SYMBAL.BY

2022-02-14 14:44:10 Валянцінкі ад беларускіх пісьменнікаў!

Выбірайце патрэбныя і дасылайце сваім каханым. Адкрыць / каментаваць

2022-02-11 12:07:54 Ужо сёння, 11 лютага, а 12:00 (па беларускім часе) адбудзецца прэзентацыя вынікаў даследавання па тэме беларускай ідэнтычнасці (анлайн, Zoom).

Трансляцыя адбудзецца тут:



Падчас прэзентацыі будзе абмеркаваная нацыянальная ідэнтычнасць беларусаў і яе роля ў каштоўнаснай і сацыяльнай трансфармацыі.

Спікеры:

Філіп Біканаў — беларускі сацыёлаг;
Генадзь Коршунаў — старшы аналітык Цэнтра новых ідэй;
Леся Руднік — беларускі палітычны аналітык.

Мовы сустрэчы: руская, беларуская з сінхронным перакладам на англійскую. Адкрыць / каментаваць

2022-02-09 10:25:30 Дасылайце лісты палітвязням!

Новая праца мастачкі Вольгі Якубоўскай прысвечана героям, якія зараз знаходзяцца за кратамі і чакаюць ад вас лістоў. Для іх гэта галоўны сродак інфармацыі і адзіная магчымасць атрымаць навіны з волі.

Таксама лістоў ад вас чакае і Павел Белавус. Падтрымайце і напішыце яму некалькі сказаў.
СІЗА-1, 220030, г. Мінск, вул. Валадарскага, 2. Адкрыць / каментаваць

2022-02-04 15:07:08 4 лютага 1746 года нарадзіўся Тадэвуш Касцюшка — нацыянальны герой трох краін: Беларусі, Польшчы і ЗША!

Лідар нацыянальна-вызваленчага паўстання 1794 года ў Рэчы Паспалітай супраць расійска-прускай акупацыі краіны, а таксама ўдзельнік вайны за незалежнасць ЗША.

Помнік Тадэвушу знаходзіцца ў беларускім горадзе Косава на тэрыторыі музея-сядзібы Касцюшкі, недалёка ад Косаўскага палаца. А ведаеце, у якіх яшчэ гарадах свету ёсць помнікі Касцюшку? Адкрыць / каментаваць

2022-02-04 00:07:04 Гурт Intelligency выклаў новы альбом Technoblues Therapy (Part 1), які складаецца з 8 трэкаў.

Паслухаць можна па спасылцы: https://lnk.to/Intelligency_TT_1 Адкрыць / каментаваць

2022-02-02 14:35:43 2 лютага 1838 году нарадзіўся Кастусь Каліноўскі, кіраўнік нацыянальна-вызвольнага паўстання 1863–1864 гадоў ды нацыянальны герой Беларусі!

Калі б Каліноўскі быў зараз жывы, якія парады вы бы ў яго запыталі? Адкрыць / каментаваць

2022-02-01 15:33:53 Ганна Севярынец зачытала рэп!

Вядомая настаўніца прыняла ўдзел у песні «Беларусіца» — трэк і кліп, прысвечаныя прафесіі настаўніцы беларускай мовы.

«Дасведчаныя людзі кажуць, што адзін з канцэптаў рэпу — «рэспект». Для мяне наш праект — мой рэспект усім, хто стварае, выкладае, чытае, слухае і глядзіць беларускае», — кажа Ганна Севярынец, рэспектуючы таксама школьніцтву і студэнтству.




Як вам песня і кліп? Адкрыць / каментаваць

2022-01-31 20:02:00 Павел Белавус працягвае дасылаць у лістах вершы для сваіх дзетак

Паша просіць часцей дасылаць яму лісты. За апошні тыдзень ён атрымаў толькі два паведамленні. Зразумела, што не ўсе вашыя лісты да яго даходзяць, але чым больш будзе спробаў, тым больш верагоднасць, што Павел атрымае ад вас навіны.

Напісаць ліст: СІЗА-1, 220030, г. Мінск, вул. Валадарскага, 2

Калі атрымліваеце адказы, просім дасылаць нам іх на hodnaby@gmail.com

Асабліва, калі гэта #вершыбелавуса

Дзякуем! Адкрыць / каментаваць

2022-01-30 13:36:29 Павел Белавус даслаў яшчэ адзін верш для сваёй дачкі!

Калыханка
Калі ў сонца больш няма моцы быць у небе,
Гарэзлівы святла прамень знік на цёплай глебе.
Выходзіць дзетак сцерагчы з нябёсаў вартаўнік —
Начны вандроўнік летуценны - месяц маладзік.

Ён коцікам дае парады муркаць ля падушкі
І адганяць камарыкаў, што лётаюць над вушкам.
Сабачкам ён паказвае, дзе вартаваць ваш сон,
Каб пабудзіць не завітаў раптоўна нават слон.

Спі маё дзіцятка — побач будзе татка,
А калі ён раптам знік — гэта месяц-чараўнік.
Паклаў тату ўжо спаць і прыйшоў цябе люляць.
Дні змяняюць ночкі — час заплюшчыць вочкі.

А маладзік раскінуў у небе зоркі, як сняжынкі,
Начныя ходзяць матылькі па іх, як па сцяжынках.
І мышкі ціха, пакуль кот мурчыць яшчэ ля вушка,
Палезлі носікі памыць да коціка ў кармушку.

Хай сонную тваю ўсмешку месяц захавае,
Ды перадасць тваёй матулі, што я яе кахаю.
У снах вандруй і сустракай дзівосаў светлых край,
Люблю цябе, маё дзіцятка, баю-баю-бай.
#вершыбелавуса

СІЗА-1, 220030, г. Мінск, вул. Валадарскага, 2 Адкрыць / каментаваць

2022-01-29 13:48:17 Сябры, Павел Белавус звяртаецца да вас!

Ён просіць часцей дасылаць яму лісты. За апошні тыдзень ён атрымаў толькі два паведамленні. Зразумела, што не ўсе вашыя лісты да яго даходзяць, але чым больш будзе спробаў, тым больш верагоднасць, што Павел атрымае ад вас навіны.

Таксама Павел просіць выкладаць ягоныя цудоўныя вершы пад хэштэгам #вершыбелавуса

Адрас: СІЗА-1, 220030, г. Мінск, вул. Валадарскага, 2. Калі вы атрымліваеце ад яго адказы, дасылайце іх нам у сацсеткі ці на пошту symbalby@gmail.com

І памятайце, у салідарнасці наша моц! Адкрыць / каментаваць

2022-01-28 17:41:06 Сустракайце новы кліп ад Iva Sativa на песню «Каса»




Як вам? Адкрыць / каментаваць

2022-01-26 16:40:53 Роўна 32 гады таму беларуская мова стала адзінай дзяржаўнай

26 студзеня 1990 года Вярхоўны Савет прыняў Закон «Аб мовах», які надаў беларускай мове статус адзінай дзяржаўнай у Беларусі.

У гэтым законе была ў тым ліку такая цытата: «Мова — не толькі сродак зносін, а і душа народа, аснова і важнейшая частка яго культуры. Жыве мова — жыве народ. Кожная мова, яе літаратурная, жывая мясцовая і гістарычная разнавіднасць — неацэнны скарб, які належыць не аднаму народу, а ўсяму чалавецтву».

Але пасля Рэферэндуму ў 1995-м годзе руская мова стала другой дзяржаўнай.

А як вы лічыце, колькі ў нашай краіне павінна быць дзяржаўных моў і якія? Адкрыць / каментаваць

2022-01-25 22:03:38 Прэм’ера! Кліп на новую песню гурта VAL

Дуэт запісаў песню на верш Канстанціна Севярынца, які ён напісаў для сваёй тады яшчэ маленькай дачкі Ганны.

Паслухайце, як выдатна атрымалася!


Адкрыць / каментаваць

2022-01-25 15:28:06 Павел Белавус даслаў яшчэ адзін верш, прысвечаны сваёй дачцэ

«Мары»

Я хаджу яшчэ ў садок, у школу пакуль рана.
Але літары вучу плённа і старана.
Первай вывучыла «М» — гэта значыць «мама»,
А яшчэ і «малако», яго робіць крама.
Ой, не крама, а карова з чорна-белай спінкай.
Значыць зараз будзе «С» — маё імя Сафійка.

Сустракаю літр «А» ў словах я багата,
Там дзе мама, там дзе баба і, канешне, тата!
Сярод літр ёсць адна — круглы абаранак,
Гэта «О» і лічба «нуль» — сонца на світанак.
У словы літары складу з марамі, вядома:
«Тата, я цябе люблю і чакаю дома!».
06.01.2022

Сябры, дасылайце лісты Паўлу Белавусу па адрасе: СІЗА-1, 220030, г. Мінск, вул. Валадарскага, 2.

А яго адказы дасылайце нам у сацсеткі ці на пошту symbalby@gmail.com. І выкладайце вершы Паўла з хэштэгам #вершыбелавуса Адкрыць / каментаваць

2022-01-25 13:18:34 Павел Белавус працягвае дасылаць вершы на волю!

Гэтым разам да нас дайшоў верш-алюзія, які цяжка зразумець без агульнага кантэксту.

Падказка: зараз Паша знаходзіцца ў месцы, дзе раней была жанчына, якая вельмі любіць усміхацца, чырвоную памаду і добрую парфуму.

Такое своеасаблівае месца сілы :) Аднак у гэтым месцы надзвычай неабходная падтрымка.

Просім падтрымаць Паўла лістамі: СІЗА-1, 220030, г. Мінск, вул. Валадарскага, 2

Калі атрымліваеце адказы, просім дасылаць нам іх на hodnaby@gmail.com

Асабліва, калі гэта #вершыбелавуса

Загадзя дзякуем! Адкрыць / каментаваць

2022-01-22 15:08:48 22 студзеня 1863 году пачалося вызваленчае паўстанне супраць расійскага панавання і за аднаўленне Рэчы Паспалітай у межах 1772 году. Дзеянні адбываліся на тэрыторыі Беларусі, Польшчы і Літвы.

Адным з лідараў нацыянальна-вызваленчага руху з'яўляўся Кастусь Каліноўскі. Вядомай фразай-паролем з’яўляліся словы:
— Каго любіш?
— Люблю Беларусь!
— То ўзаемна!

Гэтай фразе быў прысвечаны наш малюнак некалькі год таму. Адкрыць / каментаваць

2022-01-18 12:32:15 Павел Белавус за кратамі напісаў кранальны верш пра сям’ю і Новы год.

Павел нарэшце пачаў атрымліваць лісты і ў адказ даслаў верш-гісторыю, «як яго дачка Соня адмовілася без таты вешаць на ялінку зорку, бо толькі тата дацягнецца, бо высокі». Верш ад 1 студзеня 2022:

«Цуды
Хутка-хутка Новы год —
Дзень усім знаёмы.
Сёння ў сад я не пайду,
Застануся дома.
Я збяру сваю сям'ю — маму, тату, брата.
Упрыгожым мы ялінку
У чаканні свята.
Я хачу каб на ялінцы
Зіхацела зорка!
Запрашу да справы тату,
Каб узняў высока.
Маме шчыра я скажу:
Ноччу спаць не буду!
Бо чароўнай гэтай ноччу
Я чакаю цудаў!
#вершыбелавуса»

Падтрымайце Паўла Белавуса лістамі: СІЗА-1, 220030, г. Мінск, вул. Валадарскага, 2 Адкрыць / каментаваць

2022-01-12 13:16:28 81 год таму нарадзіўся Уладзімір Мулявін.

У гэты дзень раім паслухаць чароўнае выкананне песні на верш «Пагоня» Максіма Багдановіча. Адкрыць / каментаваць

2022-01-07 12:57:31 Узгадаем класіку:)

Няхай здзяйсняюцца ўсе цуды! Адкрыць / каментаваць

2022-01-05 00:50:41 Забараняць лягчэй, цяжэй абараняць
I мову, і забытую Айчыну.
Армяк пакут з плячэй, абраз аборы зняць
I запаліць з надзеяю
Лучыну.
На лёхах веры сцісне кулачок
Салодкі даўняй марай
Бурачок.
За далягляд вякоў сплыве хмурына,
I хлебу звесціся не дасць
Скарына.
Маланкай апяражацца ганец.
Асвеціць столь і покуць
Каганец.
Абудзіцца зямля, што доўга спала,
Пакажа кветку Папараць
Купала.
На санным следзе загалосіць полаз.
I жнеек на жніво запросіць
Колас.
I крывічам пра іхні род усім
Напомніць Богам дадзены
Максім.
Не жабракі —
Вякі стаяць за намі.
Дык будзем жа самім сабе панамі!

Рыгор Барадулін. Адкрыць / каментаваць

2022-01-02 14:47:21 Паўла Белавуса перавялі ў СІЗА на Валадарскага

Сябры, давайце падтрымаем Паўла лістамі і павіншуем з Новым годам. Больш за месяц ён не атрымліваў перадачы і лісты.

СІЗА-1, 220030, г. Мінск, вул. Валадарскага, 2.

Таксама вы можаце падтрымаць Паўла і яго сям'ю фінансава (заяўленая сума ўжо ёсць, але збор працягваецца). Адкрыць / каментаваць

2022-01-01 00:10:23 Бывай здароў, мой год старэнькі!
Ў маіх ты думках будзеш жыць
I многа будзеш майму сэрцу
Ў мінуту жалю гаварыць.
 
Я буду помніць, доўга помніць:
Сваё бадзяньне ў гэты год,
Свае надзеі і сумненьні
За родны край, за свой народ
 
I тых людзей, што йшлі са мною,
Хто зваў на працу, дух будзіў,
Хто весяліў мяне у смутку,
Каго я шчыра палюбіў...
 
Дык будзь здароў, мой год старэнькі!
Ў маёй душы ты будзеш жыць
I многа будзеш майму сэрцу
Ў мінуту жалю гаварыць. Адкрыць / каментаваць

2021-12-31 17:10:27 Бывай здароў, мой год старэнькі!
Ў маіх ты думках будзеш жыць
I многа будзеш майму сэрцу
Ў мінуту жалю гаварыць.
 
Я буду помніць, доўга помніць:
Сваё бадзяньне ў гэты год,
Свае надзеі і сумненьні
За родны край, за свой народ.
 
I тых людзей, што йшлі са мною,
Хто зваў на працу, дух будзіў,
Хто весяліў мяне у смутку,
Каго я шчыра палюбіў...
 
Дык будзь здароў, мой год старэнькі!
Ў маёй душы ты будзеш жыць
I многа будзеш майму сэрцу
Ў мінуту жалю гаварыць.

Якуб Колас, 1908 год.
Малюнак — Вольга Якубоўская. Адкрыць / каментаваць

2021-12-31 12:30:11 Меньш чым за суткі вы дапамаглі сабраць мінімальна неабходную суму!

Вы можаце працягваць падтрымліваць Паўла і яго сям’ю. Будзем трымаць вас у курсе падзей.

Дзякуй за падтрымку! У салідарнасці наша моц! Адкрыць / каментаваць

2021-12-30 20:34:08 SYMBAL.BY pinned a photo Адкрыць / каментаваць

2021-12-30 20:34:02 @by_culture распачынае збор сродкаў на падтрымку заснавальніка Symbal.by Паўла Белавуса і яго сям'і.

Паўла затрымалі 15 лістапада 2021 года. З гэтага часу яму некалькі разоў давалі «суткі», а пасля апошніх «сутак» ён стаў падазраваным па арт. 342 кк (арганізацыя і падрыхтоўка дзеянняў, што груба парушаюць грамадскі парадак).

Павел Белавус — адзін з заснавальнікаў і першы дырэктар «Арт Сядзібы», стваральнік крамы Symbal.by, заснавальнік кампаніі «Годна», арт-менеджар, журналіст.

Сваёй працай, асабістым прыкладам Павел заўсёды намагаўся зрабіць так, каб беларусы ўсвядомілі сябе беларусамі:
пашыраў ужыванне беларускай мовы,
вярнуў моду на вышыванкі,
запускаў крэатыўныя беларускія культурніцкія праекты.

Паколькі Павел застаецца за кратамі, яго сям'я — жонка Кацярына і двое малых дзетак: Сафія і Мірон — аказаліся ў нялёгкім фінансавым становішчы. Неабходныя сродкі на адваката, і на іншыя выдаткі, звязанымі з утрыманнем пад вартай.

Ахвяраваць любую суму для Паўла і яго сям'і можна тут Адкрыць / каментаваць

2021-12-30 20:03:06 Сябры, у апошніх падзеях мы страцілі доступ да нашага ютуб-канала.

Сумаваць часу няма, таму мы хуценька стварылі новы.

Чаму часу няма? Бо на заўтра рыхтуем для вас падарунак — лямпавы навагодні вечар з беларускімі музыкамі.
Андрусь Такінданг, Сяргей Башлыкевіч, «Бачу ўпершыню» і музычнае адкрыццё года — Iva Sativa правядуць апошні вечар 2021-га разам з намі.

Лепшая падтрымка ад вас — падпіска на канал і «клац» на званочак, каб нічога не прапусіць :)

Калі ласка, падзяліцеся гэтай навіной са сваімі сябрамі.
Мы вельмі хочам, каб наш падарунак атрымала як мага больш беларусаў.

Загадзя дзякуем. І заўсёды вас любім.

P.S. маем надзею, што ў хуткім часе зможам аднавіць доступ да асноўнага канала. Але пакуль так. Чакаем усіх заўтра тут.

Памятайце, быць разам і ў горы, і ў радасці, падтрымліваць адно аднаго — гэта годна! Адкрыць / каментаваць

2021-12-29 11:43:24 Паўла Белавуса прызналі палітвязнем. Усяго ў Беларусі на сённяшні дзень 967 прызнаных палітзняволенных. Адкрыць / каментаваць

2021-12-29 11:14:27 J:MOPC выпусцілі новы кранальны кліп на песню «Бывай»

Праца прысвечана такой актуальнай для беларусаў тэме — эміграцыі. «Знешняй» і «ўнутранай». Адкрыць / каментаваць

2021-12-25 19:44:44 «І свята не свята, калі сэрца за кратамі».

Паслухайце новую чароўную песню NaviBand «Сумнае свята». Адкрыць / каментаваць