SYMBAL.BY

2021-11-18 17:39:31 Тэрмін затрымання Паўла Белавуса скончыўся сёння а 14:00. Паўла зноў павезлі ў РУУС. Пакуль ён знаходзіцца яшчэ там, але хутка вернецца назад на Акрэсціна.

Хутчэй за ўсё, заўтра адбудзецца другое судовае паседжанне, але дакладнай інфармацыі пакуль няма. Адкрыць / каментаваць

2021-11-17 15:08:40 Сёння адбыўся суд над Паўлам Белавусам. Яго абвінавачваюць па двух адміністрацыйных артыкулах:

19.11 (першая частка — Распаўсюджванне інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую ​​дзейнасць).

19.12 (незаконны выраб і/або распаўсюджванне методык або іншых матэрыялаў аб спосабах вырабу выбуховых прылад і выбуховых рэчываў).

Справу Паўла адправілі ў РУУС на дапрацоўку. Адкрыць / каментаваць

2021-11-16 13:36:17 Як паведамляе праваабарончы цэнтр «Вясна», Паўла Белавуса затрымалі ўчора за тое, што ён перасылаў на Белпошце кнігу «Беларуская нацыянальная ідэя» Зміцера Лукашука, якую 31 сакавіка гэтага году прызналі экстрэмісцкай.

Меркавана, Паўла будуць судзіць па арт. 19.11 КаАП за распаўсюд экстрэмісцкіх матэрыялаў. Згодна з гэтым артыкулам, пагражае канфіскацыя прадмета, штраф і арышт да 15 сутак. Адкрыць / каментаваць

2021-11-15 16:24:43 Затрымалі Паўла Белавуса.

Сёння яго выклікалі ў міліцыю а 11:00. Пасля гэтага ён не вярнуўся дадому. Зараз Паўла павязуць на Акрэсціна. Адкрыць / каментаваць

2021-11-15 13:32:06 Сёння свой дзень народзінаў адзначае Меліціна Станюта.

Віншуем таленавітую спартсменку, выбітную беларуску і проста сумленнага чалавека. Поспехаў у жыцці і здзяйснення галоўных мараў! Адкрыць / каментаваць

2021-11-14 20:20:15 Знаёмцеся, гэта Зюзя. Бог зімы і міфалагічная істота. Звычайна прыходзіць да Калядаў, але можа завітаць і раней.

Жыве Зюзя ў лясах, але часам заходзіць у вёскі, асабліва на Палессі. Паводле адных легенд, каб прынесці туды моцныя маразы, калі верыць іншым — наадварот, каб дапамагчы жабракам, старым і дзецям не змёрзнуць.

Надвор’е падказвае, што ў бліжэйшыя часы пра Зюзю будзе шмат хто ўзгадваць Адкрыць / каментаваць

2021-11-14 18:19:53 Традыцыйна запрашаем у выходныя паглядзець новы выпуск «Бусь Беларусь», ужо восьмы:



Гэтым разам нечаканы ўсход Беларусі: Мсціслаў, Белая Царква, Стражэвічы. Адкрыць / каментаваць

2021-11-13 15:19:49 Юрый Дудзь на сваёй старонцы апублікаваў кавалак песні Паліны «Месяц» на беларускай мове. А вы ўжо слухалі гэтую чароўную песню? Адкрыць / каментаваць

2021-11-12 20:23:43 Вось такія пешаходныя пераходы з’явіліся ў некаторых гарадах Украіны. Як вам?

Гук — не арыгінал. Але можа ў Беларусі калі-небудзь з’явіцца такое ноў-хаў?) Адкрыць / каментаваць

2021-11-11 20:07:12 Сёмы занятак у моўным клубе «Гоман» па тэме «Надвор'е і колеры»:



Хто колькі заняткаў з сямі паглядзеў, прызнавайцеся. Пішыце ў каментарах. Адкрыць / каментаваць