Радыё Свабода — Беларусь

2023-06-09 18:21:27 «Кібэрпартызаны» заявілі, што ўзламалі сайт спартовага выданьня «Прессбол».

У 2021-м з газэты звольніўся яе заснавальнік і журналіст, які працаваў у ёй ад першага нумара. З таго часу выданьне перастала пісаць пра спартоўцаў, якія выказаліся супраць гвалту і рэжыму Лукашэнкі.

Станам а 18:20 сайт pressball.by недасяжны Адкрыць / каментаваць

2023-06-09 17:40:10 Ці сапраўды колькасьць дактароў у Беларусі істотна павялічылася за апошнія тры гады? Расказваем, як улады маніпулююць лічбамі ў мэдычыне

Прадстаўнікі Беларускага фонду мэдычнай салідарнасьці прааналізавалі адкрытыя і закрытыя крыніцы і знайшлі супярэчнасьці ў афіцыйных лічбах за 2019— 2022 гады. Пра рэальную сытуацыю з мэдычнымі кадрамі гаворым з адной з аўтараў расьсьледаваньня, прадстаўніцай Беларускага фонду мэдычнай салідарнасьці Лідзіяй Тарасенкай.

https://smarturl.click/qAMp Адкрыць / каментаваць

2023-06-09 16:40:12 У МУС і пракуратуры адказалі на запыты пра стан і месцы знаходжаньня Бабарыкі

Беларусы праз пэтыцыю спыталі ў МУС і пракуратуры, дзе знаходзіцца і як сябе адчувае былы прэтэндэнт на пасаду прэзыдэнта Беларусі Віктар Бабарыка, пра якога няма інфармацыі ўжо больш за месяц. У калектыўным звароце да сілавых структур грамадзяне пацікавіліся ў тым ліку, чаму да Бабарыкі не дапускаюць адваката і зь якой прычыны палітвязьня накіравалі ў лячэбную ўстанову.

У пракуратуры Віцебскай вобласьці людзям параілі зьвярнуцца ў абласны Дэпартамэнт выкананьня пакараньняў. А там не захацелі разглядаць зварот на сутнасьці.

Фота: Reuters Адкрыць / каментаваць

2023-06-09 15:49:44 Адсутнасьць кіраўніка, нявыплата заробкаў. У чым канфлікт удзельнікаў ByPol Азарава і Купрэйчыка

Аляксандар Азараў заяўляе, што выключыў з ByPol Мацьвея Купрэйчыка і яго паплечнікаў, Купрэйчык — што выключыў Азарава і яго паплечнікаў. Аб’яднаны пераходны кабінэт праводзіць праверку.

Паспрабавалі разабрацца ў сытуацыі і пагутарыць з удзельнікамі канфлікту:

https://smarturl.click/w3Ay Адкрыць / каментаваць

2023-06-09 15:04:19 Пуцін на сустрэчы з Лукашэнкам сказаў, што разьмяшэньне ядзернай зброі ў Беларусі пачнецца адразу ж пасьля завяршэньня падрыхтоўкі збудаваньняў для яго. То бок гэта адбудзецца пасьля 7-8 ліпеня.

Фота: Reuters Адкрыць / каментаваць

2023-06-09 14:56:00 Вугоршчына ў абыход Кіева прыняла з Расеі групу ўкраінскіх ваеннапалонных вугорскага паходжаньня

Віцэ-прэм’ер Вугоршчыны заявіў, што гэта быў «жэст Расейскай праваслаўнай царквы ў адрас Будапэшта».

Групу ўкраінскіх ваеннапалонных з Закарпацьця даставілі 8 чэрвеня ў Вугоршчыну на просьбу гэтай краіны. Адзінаццаць украінскіх ваеннапалонных вугорскага паходжаньня маглі быць адпраўленыя ў Вугоршчыну бязь ведама Кіева. Гэтую інфармацыю пацьвердзіў вугорскі віцэ-прэмʼер Жолт Шэмʼен.

Са спасылкай на крыніцы выданьне РБК Украіна піша, што рашэньне не было ўзгодненае з Украінай. Пасярэднікам выступіла Вугорская мальтыйская дабрачынная служба.

Кіеў пакуль не камэнтуе гэтага выпадку. Адкрыць / каментаваць

2023-06-09 13:58:12 Літовец расказаў пра няўдалую спробу заехаць у Беларусь: задавалі пытаньні пра Лукашэнку, Пуціна і вайну

Апошнім часам на беларускай мяжы ўсё пільней правяраюць людзей, якія ўяжджаюць у краіну. У чалавека там могуць папрасіць паказаць тэлефон, адсканаваць замежны дазвол на жыхарства. Некаторых людзей затрымліваюць проста на мяжы, але ёсьць і тыя, каго не ўпускаюць у краіну, і сярод іх ня толькі беларусы.

Літовец Вітаўтас ехаў у Беларусь у траўні, каб наведаць Горадню і Менск. Але яго падарожжа скончылася ў пункце пропуску.

https://smarturl.click/7YR7 Адкрыць / каментаваць

2023-06-09 13:02:51 Лагойск застаўся амаль без вады праз засухі, праблему ня могуць вырашыць тры дні

Большая частка Лагойска з 7 чэрвеня застаецца без вады. Напор стаў падаць увечары 6 чэрвеня, а раніцай наступнага дня вада зьнікла цалкам, паведамляла мясцовае выданьне Logoysk.by. Высьветлілася, што пырчынай стала засуха.

Аднавіць водазабеспячэньне абяцалі на працягу сутак, адна да сёньня прабелему не вырашылі

https://smarturl.click/2Y4Z Адкрыць / каментаваць

2023-06-09 12:12:10 У МЗС Ізраіля асудзілі прызначэньне Гігіна на пасаду дырэктара Нацыянальнай бібліятэкі Беларусі

У справаздачы Міністэрства дыяспары аб ацэнцы антысэмітызму за 2021 год Вадзім Гігін згадваецца як чалавек, які спрыяў выдаленьню габрэйскай памяці, падкрэсьлілі ў МЗС Ізраіля.

У МЗС Ізраіля адзначылі, што падстаў для для прызначэньня такой асобы, як Вадзім Гігін, на пасаду дырэктара Нацыянальнай бібліятэкі Беларусі няма:

«У сьвятле яго антысэміцкіх заяў і адмаўленьні Галакосту з розных нагодаў у мінулым, у справаздачы Міністэрства дыяспары аб ацэнцы антысэмітызму за 2021 год Вадзім Гігін згадваецца як чалавек, які спрыяў выдаленьню габрэйскай памяці, якая зьяўляецца неад’емнай часткай памяці аб Галакосьце», — гаворыцца ў заяве прэс-сакратара Міністэрства замежных спраў Ізраіля Ліёра Хаята. Адкрыць / каментаваць

2023-06-09 11:51:26 Міністэрства культуры звальняе аднаго з найбольш вядомых музэйных кіраўнікоў — генэральнага дырэктара Нацыянальнага мастацкага музэю Ўладзімера Пракапцова.

Пра гэта піша Reform.by са спасылкай на крыніцу з культурніцкіх колаў

Сёлета ў жніўні генэральнаму дырэктару Нацыянальнага мастацкага ў жніўні споўніцца 70 гадоў. Афіцыйнай прычынай непрацягненьня кантракту стаў узрост.
Уладзімір Пракапцоў займаў пасаду кіраўніка Нацыянальнага мастацкага музэю 25 гадоў. Яго вядомым праектам стала стварэньне музэйнага кварталу. У 2021 годзе па вуліцы Карла Маркса, 25 у Менску адкрылі новы корпус Нацыянальнага мастацкага музэю, а ў корпусе на Кірава, 25 у новых умовах запрацавалі майстэрні рэстаўратараў, навуковая бібліятэка і фондасховішча. Адкрыць / каментаваць