Лёгкая Мова

2021-06-26 21:42:25 КПÍНЫ (kpiny)
(назоўнік)

Злыя, абразьлівыя жарты, насьмешкі з каго-, чаго-н.

Платон Астапавіч ведаў характар сваёй дачкі: яшчэ дзяўчынкай яна ня раз сваімі кпінамі і крытыкай выводзіла яго з цярпеньня. (Шамякін).
І сьмех там быў, былі і жарты, і кпіны едкія, і злосьць. (Колас).
#словы_К Адкрыць / каментаваць

2021-06-24 20:50:16 Ну як, сябры, стаміліся ад такога сквару?

СКВАР (skvar)
(назоўнік, мужчынскі род)

Размоўнае слова: сьпёка, гарачыня.

Аблачок наплыў, і сквар прапаў. (Барадулін).
#словы_С Адкрыць / каментаваць

2021-06-23 09:06:34 Дабрыдзень, сябры! Зычым плённага дня і добрага настрою!

ВЭ́ЛЮМ (velum)
(назоўнік, мужчынскі род)
⠀
Кавалак тонкай празрыстай тканіны, прымацаваны да вянка або жаночага капелюша; зьяўляецца часткай жаночага шлюбнага (белы) або жалобнага (чорны) убору.
⠀
Нявеста была як нявеста: у беласьнежным вэлюме, зь вянком, з букецікам белых красак на грудзях. (Лынькоў).
(у пераносным значэньні): Два дні неба над пасёлкам было зацягнута хмарамі. Яны ахуталі шэрым вэлюмам вяршаліны гор. (Бяганская).
#словы_В Адкрыць / каментаваць

2021-06-22 09:43:24 У Інстаграме нас ужо 30 тысяч! Дзякуй, родненькія, за неймаверную падтрымку! Падабайкі і вялізарны дзякуй кожнаму з Вас
#словы_П Адкрыць / каментаваць

2021-06-21 17:18:39 АБЕ́РУЧ (abieruč)
(прыслоўе)
⠀
1. Абедзьвюма рукамі (абхапіць, узяць што-н.).
⠀
Павёў доктар пана ў лазьню, пасадзіў на палон ды загадаў трымацца аберуч за жэрдку. (Якімовіч).
⠀
2. Папераменна, то ў адной, то ў другой руцэ (несьці што-н.).
⠀
Марынка аберуч несла гэтую торбу.
⠀
3. Разам.
⠀
Той зімой восем чалавек жылі аберуч з намі ў нашай хаце.
#словы_А Адкрыць / каментаваць

2021-06-21 09:19:31 ХÁБАР (сhabar)
(назоўнік, мужчынскі род)

Грошы або рэчы, што даюцца каму-н. як подкуп з мэтаю атрыманьня пэўнае выгады; барыш.

Часта прыяжджалі акцызьнікі, правяралі градусы гарэлкі і бралі ў карчмара хабар. (Бядуля).
Калі трапляўся наведвальнік скупы на хабар, то Рабушка цягнуў справу так, што таму моташна рабілася. (Новікаў).
І толькі той для Жука блізкі сябар, хто дасьць у лапу хабар. (Крапіва).
#словы_Х Адкрыць / каментаваць

2021-06-19 11:58:02 З народзінамі, Васіль!

Васіль Быкаў (19.06.1924 — 22.06.2003).
#цытаты Адкрыць / каментаваць

2021-06-17 13:51:17 На дварэ цудоўнае надворʼе і самы час разнасьцежваць вокны

РАЗНАСЬЦЕ́ЖЫЦЬ (raznaściežyć)
(дзеяслоў | закончанае трываньне)
⠀
Адчыніць насьцеж (дзьверы, вокны).
⠀
У непрыбраным пакоi было пыльна i душна, таму ён адразу разнасьцежыў акно. Адкрыць / каментаваць

2021-02-01 23:06:27 СПÓЛАХ / СПАЛÓХ (spałoch)
(назоўнік, мужчынскі род)

1. Раптоўнае адчуваньне страху.

Цёмна-сінія вочы дзяўчыны ад спалоху зрабіліся вялікія і яшчэ больш сінія. (Грамовіч).

2. Перапалох, агульная нечаканая трывога, хваляваньне.

Жанчыны — ў голас, узьнялі спалох, Пачуўшы, што склікае сваякоў Гарыдавец. (Танк).
Прыйшлося за.. [птушкамі] бегаць, ганяцца, падняўся шум, гвалт, ад гэтага яшчэ большы спалох. (Маўр).
#словы_С Адкрыць / каментаваць

2021-01-31 22:08:34 ГАСЬЦÍНА (haścina)
(назоўнік, жаночы род)
⠀
1. Зборны назоўнік: госьці.
⠀
Па бяседзе.. уся гасьціна высыпала на двор. (Вітка).
⠀
2. Прыём гасьцей, частаваньне.
⠀
Усяго стаяла досыць для гасьціны: Нават мёд быў і чмяліны і пчаліны. (Багдановіч).
⠀
3. Знаходжаньне ў гасьцях, гасьцяваньне.
⠀
Два дні і дзьве ночкі Быў Іван у гасьціне, — У тузе-сумоце Пакінуў дзяўчыну... (Чарот).
#словы_Г Адкрыць / каментаваць