Беларускі Бабілон

2021-04-24 13:47:17 Зрабіў у сераду гутарку з гісторыкам і нашым галоўным замказнаўцам Міколам Волкавым.

У першай частцы зрабілі першасную рэвізію тэрміна "Беларусь - краіна замкаў", а ў другой - абмеркавалі апошнія навіны і гіпотэзы, якія цяпер прадукуе замкавая тэма.

Бо тэма важная і навінаў шмат.

Здаецца атрымалася незацягнута і нават карысна, таму вырашыў выкласці ў публічны дасяг:



Адкрыць / каментаваць

2021-04-19 09:22:00 Раблю сёння zoom-лекцыю пра 19 красавіка.

Крыху прызабытая, але важная дата. Менавіта ў гэты дзень у 1863 годзе распачалося паўстанне ў Мінскай губерніі.

У сучасным уяўленні гісторыя таго паўстання моцна сціснулася вакол адной асобы - Канстанціна Каліноўскага. І гэта не зусім правільна. Баявыя дзеянні на Міншчыне рыхтавалі зусім іншыя людзі, чые прозвішчы зараз мала што скажуць паспалітаму чалавеку: Аскерка, Пелікша, Чакатоўскі, Козел-Паклеўскі.

Пра іх і пагаворым. Пра іх мары, памкненні, расчараванні і лёсы пасля разгрому. І пра тое, што адбывалася ў горадзе 19 красавіка 1863 года.

Запіс па спасылцы: https://forms.gle/qugMiyoTtmjjukpBA Адкрыць / каментаваць