SYMBAL.BY

2021-09-20 22:32:21 Відэа дня. У Тбілісі мясцовы музыка зайграў «Купалінку». Толькі паслухайце гэта чароўнае выкананне! Адкрыць / каментаваць

2021-09-20 11:52:58 Адзін з першых беларускамоўных рэпераў у гісторыі нашай краіны — Вожык — вяртаецца ў гульню.

І прэзентуе першую лірычную частку «Летуценнікі» свайго новага альбому «Дзевяць мільёнаў». Пачуцці, эмоцыі, думкі, што нараджаюцца ў бурлівай краіне 9 мільёнаў ціхіх і ветлых людзей...

Слухайце на ўсіх музычных платформах: https://links.freshtunes.com/OpoKI Адкрыць / каментаваць

2021-09-20 11:15:13 20 верасня 1903 года нарадзілася Наталля Арсеннева — беларуская паэтэса, перакладчыца, драматург і аўтар верша «Магутны Божа».

Паслухайце чароўны гімн на гэты верш у выкананні «Вольнага хора»! Адкрыць / каментаваць

2021-09-19 14:00:14 А вы ведалі, што

— мурал у Мінску «Дзяўчына ў вышыванцы» намаляваў сусветна вядомы аўстралійскі вулічны мастак Guido van Helten,

— слова «цішотка» прыдумала рэдакцыя часопіса «Студэнцкая думка»,

— альбом першага гурта Лявона Вольскага «Мроя» запісала і выдала на вініле ў 1990 годзе савецкая фірма «Мелодыя».

Пра ўсё гэта глядзіце і слухайце ў першым падкасце «Трэба»:

Адкрыць / каментаваць

2021-09-19 13:22:21 У гэты святочны дзень хочам вам параіць паслухаць кранальнае выкананне «Вольнага Хора» на верш Сяргея Панізніка «Сцяг»:

Светлым полем я нясу
Агнявую паласу:
Як маланка нада мной
Зiхацiць над галавой
Сцяг мой вольны,
Сцяг мой смелы,
Сцяг мой бел-чырвона-белы.

Быў адважны продак мой
У Пагонi баявой.
Той Пагонi чую звон:
Хай нясецца наўздагон
Сцяг мой вольны,
Сцяг мой смелы,
Сцяг мой бел-чырвона-белы.

Залунай на ўвесь прасцяг,
Агнявых вякоў працяг:
Ёсць Дзяржава, ёсць Народ!
Развiвайся - i ў палёт,
Сцяг мой вольны,
Сцяг мой смелы,
Сцяг мой бел-чырвона-белы. Адкрыць / каментаваць

2021-09-19 09:49:11 Са святам, сябры! Сёння адзначаецца дзень герба «Пагоня» і бел-чырвона-белага сцяга!

19 верасня 1991 году гістарычная сімволіка была прызнана дзяржаўнай і заставалася такой да рэферэндуму 1995 году, калі замест нацыянальных сімвалаў вярнулі савецкія. Адкрыць / каментаваць

2021-09-18 21:54:12 Павел Севярынец у турме намаляваў партрэт свайго сына Францішка і даслаў яго поштаю жонцы Вользе. Адкрыць / каментаваць

2021-09-18 18:00:19 Я збудую сабе краіну.
Яна будзе прыгожай, як кветка.
Яна будзе магутнай, як вецер.
Яна будзе пяшчотнай, бы вусны.
Яна будзе маёю матуляй,
Будзе песні спяваць ля калыскі,
Будзе няньчыць дзіцятка малое,
Каб адданым ён быў сваёй хаце
І па ўсім наваколлі замежным
Праслаўляў свае вочы-азёры
Ды палі з валунамі-камнямі,
Каб разносіў па ўсім белым свеце.

Ёсць на мапе дзяржава такая.
Тут краіна цвіце і красуе,
Нараджае сыноў сінявокіх,
Нараджае дзяўчат даўгакосых.
Незалежная, вольная, шчырая,
Самастойная, з межамі роўнымі,
З мовай роднай, прыгожай, пявучай,
Што, як Маці, нам дадзена Богам,
На якой мы малітву чытаем,
Каб над хлебам пахучым краіны
Не кружыла драпежнікаў зграя.

Я збудую сабе краіну
Па запавеце роднай матулі.
Назаву я яе — Беларуссю,
І нікому скарыць не дазволю!

Антон Янкоўскі Адкрыць / каментаваць

2021-09-18 16:48:56 Cустракайце першы выпуск падкаста «Трэба»:



Будзем гаварыць пра актывізм у Беларусі, якім ён быў, ёсць і, спадзяемся, будзе. Першы госць Алег Ларычаў, які ўжо 10 гадоў развівае стрыт-арт у Беларусі. Адкрыць / каментаваць

2021-09-18 12:20:16 Рэтра дня. Гурт «Мроя» выконвае песню «Зямля» на фестывалі «Червона рута» ва Украіне, 1988 год.

Гэта адзін з першых выступаў Лявона Вольскага на вялікай сцэне. Адкрыць / каментаваць

2021-09-17 22:43:06 Сапраўды ВАЖНЫ пост для беларускамоўнага кіно!

Як вы маглі бачыць, кожны наш перакладзены ці агучаны праект мае свой беларускамоўны постар.
З гэтым нам дапамагае тэлеграм-канал Кінакіпа!

У канале вы зможаце знайсці серыялы, мультфільмы і фільмы ПА-БЕЛАРУСКУ.
Самы поўны збор.

Больш нідзе ў беларускамоўнай супольнасці няма такога багата выбару, таму хуценька ДАЛУЧАЙЦЕСЯ!
@kinakipaby Адкрыць / каментаваць

2021-09-17 17:00:47 Сябры, давайце знаёміцца з новымі таленавітымі музыкамі!

Iva Sativa сумяшчае хіп-хоп з народнымі спевамі. І атрымліваецца вельмі смачна! Толькі паслухайце яе апошні трэк «Шукала» — гэта цуд!

Калі вам спадабалася песня, то пераходзьце на старонку, каб сачыць за яе творчасцю і прыходзьце на жывыя выступы — там пануе асаблівая атмасфера Адкрыць / каментаваць

2021-09-17 08:40:12 17 верасня 1912 году нарадзіўся беларускі пісьменнік Максім Танк. Самы час узгадаць адзін з найвядомейшых яго вершаў, які ён напісаў у 17 гадоў!

Ты чуеш, брат, як на прадвесні
Вятры, лёд крышучы, гудуць,
Як на сваю радзіму з песняй
Зноў птушкі з выраю лятуць.

Пагоні сілы баявыя,
І вы рыхтуйцеся ў паход,
Каб знішчыў путы векавыя
Наш заняволены народ.

Глядзіце ў будучыню смела!
Настаў доўгачаканы час,
Пад сцягам бел-чырвона-белым
Чакае перамога нас.

Няхай жа меч Пагоні ззяе!
Гартуйма нашу еднасць, моц!
Вядзі нас, Воля прасвятая,
Да новай славы, новых сонц! Адкрыць / каментаваць

2021-09-16 20:30:22 А вы ведалі, што самае папулярнае відэа на нашым ютуб-канале сабрала больш за 3,7 млн праглядаў!

Гэта відэа на песню «Разбуры турмы муры» з кадрамі з перадвыбарчых пікетаў з мінулага году. Давайце яшчэ раз паглядзім гэты кранальны відэашэраг! Адкрыць / каментаваць

2021-09-16 19:05:08 Cёння, 16 верасня, чарговая анлайн-сустрэча ў моўным клубе «Гоман»:



Пачатак а 19.30. Далучайцеся! Тэма сустрэчы: прадукты і ежа. Адкрыць / каментаваць

2021-09-16 15:52:02 Прынт «Вершніца» з’явіўся ў нашай краме яшчэ ў 2015-м годзе і нарабіў тады шмат шуму і спрэчак. А як вы ставіцеся зараз, праз 6 гадоў, да такога выкарыстання Пагоні? Цікавы вашыя думкі!

#гісторыясымбальбай Адкрыць / каментаваць

2021-09-15 14:48:24 …Я далёка цяпер
Ад палескіх раўнін,
А люблю ж я той край,
Бы яго родны сын,
І па ім маё сэрца баліць.

Якуб Колас, 1916 год Адкрыць / каментаваць

2021-09-14 20:10:23 Аператар Сяргей Чырык зняў і захаваў унікальныя кадры 1989-1991 гадоў, якія расказваюць пра падзеі і людзей, дзякуючы якім у 1991 годзе Рэспубліка Беларусь стала незалежнай дзяржавай:



25.06.1989: устаноўчы з'езд БНФ «Адраджэнне» ў Вільні

30.06.1990: канферэнцыя «Незалежнасць Беларусі» ў Мінску

06.07.1990: марш за выжыванне з Гомеля ў Маскву

15.07.1990: мітынг прысвечаны 480 угодкам бітвы пад Грунвальдам

27.07.1990: сустрэча з дэпутатамі Вярхоўнага савету пасля прыняцця Дэкларацыі аб дзяржаўным суверэнітэце БССР

3.11.1990: шэсце і мітынг у Мінску «Дзяды»

07.11.1990: шэсце і антыкамуністычны мітынг у Мінску

14.01.1991: кадры з Вільні пасля трагічных падзей у ноч на 13 студзеня

красавік 1991: масавы страйк працоўных мінскіх заводаў

01.06.1991: Вільня, вяртанне на радзіму праха Івана Луцкевіча

28.06.1991: шэсце ў горадзе Чэрвень «Ігуменскі шлях»

20.08.1991: мітынг супраць ГКЧП у Мінску

24-25.08.1991: мітынгі ў Мінску, абвяшчэнне Незалежнасці Беларусі Адкрыць / каментаваць

2021-09-14 13:59:06 Тыдзень таму адбылася бяда. Згарэла хата вядомай ткачыхі з вёскі Дарапіевічы, якая аднавіла мясцовую тэхніку традыцыйнага ткацтва, выткала шмат рушнікоў, посцілак, аддзення. Усё гэта захоўвалася ў яе доме. Гаспадарка цудам змагла ўратавацца, але амаль увесь скарб згарэў.

Onliner.by завітаў да Сцепаніды і яе дачкі ў госці. Пачытайце цікавы артыкул. Адкрыць / каментаваць

2021-09-14 12:44:08 Роўна 101 год таму, 14 верасня 1920 года, у Менску адкрыўся Беларускі дзяржаўны тэатр (зараз — Нацыянальны акадэмічны тэатр імя Янкі Купалы).

Фота — жнівень, 2020. Адкрыць / каментаваць

2021-09-14 10:10:12 «Героі не паміраюць, яны ў душы нам зазіраюць і ў душах працягваюць жыць».

У гонар дня народзінаў Лявона Вольскага паслухайце песню, прысвечаную ўсім загінулым беларусам. Песня была напісана да стагоддзя БНР, але вельмі актуальна і зараз. Адкрыць / каментаваць

2021-09-14 08:05:13 Сёння свой дзень народзінаў адзначае легендарны беларускі музыка Лявон Вольскі!

Віншуем з народзінамі, зычым творчых поспехаў і, канешне, маштабнага святочнага канцэрту ў Беларусі!

А якія вашыя любімыя песні Лявона? Пішыце ў каментарах! Адкрыць / каментаваць

2021-09-13 13:40:21 Любая мая Зямля-матуля!
Мусіць наша віна існуе здаўна,
Ці зможам зберагчы цябе ад кулі,
Ці адслужым табе спаўна?

Ці загінем, ці ўцячом ганебна,
Як не сорамна, ёсць розныя сыны...
Адным багацце з славаю патрэбны,
А іншым неба балваны...

Ты за дзяцей сваіх маліся,
Неважна ёсць бог, альбо не...
Калі загінем — праслязіся,
Ці ў мірны час, ці на вайне...

Алесь Борскі Адкрыць / каментаваць

2021-09-12 14:08:15 Восень — грыбная пара! І самы час пазнаёміцца з беларускімі назвамі грыбоў. Захоўвайце пост ды збірайце грыбы па-беларуску. Прыемнага ціхага палявання вам!

Крыніца — @lohkaja_mova Адкрыць / каментаваць

2021-09-11 15:50:09 Не бядуй, што сонца нізка,
Што прыходзіць нудны дзень,
Не бядуй, што восень блізка
I на дол кладзецца цень.
 
Не бядуй, што сьнег халодны
Скрые землю ад вачэй:
Не загіне край твой родны
У тэй цемені начэй!
 
Будзе час, і сьнег растане,
Прыйдзе зноў да нас вясна,
Ветла зь неба сонца гляне,
Ачуняе старана.
 
Не бядуй, што цяжка стала
Жыць у вечнай цемнаце,
Што нас доля вечна гнала,
Што жывём у беднаце.
 
Не бядуй, што зьвісьлі хмары,
Што нам сонца не відаць,
Не бядуй, што ўноч пажары
Сталі неба заліваць, –
 
Дымам пойдзе ўсё ліхое,
Ўсё, што душыць нас і гне.
Вер, брат, – жыцьцё залатое
Будзе ў нашай старане.

Якуб Колас, 1907 год. Адкрыць / каментаваць

2021-09-11 00:39:55 А вось так раней выглядаў афіцыйны беларускі дыпламатычны пашпарт. Фота Анатоля Лябедзькі. Адкрыць / каментаваць

2021-09-10 16:16:41 Адкрыць / каментаваць

2021-09-10 10:40:09 З зубром ці з буслом? Адвечнае пытанне нашых пакупнікоў

На жаль, зараз мы не можам пачуць гэтыя пытанні, але мы можам узгадаць нашыя фірмовыя прынты «Край дужых» і «Край вольных» і запытаць: а якія ў вас ёсць рэчы з нашымі бусламі і зубрамі? Напішыце, калі ласка, у каментарах
#гісторыясымбальбай Адкрыць / каментаваць

2021-09-09 20:40:11 У тэлеграм-канала @supermova з'явіўся моўны чат @supermovachat

Там супермоўныя эксперты і філолагі заўжды аператыўна адкажуць на любыя вашыя пытанні датычныя беларускай мовы: правілы, пераклады, граматыка і так далей.

А яшчэ гэта выдатная пляцоўка, дзе вы знойдзеце суразмоўцаў для паляпшэння сваё вуснай і пісьмовай беларускай мовы ды выканання заданняў ад моўнага клубу "Гоман". Адкрыць / каментаваць

2021-09-09 16:20:10 Джым Морысан у вышыванцы. Цяпер вы бачылі ўсё!

А ці ёсць у вашым гардэробе вышыванка? Адкрыць / каментаваць