Птицы "Аляпка"

2021-07-01 19:21:00 Прыемная неспадзяванка: у Маларыце загнездавала ўжо другая пара “чырванакніжных” пустэльг! Птушкі пасяліліся ў старым гняздзе гракоў.

Першая вядомая пара з’явілася тут у 2019 годзе. Птушкі занялі нішу на пяціпавярховіку, паспяхова выводзілі птушанят.

Летась сябры Брэсцкага абласнога аддзялення АПБ і Рабочай групы па сокалападобных і совападобных усталявалі штучныя скрыні. Яны большыя і бяспечнейшыя: адтуль птушанятам цяжка вываліцца. Гэтай вясной пустэльгі перасяліліся туды.

Праўда, іх там чакаў сюрпрыз. Які – чытай тут: ptushki.org/news/704839.html

Фота Дзяніса Кіцеля і Дзяніса Піпко. Адкрыць / каментаваць

2021-07-01 11:11:57 Нягледзячы на тое, што драздовая чаротаўка (дроздовидная камышовка) – самая буйная з нашых чаротавак, памерам са шпака (!), яна вельмі спрытна скача і лазіць па чароце!

З красавіка па верасень драздовая чаротаўка сустракаецца на тэрыторыі амаль усёй Еўропы, а вось зімаваць ляціць у Паўднёвую Афрыку. Цiкава, што час і кірунак пералёту гэтыя птушкі ведаюць ад нараджэння! #птушыныяцікавосткі

Віталь Некрашэвіч, @ptushkafota. Адкрыць / каментаваць

2021-06-30 13:24:26 Папуляцыя свіргуля ў Еўропе даволі вялікая і стабільная. Але ты можаш дапамагчы ім, калі зробіш гнездавую скрынку.

Свіргулі часцей за ўсё гняздуюцца ў невялікіх нішах у пабудовах чалавека, звычайна паміж дахам і сцяной. Таму прымацаваць скрыню для свіргуля лепш за ўсё ў такім месцы. Адкрыць / каментаваць

2021-06-30 13:21:15 Колькі часу свіргулі праводзяць у палёце?

Фота Мікалая Вараб'я. Адкрыць / каментаваць

2021-06-30 13:18:12 Чаму свіргулі не ходзяць па зямлі?

Фота Мікалая Вараб'я. Адкрыць / каментаваць

2021-06-30 13:16:40 Колькі свіргулі за дзень з'ядаюць мух?

Фота Мікалая Вараб'я. Адкрыць / каментаваць