства. У 2021-м была дэлегатам чарговага Усебеларускага сходу.

А яшчэ ўсё лета хадзілі чуткі пра спектаклі РТБД, якія здымуць з рэпертуара. Для цікавасці паглядзеў рэпертуар на жнівень і верасень. Няма "Бетона" (праўда, здаецца, яго даўно не паказвалі), "Кар’еры доктара Рауса", "Паляванне на сябе", "Профіта" і "Сірожы". Адкрыць / каментаваць

2022-07-13 15:44:43 Большасць прагаласавала за тое, каб пра Купалаўскі пісаць. Але разрыў невялікі. Таму рэдка і толькі сапраўдны істотнае.

Дзяржаўны Купалаўскі ў сваім цяперашнім фармаце працуе ўжо два гады. За гэты час толькі адзін рэжысёр, якога я дагэтуль ведаў, згадзіўся там ставіць. Гаворка пра Данііла Філіповіча, які раней працаваў у ТЮГу. Цяпер яму знайшлі калегу - у верасні спектакль паставіць Валянціна Еранькова з Горкаўскага. І гэтай навіне можна толькі парадавацца.

Бо за два гады знайшлося толькі два чалавекі, якія згадзіліся на пастаноўку. Мо, прагучыць пафасна, але беларускі тэатр без праблем здаў умоўны тэст на прыстойнасць і прафесійную этыку.

А яшчэ Еранькова - ну зусім не мой рэжысёр, а таму ніякага расчаравання ў ёй няма (у выпадку Філіповіча яно было). Асабіста я сутыкаўся з ёй толькі аднойчы.

Мяне запрасілі на М@арт.кантакт, а гаспадары - Магілёўскі драмтэатр - заявіў яе спектакль "Шут Балакіраў" па Горыну. Спектакль слабы, надзвычай рыхлы, безнадзейна зацягнуты. Яго трэба было абмяркоўваць, але крытыкаваць гаспадароў... Але на абмеркаванні першы ж крытык выклаў усю праўду-матку. У выніку Еранькова не пахваліў ніхто.

Яна страшэнна пакрыўдзілася. Дагэтуль усміхалася ўсім крытыкам, а пасля абмеркавання дэманстратыўна перастала вітацца.

Так што хай Еранькова ставіць, хай. Тэатр ужо не зменіцца, а радок у яе біяграфіі застанецца. Адкрыць / каментаваць

2022-07-12 15:30:12 Адкрыць / каментаваць

2022-06-30 16:09:19 Шмат хто ўжо пачытаў, а астатнім рэкамендую цікавае інтэрв'ю з Яўгенам Карнягам.
http://zviazda.by/be/news/20220624/1656075208-yaugen-karnyag-stau-lepshym-akcyoram-kali-payshou-u-rezhysyory Адкрыць / каментаваць

2022-06-29 15:34:12 У бацькоў знайшлася мая футболка з вось такім лагатыпам. Памятаеце гэты спектакль?) Адкрыць / каментаваць

2022-06-27 22:26:45 Танцоўшчык Антон Краўчанка з Тэатра оперы і балета, а таксама Тамара Міронава з дзяржаўнага Купалаўскага - цяпер народныя артысты Беларусі.

Руслан Чарнецкі з Горкаўскага (вядучы форума ў падтрымку Лукашэнкі) - цяпер заслужаны артыст Беларусі. Адкрыць / каментаваць