Лёгкая Мова

2022-02-23 17:50:26 ДЗЯ́ГА (dziaha)
(назоўнік, жаночы род)

Рэмень, папруга.

Тужэй падцягваем франтавыя дзягі, глянцуем боты, чысьцім шынялі. (Панчанка).
#словы_Дз Адкрыць / каментаваць

2022-02-22 19:59:46 Адкрыць / каментаваць

2022-02-22 18:26:18 АСÓБНІК (асобнік)
(назоўнік, мужчынскі род)

Асобная адзінка, узор зь ліку аднародных рэчаў (звычайна пра друкаваны ці рукапісны тэкст).
#словы_А Адкрыць / каментаваць

2022-02-21 22:01:20 І па традыцыі: новы дзень — новае слова Вам ў скарбоначку

СКАРБÓНКА (skarbonka)
(назоўнік, жаночы род)

1. Скрыначка, бляшанка і пад. з вузкаю шчылінаю для зьбіраньня, назапашваньня грошай.

Устаўшы раніцай,.. [Юра] разьбіў сваю фарфоравую скарбонку і пералічыў грошы. Было аж дваццаць два рублі. (Бяганская).

2. Бляшанка для збору ахвяраваньняў (у царкве, на відовішчах і пад.).

У зале пачыналіся скокі, і медныя гукі аркестра зьліваліся з бразгатам медзякоў у пустыя скарбонкі. (Гартны).

3. Пераноснае значэньне: запас грошай; асабовы рахунак эканоміі сродкаў.

[Кіра:] — Мы, тата, у камсамольскую скарбонку не адну тысячу паклалі. (Карпаў).

4. Тое, што і скарбніца.

На шчасьце, паявіўся Кібрык, які быў сапраўднаю скарбонкаю розных зьвестак і чутак. (Шыцік).
#словы_С Адкрыць / каментаваць

2022-02-21 12:43:10 У працяг нашага цудоўнага Сьвята радкі, якія штораз працінаюць нашыя сэрцы Адкрыць / каментаваць

2022-02-21 07:49:26 З Днём роднае мовы, родненькія! Пакуль мы жывыя, нашая мова гэтаксама будзе жыць

ПА-БЕЛАРУСКУ
(Яўгенія Янішчыц)

Будзе слоту абвяшчаць прагноз,
Лістабой учыніць ператруску.
Песьняй, што расчуліла да сьлёз,
Я прыму цябе па-беларуску.

Краю блаславёнага дачка,
Дзякуй лёсу,
маю не ў нагрузку —
Зорны крыж Мацея Бурачка...
Ты ўва мне прызнаеш беларуску?

Сто разоў шукай другой красы,
А тым больш што сьвет даўно ня вузкі!
...Ды калі ты не бязродны сын —
Гавары са мной па-беларуску.

Час — вар'ят, шалёнае таксі.
Толькі ўсё ж ня мысьлю я аб спуску.
Кажаш, што магілы зарасьлі?
Памаўчы са мной па-беларуску.
#вершы Адкрыць / каментаваць

2022-02-20 17:48:44 ШАРÓН (šaron)
(назоўнік, мужчынскі род)

Абледзянелая скарынка на паверхні сьнегу.

Кабыла прытка секла падковамі малады лядок на дарозе, а пад палазамі хрусьцеў шарон. (Чыгрынаў).
Лена ішла па шаране, прыкрытым мяккім сьнегам. (Шамякін).
#словы_Ш Адкрыць / каментаваць

2022-02-19 19:57:10 СУРВЭ́ТКА (survetka)
(назоўнік, жаночы род)

1. Невялікі (звычайна квадратны) кавалак тканіны або паперы, якім карыстаюцца для засьцеражэньня вопраткі ў час яды, у цырульнях і пад.

Начальнік сядзіць за сталом.., падаткнуўшы пад бараду белую сурвэтку. (Сачанка).

2. Абрус (звычайна невялікіх памераў), якім накрываюць стол.

Палавічкі на падлозе, засланы бялюткаю сурвэткаю стол — усё тут было сьціпла і разам з тым акуратна. (Хадкевіч).
#словы_С Адкрыць / каментаваць

2022-02-19 15:23:06 Рыгор Барадулін Адкрыць / каментаваць

2022-02-18 22:07:44 ГЭ́БЕЛЬ (hebiel)
(назоўнік, мужчынскі род)

Сталярны інструмэнт у выглядзе калодкі з клінам і шырокім лязом для струганьня дрэва.

Даніла Платонавіч нешта майстраваў — габляваў дошчачку. На кухні ў яго стаяў маленькі варштат, на паліцах паблісквалі.. інструмэнты: гэблі, пілкі, дрэль, долаты ўсіх калібраў. (Шамякін).
#словы_Г Адкрыць / каментаваць