SYMBAL.BY

2022-09-01 11:59:03 Ніколі зноў!

1 верасня 1939 г. пачалася Другая сусветная вайна. Яна стала самым буйным узброеным канфліктам у гісторыі чалавецтва. У ёй удзельнічалі 62 дзяржавы з 74, якія існавалі на той момант. Баявыя дзеянні вяліся на тэрыторыі Еўропы, Азіі і Афрыкі і ў водах усіх акіянаў. Гэта адзіны канфлікт, у якім ужывалі ядзерную зброю.

Мы памятаем пра ахвяры Другой сусветнай вайны і не хочам, каб такія трагедыі паўтараліся.

Рэчы з кветачкай маку – пазнавальным ва ўсім свеце сімвалам памяці – цяпер можна замовіць на Redbubble: https://www.redbubble.com/shop/ap/106698118 Адкрыць / каментаваць

2022-08-22 23:02:17 Сёння палітвязню, заснавальніку SYMBAL.BY Паўлу Белавусу — 35 гадоў. Свой дзень народзінаў ён сустракае за кратамі. Адкрыць / каментаваць

2022-08-10 21:13:22 На заснавальніка SYMBAL.BY Паўла Белавуса «павесілі» новы артыкул — «здрада дзяржаве». Пра гэта паведаміў набліжаны да сілавікоў тэлеграм-канал.

Як сцвярджаюць аўтары канала, Павел быццам бы «прапагандаваў ідэю польскага свету» і «дапамагаў каардынаваць дзейнасць, скіраваную на захоп улады».

Санкцыя артыкулу прадугледжвае ад сямі да пятнаццаці гадоў пазбаўлення волі.

Нагадаем, заснавальніка SYMBAL.BY і культурніцкага менеджара Паўла Белавуса затрымалі 15 лістапада 2021 года пасля выкліку ў міліцыю. Пасля яго тройчы судзілі па адміністратыўных артыкулах, а пазней перавялі ў СІЗА ўжо па крымінальнай справе па арт. 342 КК (Удзел у групавых дзеяннях, якія груба парушаюць грамадскі парадак).

Напішыце ліст Паўлу Белавусу:
СІЗА-1, 220030, г. Мінск, вул. Валадарскага, 2. Адкрыць / каментаваць

2022-07-10 20:24:28 Валошкі — гэта любоў

Цішоткі, торбы, кубкі, чахлы ды яшчэ шмат іншых тавараў з новым прыгожым патэрнам замаўляйце на Redbubble: https://www.redbubble.com/shop/ap/116378752 Адкрыць / каментаваць

2022-06-07 18:25:59 Гэта база! Сустракайце новы гістарычны падкаст, каб даведацца:

Ці сапраўды Полацкая зямля — першая беларуская дзяржава?

Што давала ёй права не падпарадкоўвацца Кіеву?

Адкуль прыплыў Рагвалод і навошта?

Якія дасягненні Полацкага княства ўвабрала ў сябе сучасная Беларусь?

На ўсе гэтыя пытанні адказвае даследчык Сяргей Емельянаваў
Раім паглядзець


Адкрыць / каментаваць

2022-06-07 16:31:05 Прыйшло лета - час цішотак! + БОНУС

У нашай краме на Redbubble можна набыць самыя розныя цішоткі. У наяўнасці больш за 50 дызайнаў, якія можна надрукаваць на цішотках розных колераў, памераў і мадэляў. Ёсць жаночыя, мужчынскія, дзіцячыя, вольныя і прыталеныя, шчыльныя і лёгкія, якія пасуюць пад любы клімат: https://symbal-by.redbubble.com/

Такой свабоды выбару не было ніколі!
Хуткая дастаўка па ўсім свеце

На першую замову можна атрымаць зніжку -20%. Проста зарэгіструйцеся на Redbubble і прома-код прыйдзе вам на электронную пошту

Набывайце цішоткі зараз, выкладайце фота ў сацсеткі і пазначайце нашым хэштэгам #symbalby. Нам будзе прыемна Адкрыць / каментаваць

2022-06-07 10:10:57 Паўла Белавуса перавялі ў іншую камеру

Цяпер ён знаходзіцца ў камеры №17 і яго можна падтрымаць не толькі лістамі. Таксама ёсць магчымасць даслаць Паўлу грошы на рахунак СІЗА, каб ён мог выпісываць газеты і на «атаварку» (набыць неабходныя рэчы і прадукты ў турэмнай «краме»).

Зрабіць паштовы перавод можна на любым паштовым аддзяленні.

Рэквізіты СІЗА (СІЗА-1, Мінск:
УНП: 100744291
BIC: BAPBBY2X
IBAN: BY52BAPB36429197000200000000)
Прызначэнне плацяжа: для асабістых патрэбаў зняволенага\для личных нужд заключенного.
Асабістыя дадзеныя — Белавус Павел Мікалаевіч).

Адрас для лістоў: СІЗА-1, 220030, г. Мінск, вул. Валадарскага, 2.

І памятайце, у салідарнасці — наша моц Адкрыць / каментаваць

2022-05-06 20:45:13 Старадаўнія беларускія мемы!

Мы сабралі для вас самыя смешныя ды цікавыя прымаўкі і прыказкі.

Ціснеце падабайку ды дасылайце сябрам Адкрыць / каментаваць

2022-05-05 13:11:19 Соня Белавус чытае «Неверагодны свет» — кнігу з найпрыгажэйшымі ілюстрацыямі і найцікавейшымі загадкамі!

А вы ўжо набылі сваім дзеткам?

Замовіць можна тут Адкрыць / каментаваць

2022-04-26 19:43:37 Новы верш Паўла Белавуса — «Шчыра»

Непазбежна — навальніца!
У святле маланак твар.
Патаемная крыніца
запаліла ў небе жар.

Я не плачу — гэта неба
Дорыць слёзы мне свае.
Дзе хавацца? Бегчы трэба!
Чуеш, як маланка б'е?

Палічы да пяці і грымота
Разарве цішыню над зямлёю —
Гэта шчыра злуецца прырода,
Б'е маланка ўсмешкай крывою.

Там дзе шчыра — там кветкі ў полі
Навальніца падорыць світанку.
А хлусня, ты чуеш, ніколі
Не адолее ў бітве маланку.

Бі маланка, лупі да знямогі
Ўсіх вар'ятаў без жалю, без слоў,
Што так прагнуць сваёй перамогі
І не бачаць святло — толькі кроў.

Змые дождж і вар'ятаў, і катаў,
І шляхі ў наш сонечны гай,
Там узыйдзе чабор замест кратаў.
Чуеш пах? Гэта ён! Родны край.
#вершыбелавуса

Сябры, падтрымайце Паўла лістамі: СІЗА-1, 220030, г. Мінск, вул. Валадарскага, 2. Адкрыць / каментаваць

2022-04-26 16:28:59 26 красавіка 1986 года здарыўся Чарнобыль. Быль і боль Беларусі.

Прыгадваем вытрымкі з «Чарнобыльскай малітвы» Святланы Алексіевіч.

Таксама шчыра раім прачытаць кнігу цалкам. Гэта дазволіць «пабываць» у Чарнобылі на піку катастрофы без шкоды для здароўя. Адкрыць / каментаваць

2022-04-24 13:20:54 Са светлым святам! Віншуем усіх вернікаў, хто адзначае сёння Вялікдзень

У допісе расказваем пра беларускія велікодныя традыцыі і адну з версій, чаму чырвоныя яйкі — найбольш распаўсюджаны сімвал свята.

А ў каментарах напішыце, якія велікодныя традыцыі ёсць у вашай сям'і Адкрыць / каментаваць

2022-04-22 21:18:28 «Рабі нечаканае, рабі як не бывае, рабі, як не робіць ніхто, — і тады пераможаш!» — культавая цытата Уладзіміра Караткевіча з аповесці «Ладдзя Роспачы».

Рэчы з гэтай фразай зноў можна набыць праз сайт redbubble.com. Адзначым, што цытата нанесена прынтам, а не вышыўкай.

Як зрабіць замову?
Пераходзьце па спасылцы — абірайце дызайн — патрэбную рэч і памер — дадавайце ў кошык — абірайце краіну дастаўкі — аплочвайце. І чакайце падарункі!

Калі ў вас узнікнуць пытанні — задавайце ў каментарах! Адкрыць / каментаваць

2022-04-21 11:56:34 Сумная навіна. Памёр беларускі паэт Анатоль Вярцінскі.

Яму было 90 гадоў.

Прыгадваем яго паэзію, надзвычай актуальную сёння:

Было ў салдата два полі,
поле, дзе кветкі ірваў,
бегаў з сябрамі на волі,
і поле, дзе ён ваяваў.

Ціха было і чыста
У полі яго дзяцінства,
былі агонь і дым
на полі ратным тым.

Два полі было ў салдата.
Адно зелянела травой,
другое было ўзарата
вайной і паліта крывёй.

Было ў салдата два полі,
поле, дзе кветкі збіраў,
бегаў з сябрамі на волі,
і поле, дзе ён паміраў.

Шчырыя спачуванні сям'і, блізкім і ўсім прыхільнікам творчасці Анатоля Ільіча. Адкрыць / каментаваць

2022-04-16 17:42:18 Прывучаем дзетак да роднай мовы з дзяцінства разам з новай цудоўнай кнігай «Неверагодны свет»!

Гэта сапраўды ўнікальная кніга з загадкамі і чароўнымі ілюстрацыямі. У ёй — 180 загадак-рыфмаванак аўтарства Юрыя Несцярэнкі пра наш неверагодны беларускі свет.

Кошт — 22 рублі. Магчымая дастаўка як па Беларусі, так і за мяжу.

Замовіць кнігу!

Таксама паглядзіце рэцэнзію ад Лізы Ветравай Адкрыць / каментаваць

2022-04-14 10:20:24 Мы пачалі атрымліваць ад вас першыя водгукі на рэчы з нашымі прынтамі, якія мы зноў пачалі прадаваць!

Вось што піша нашая падпісантка:

«Прыходзіць нечакана хутка: рабіла некалькі замоў ў Стакгольм, прыемна здзіўлена тым, як хутка атрымала рэчы ўсе тры разы.
Усе зразумела на веб сайце, інфармацыя пра памеры добрая — і байка, і дзве розныя цішоткі, і пуловер — усё падыйшло.

Спачатку было ўражанне, што якасць прынта у symbal.by была нашмат лепшай, але праз некалькі дзён я прывыкла, што прынты крыху іншыя і цалкам якасцю задаволеная. Байка ўжо дзве сціркі перажыла выдатна, без нараканняў.

Замаўляла таксама рэчы з дызайнам «Хто шукае, той знаходзіць» — там якасць проста цудоўная атрымалася!
Буду замаўляць яшчэ цішотку з буслом, абавязкова!

Вельмі класна, что дарагі @symbalby аднаўляе працу »

Сябры, нагадаем, што рэчы з нашымі прынтамі вы можаце набыць праз сайт redbubble.com. Замаўляйце, атрымлівайце цудоўныя падарункі ды пакідайце водгукі Адкрыць / каментаваць

2022-04-13 14:07:40 Новы моцны верш Паўла Белавуса з-за кратаў!

Тут няма ні сваіх, ні чужых,
Як праклён кожны носіць свой боль,
Як удар, што патрапіў пад дых,
Памнажаючы праўду на ноль.

Тут надзея, як грукат трамвая,
Што бяжыць праз штодённы палон:
Ці дарога дадому чакае,
Ці на рэйках расплюшчыць вагон.

Не схаваць тут свайго недаверу,
Не ўбачыць пяшчоты ў вачах,
Бо адныя будуюць кар’еру,
А другія рыхтуюць замах.

Тут сяброўства, як дым цыгарэты.
Дым знікае, бычок — у вядро.
Тут ня варта расказваць сакрэты.
І даверліва верыць у дабро.

Грэе кубачак цёплай гарбаты,
Шум з вакна на сустрэчу заве.
Калі шлях да свабоды закрыты,
Пабудуй гэты шлях у галаве.
#вершыбелавуса

Сябры, напішыце Паўлу і пакіньце свае водгукі на ягоныя вершы!
Адрас для лістоў: СІЗА-1, 220030, г. Мінск, вул. Валадарскага, 2. Адкрыць / каментаваць

2022-04-08 18:47:50 Сумавалі па нашых зубрах і буслах?

Зараз у вас зноў з’явілася магчымасць набыць рэчы з самымі папулярнымі дызайнамі @symbalby: цішоткі, світшоты, кубкі, маскі, торбы, заплечнікі — на любы густ!

Заходзьце па на сайт redbubble.com ды абірайце рэчы з гэтымі ды іншымі дызайнамі з дастаўкай па ўсім свеце (па Беларусі таксама дзейнічае).

Цяпер у нас няма магчымасці самастойна вырабляць рэчы, таму гэты сайт — аптымальная магчымасць, каб даць другое жыццё нашым дызайнам і парадаваць вас файнымі падарункамі, у якой частцы свету вы б цяпер ні знаходзіліся.

Калі ў вас узнікнуць пытанні, як зрабіць замову, задавайце іх у каментарах! Адкрыць / каментаваць

2022-04-06 18:57:16 «Украіна, мы з табой!» — адзін з першых нашых дызайнаў, які з’явіўся ў краме @symbalby яшчэ 8 гадоў таму!

А зараз у вас з’явілася магчымасць зноў набыць мноства рэчаў з гэтым дызайнам: цішоткі, світшоты, кубкі, стыкеры, торбы — усяго больш за 60 відаў тавараў!

Заходзьце па гэтай спасылцы на сайт redbubble.com ды абірайце рэчы з гэтымі ды іншымі дызайнамі з дастаўкай па ўсім свеце (па Беларусі таксама дзейнічае).

Па зразумелых прычынах мы зараз не можам самастойна вырабляць рэчы, таму гэты сайт — аптымальная магчымасць, каб даць другое жыццё нашым дызайнам і парадаваць вас файнымі падарункамі, у якой частцы свету вы б зараз ні знаходзіліся.

Частка сродкаў пойдзе на дапамогу сям’і Паўла Белавуса.

Калі ў вас узнікнуць пытанні, як зрабіць замову, задавайце іх у каментарах! Адкрыць / каментаваць

2022-03-02 19:53:20 Беларускае сэрца зараз разрываецца болем за дзве краіны Адкрыць / каментаваць

2022-02-27 21:00:59 Украіна, молімся за цябе. Мы — разам! Не вайне!

Малюнак — Вольга Якубоўская. Адкрыць / каментаваць

2022-02-24 14:48:30 Вайна не патрэбная ні нам, ні суседзям Адкрыць / каментаваць

2022-02-22 17:23:06 У Мінску падчас рэканструкцыі кінатэатра «Перамога» пад гіпсакардонам знайшлі вось такую карціну!

На месца запрасілі спецыялістаў, каб высветліць, ці ўяўляе яна мастацкую каштоўнасць. Адкрыць / каментаваць

2022-02-21 21:02:02 Уявіце, што беларуская мова знікла ў нашай краіне. Што атрымаецца — паглядзіце ў роліку ад «Годна». Сапраўдны фільм жахаў!

Каб такога не здарылася — размаўляйце часцей на роднай мове! Будзе мова — будзе Беларусь! Адкрыць / каментаваць

2022-02-21 18:02:05 З Днём роднай мовы, сябры!

Давайце часцей размаўляць па-беларуску. Бо як казалі нашыя класікі, «не пакідайце ж мовы нашай беларускай, каб не ўмёрлі» ці «будзе мова — будзе Беларусь!»

Давайце размаўляць па-беларуску не толькі сёння, а кожны дзень. Для пачатку — хаця б па некалькі словаў. Зараз асабліва важна надаваць больш увагі нашай культуры і мове.

І распавядзіце, калі ласка, як часта вы размаўляеце па-беларуску і ці часцей пачалі ўжываць родную мову апошнім часам? Адкрыць / каментаваць

2022-02-20 22:42:26 Вось так будзе выглядаць помнік Якубу Коласу ў Стоўбцах.

Яго плануюць усталяваць сёлета ў гонар 140-годдзя з дня нараджэння класіка беларускай літаратуры. Сам Якуб Колас нарадзіўся ў вёсцы Акінчыцы, якая зараз знаходзіцца ў межах Стоўбцаў. Як вам такі помнік? Адкрыць / каментаваць

2022-02-20 16:24:40 Дзень роднай мовы ўжо заўтра!

А ў тэлеграме з'явіліся стыкеры, якімі вы можаце павіншаваць сяброў і знаёмых (і незнаёмых таксама )

Пампуйце тут: https://t.me/addstickers/drm2022 Адкрыць / каментаваць

2022-02-17 14:58:58 «Я галоўны тут змагар»

Павел Белавус працягвае дасылаць вершы!

Сябры, напішыце Паўлу ліст: СІЗА-1, 220030, г. Мінск, вул. Валадарскага, 2

Калі атрымліваеце адказы, просім дасылаць нам іх на hodnaby@gmail.com

Асабліва, калі гэта #вершыбелавуса

Загадзя дзякуем! Адкрыць / каментаваць

2022-02-17 13:15:02 Павел Белавус даслаў новы чароўны верш — на гэты раз пра буслоў і не толькі!

«Мой родны кут — дай суперкрылы,
Ляцець буслом за небасхілы,
Праз завірухі ды праз хмары,
Шукаць, згубіліся дзе мары.

Хто іх згубіў? Дзе заблукалі?
Куды зляцелі? Што шукалі?
Буслы не зменяць накірунку.
Ляцяць! Не просяць паратунку.

Лаві! Хапай чырвонай дзюбай,
Нясі дадому — Радзіме любай,
Там недзе ёсць і мая мара,
Вяртай, каб болей не знікала».
#вершыбелавуса

Сябры, падтрымайце Паўла лістамі. Мінск, СІЗА-1, вул. Валадарскага,2. 220030. Адкрыць / каментаваць

2022-02-14 19:11:45 Сябры, мы запускаем у эфір наш новы праект «Сэкс па-беларуску».





Гэта апавяданні-развагі маладой гарадской беларускі пра старажытныя і сучасныя інтымныя традыцыі беларусаў – для развіцця гарманічнага здаровага грамадства. Гераіня-вядучая шукае культурны код беларусаў праз сэксуальную лексіку і традыцыі.

Першы выпуск прысвечаны назвам палавых органаў і не толькі ;)

Вядучая — Ліза Ветрава
Інстаграм.
Тыкток.

Сэкс — гэта тое, што існуе ў жыцці кожнага здаровага чалавека і заўсёды прысутнічала ў жыцці беларусаў са сваімі традыцыямі і гісторыяй. Таму «пра гэта» варта размаўляць. Адкрыць / каментаваць