Лёгкая Мова

2022-04-01 06:24:16 "Трошачкі" не ўгадалі з надвор’ем

КРАСАВÍК (krasavik)
(назоўнік, мужчынскі род)

Чацьвёрты месяц года.
#словы_К Адкрыць / каментаваць

2022-03-31 13:07:49 ПАГАТÓЎ (pahatoŭ)
(прыслоўе)

Тым больш.

[Бацька:] — Ужо калі ў няволі не прапалі [дзеці], то тут, у сваіх, і пагатоў не прападуць. (Сачанка).
#словы_П Адкрыць / каментаваць

2022-03-29 18:14:14 САКАТÁЦЬ (sakatać)
(дзеяслоў, незакончанае трываньне)

1. Утвараць сокат (пра курэй).

Ходзіць курачка ля току і сакоча: — Ко-ку! Ко-ку! (Шушкевіч).

2. Стракатаць, утвараць строкат (пра насякомых, птушак).

Бясконцым, здаецца, на ўсю зямлю, хорам сакаталі конікі і пырскалі з-пад ног на ўсе бакі. (Дуброўскі).

3. Часта стукаць, страляць, трашчаць.

За сьцяною плаўна сакатала швейная машына. (Ракітны).

4. Пераноснае значэньне размоўнае слова: хутка, не сьціхаючы, гаварыць; балбатаць.

Сам Бабіч гаворыць мала, а толькі слухае, як другія сакочуць, прычым на яго твары ўвесь час красуе найдабрэйшая ўсьмешка. (Колас).
#словы_С Адкрыць / каментаваць

2022-03-02 22:34:32 #невайне

ГУ́МАВЫ (gumavy)
(прыметнік, мужчынскі род)

Зроблены з гумы (рас. "резины").
#словы_Г Адкрыць / каментаваць

2022-03-01 22:04:54 На дварэ вясна, на дварэ вайна.

Зь першым днём вясны, сябры, і мірнага неба над галавою!

#невайне

САКАВÍК (sakavik)
(назоўнік, мужчынскі род)

Трэці месяц каляндарнага года.
#словы_С Адкрыць / каментаваць

2022-03-01 00:12:49 У сувязі з падзеямі апошніх дзён тут мела быць фота канкрэтнага чалавека, якога ўсе добра ведаюць...

#невайне

ФАНАБЭ‌РЫЯ (fanaberyja)

Размоўнае слова: пыхлівасьць, зазнайства, ганарыстасьць.

Я недалюбліваў гэтага чалавека за яго індычую надзьмутасьць, за чэрствасьць і незразумелую фанабэрыю. (Сабаленка).
Фанабэрыі хоць адбаўляй, а розуму ня грэх было б і пазычыць. (Прокша).
#словы_Ф Адкрыць / каментаваць

2022-02-27 20:53:05 БІРУ́ЛЬКА (birulka)
(назоўнік, жаночы род)

1. Упрыгожаннне, падвеска на ланцужку кішэннага гадзіньніка, бранзалета і пад.

2. Толькі множны лік: гульня, якая заключаецца ў тым, каб з кучкі дробных прадметаў выбраць кручком адно за адным, не пасунуўшы пры гэтым астатніх.
#словы_Б Адкрыць / каментаваць

2022-02-26 21:03:52 ПАНЧÓХІ (pančochi)
(назоўнік)

1. Выраб машыннага або ручнога вязаньня, які надзяваецца на ногі і заходзіць за калені.

Панчохі прамоклі, і вы адчуваеце, як непрыемна абляпілі яны вашы ногі... (Васілевіч).

2. Пераноснае значэньне: поўсьць іншага колеру, якая пакрывае ніжнюю частку ног каня або іншай жывёлы.
#словы_П Адкрыць / каментаваць

2022-02-25 21:11:11 ПАЗЯХÁЦЬ (paziachać)
(дзеяслоў, незакончанае трываньне)

Міжвольна глыбока ўдыхаць і адразу ж выдыхаць паветра шырока адкрытым ротам (пры жаданьні спаць, пры стоме).

Стоячы на сонцы, ад сьпёкі шырока пазяхалі дзеці, чхалі ад .. пылу. (Галавач).
Хацелася спаць, і Язэп пазяхаў раз за разам. (Якімовіч).
#словы_П Адкрыць / каментаваць

2022-02-24 15:08:43 Той самы стан пасьля сёньняшніх навінаў...

Родненькія ўкраінцы, трымайцеся! Адкрыць / каментаваць