Беларуская Рада культуры

2023-03-08 13:42:02 Сябры, нагадваем вам, што ўжо хутка — першы дэдлайн праекта #ArtpowerBelarus!

12 сакавіка у 23.59 па мінскім часе мы спыняем першы раўнд прыёму заявак на мідзі-гранты.

Падаць заяўку на мідзі-грант і адтрымаць ад 5 да 60 тыс. еўраў на праект.

Частыя пытанні пра мідзі-гранты

Задаць пытанне заўсёды можна праз resource@byculture.org

Глядзіце зварот нашай прадстаўніцы Рэсурснага цэнтра Эліны Калнібалоцкай у кружочку. Адкрыць / каментаваць

2023-03-07 16:24:29 #магчымасці тыдня:

Стыпендыяльная праграма для тых, хто знаходзіцца ў Беларусі, ад @freebelaruscenter.

Оўпэнкол для творцаў у выгнанні, якія працуюць з рознымі медыя. Праект platformB прапануе лічбавую сцэну для абмену і падтрымку праектаў.

Да 15 сакавіка дасылайце заяўкі на ўдзел у семінары "Канструяванне і эфектыўная прэзентацыя гісторыі захавання культурнай спадчыны Беларусі". У Вільню запрашаюцца эксперты і энтузіясты ў галіне папулярызацыі гісторыі.

Заяўкі на ўдзел у конкурсе грантаў для адукацыйных праектаў чакаюцца да 20 сакавіка. Усе падрабязнасці — на канале "Васьміног".

Творцы ўсіх напрамкаў запрашаюцца на рэзідэнцыю ў Грузію. Падрабязнасці.

Нагадаем, што па праграме мабільнасці #ArtpowerBelarus вы можаце атрымаць гранты на паездкі, неабходныя для працы і навучання. Уся інфармацыя тут.

Далучайцеся да абмеркаванняў праектаў для культурніцкіх дзеячаў. 10 сакавіка ПРАЕКТАР правядзе онлайн-пітчынг "Перфарматыўныя праекты" (рэгістрацыя на ZOOM). Чакаюцца заяўкі на наступныя пітчынгі. Адкрыць / каментаваць

2023-03-03 17:15:00 Рэсурсны цэнтр у эфіры:

Сябры! Напэўна, кожны і кожная, хто рыхтуе заяўку для праекта #ArtpowerBelarus, задае сабе гэта пытанне: "Ці гатовы да рэалізацыі мой праект?".

Мы вырашылі зрабіць адмысловы тэст, каб дапамагчы вам упэўніцца, што ўсё гатова або выявіць магчымыя хібы ў творчым праекце, які вы рыхтуеце (і адразу ж падказаць, як іх выправіць!)

Усё проста:

Адкрываеце тэст
Адказваеце на пытанні
Атрымліваеце вынік! (Дзяліцеся ў каментарах — нам цікава!)

Нагадваем, што ўжо хутка першы дэдлайн: 12 сакавіка мы завершым першы збор праектаў на мідзі-гранты.

Уся інфармацыя пра праекты і праграму мабільнасці на нашым сайце.

Калі вам нешта незразумела і патрэбная кансультацыя, заўсёды можна напісаць на resource@byculture.org і атрымаць адказ на сваё пытанне.

Таксама глядзіце "Частыя пытанні" на нашым сайце.

Застаемся на сувязі!

#ArtPower_пытанні Адкрыць / каментаваць

2023-03-02 18:01:39 Марк Шагал — беларускі мастак! І мы можам разам патлумачыць гэта свету.

Нядаўна мы заклікалі дасылаць нам прыклады некарэктных подпісаў, якімі замежныя пляцоўкі пазначаюць #art_born_Belarus.

У рэакцыях прадказальна пераважаюць згадкі хіба найвядомейшага нашага мастака Марка Шагала. З яго і пачнем.

На здымку — подпіс да карціны "Любоўнікі", які быў заўважаны нашай чытачкай у музеі мастацтваў LACMA ў Лос-Анджэлесе. "Born in Russia" як прысуд. У апісанні — "казачныя дэталі расійскага горада праз акно пакоя ў Віцебску". Яно паўтарае тэкстоўку Метраполітан-музея, калекцыі якога "Любоўнікі" належаць.

Сустракаеце падобную крыўдную памылку? Заклікаем дзейнічаць!

Тут аргументацыя ад мастацтвазнаўцы, чаму Марк Шагал — беларускі мастак.

Тут можна спампаваць шаблон ліста, каб ад сябе, суполкі ці дыяспары накіраваць у музей з просьбай перагледзець подпіс да твора.

Даслалі? Дзяліцеся з намі!

Зладзім магутную кампанію адвакацыі беларускага мастацтва за мяжой разам! Адкрыць / каментаваць

2023-03-02 10:10:14 Ужо сёння — першы онлайн-пітчынг digital-праектаў для беларускай культуры.

Далучайцеся да абмеркавання ў 19:00 па Мінску. Можна проста паслухаць або падзяліцца сваёй экспертызай. Сустрэчу ладзіць кам’юніці "Культурны Код" пры падтрымцы @radakultury.

Будуць прадстаўленыя праекты:

Па слядах бортніцтва — мабільная праграма для вандровак па мясцінах, звязаных з беларускім бортніцтвам.

Акорднік Беларускі — сайт для мабільных прыладаў і памочнік для гітарыстаў.

Grantika — сервіс для аўтаматычнага складання грантавых заявак.

Анімэ-серыял пра гісторыю Беларусі.

Далучайцеся да тэлеграм-кам’юніці "Культурны код" і прадстаўляйце свае праекты.

Падпішыцеся на @radakultury Адкрыць / каментаваць

2023-03-01 18:01:53 Магістрат "Кнігаўка" працуе ўжо больш за два месяцы — за гэты час у Андрэя Янушкевіча выйшла тры новыя кнігі на беларускай мове!

Гэта "І ўзыходзіць сонца" Эрнэста Хемінгуэя, "Кароль" Шчэпана Твардаха і "Персеполіс" Маржан Сатрапі.

На сёння ў нашай супольнасці, якая аб’ядналася, каб дапамагчы выдаўцу Андрэю Янушкевічу аднавіць дзейнасць за мяжой, удзельнікаў (вы ўсё яшчэ можаце далучыцца!).

Кнігі можна замовіць праз Allegro, хутка, імаверна, яны будуць даступныя на Amazon. Тым часам завяршаецца распрацоўка асобнай інтэрнэт-крамы "Кнігаўка". Офлайн асобнікі даступныя ў варшаўскіх Беларускім моладзевым хабе і Цэнтры беларускай салідарнасці.

Неўзабаве Андрэй Янушкевіч выдасць кнігі "Казік з Каменнай Горкі і Вядзьмак Схаванага Горада" Алеся Кудрыцкага, "Вольнеры. Кніга 1" Валера Гапеева, раманы "Вялікі Гэтсбі" Фрэнсіса Скота Фіцджэралда і "Размовы з сябрамі" Салі Руні.

Новыя кнігі будуць выходзіць і ў электронным варыянце — "І ўзыходзіць сонца" ўжо прадаецца на Google Books.

#магістраты Адкрыць / каментаваць

2023-02-28 15:36:28 #магчымасці тыдня:

Рэгіструйцеся на "ПРАЕКТАР" — офлайн- і онлайн-пітчынгі для культурніцкіх дзеячаў. Тут знойдзеце новых партнёраў, пляцоўкі, людзей у каманду і іншую падтрымку. Гэта сумесная ініцыятыва @sekktor i @createculturegroup, якая імкнецца стварыць утульную прастору для развіцця сувязяў, абмену кантактамі, парадамі і пошуку самых розных рэсурсаў.

Хуткія дэдлайны:

Літаратарам: да 1 сакавіка прымаюцца заяўкі на оўпэнкол па драматургіі. Да 2 сакавіка рэгіструйцеся на онлайн-курс Creative Writing.
Фатографам: рэзідэнцыя ў Нідзе (Літва) чакае заяўкі да 5 сакавіка.
Мастакам: рэпрэсаваных творцаў запрашаюць для стварэння супольнай выставы ў Варшаве.

Падпішыцеся на @radakultury, каб першымі даведвацца пра лепшыя #магчымасці для беларускіх творцаў. Адкрыць / каментаваць

2023-02-27 16:55:07 У Малдове распрацоўваюць закон аб фондзе культуры. Працэс пачаўся ў тым ліку дзякуючы @radakultury.

Летась у Кішынёве Рада стала партнёрам і ўдзельнікам міжнароднай лабараторыі, сфакусаванай на стварэнні будучага культурніцкага фонда Малдовы.

"У 2021-м мы прапанавалі калегам з краін Усходняга партнерства ўкласці сваю экспертызу ў культурніцкую палітыку, — кажа ўдзельніца ад Рады Таццяна Пашавалава. — У малдаўскай Кааліцыі незалежнага сектара культуры акурат была мара пра культурніцкі фонд, а у калег з Украіны і Грузіі — досвед стварэння такіх фондаў. Мы вырашылі дапамагчы Малдове правесці эксперымент — і зладзілі серыю лекцый, зрабілі даследаванне пра фінансаванне культуры і сумесна с калегамі напісалі канцэпцыю лабараторыі".

На лабараторыі прысутнічаў міністр культуры Малдовы Сэрджу Прадан, якога ўдалося пераканаць у неабходнасці стварэння фонда.

"Мы зыніцыявалі сам гэты рух. Малдаване мелі мару, а мы натхнілі пакласці яе ў практычную плоскасць".

#чымвытамзаймаецеся Адкрыць / каментаваць

2023-02-24 15:24:04 Сёння год, як распачалася поўнамаштабная вайна Расіі супраць Украіны. Яна прынесла ва Украіну не толькі смерці, цялесныя калецтвы ды сексуальны гвалт — расійская зброя таксама знішчае культурніцкія здабыткі краіны.

За гэты год у рознай ступені пацярпела больш за 400 аб'ектаў матэрыяльнай культурнай спадчыны Украіны. Сярод іх 63 музеі, 305 рэлігійных будынкаў ды 569 старадаўніх будынкаў. Гэта значыць, тысячы твораў мастацтва ўжо страчаныя або пашкоджаныя, а аб'екты з украінскага спісу Сусветнай спадчыны ЮНЕСКА знаходзяцца пад пастаяннай пагрозай.

Страты для культурнай спадчыны Украіны — гэта страты для культурнай спадчыны чалавецтва ў цэлым.

У гадавіну вайны заклікаем: зрабіце свой унёсак у аднаўленне культурніцкіх каштоўнасцяў Украіны.

Як гэта зрабіць?

Міністэрства культуры ды інфармацыйнай палітыкі адкрыла адмысловы рахунак, куды можна пералічыць грошы мэтанакіравана на вяртанне ўкраінцам іхных здабыткаў.

Адкрыць / каментаваць

2023-02-23 15:26:48 #людзірады — сёння знаёмім вас з Таццянай Пашавалавай, кансультанткай у арганізацыйным развіцці і фандрайзе.

"У @radakultury я прыйшла ўвосень 2020-га як валанцёр — дапамагчы з арганізацыйнымі пытаннямі і пошукам дадатковых рэсурсаў. Мне заўсёды было цікава дапамагаць станаўленню новых амбітных праектаў, асабліва на пачатку іх шляху, калі ёсць гэтая энергетыка і будуецца штосьці, што раней не практыкавалася. «У вас жа нічога няма, як шмат можна стварыць!» — казаў мне адзін дасведчаны польскі калега, калі шмат гадоў таму вучыў мяне першым крокам у гэтай сферы дзейнасці.

У Радзе я сустрэла людзей, якія прысвяцілі сябе дапамозе людзям у бядзе, а потым знайшлі ў сабе матывацыю і сілы рушыць далей. Пабудова інстытутаў у справе культурніцкай палітыкі ў беларускім грамадстве — гэта і цяжка, і вельмі цікава, бо патрабуе канцэптуальнай, камунікацыйнай і вялізнай адукацыйнай працы. Да таго ж гэта дае мне магчымасць працягнуць некаторыя са спраў майго калегі, палітзняволенага філасофа Уладзіміра Мацкевіча". Адкрыць / каментаваць