Птицы "Аляпка"

2021-08-09 14:53:07 У Барысаве адзначана рэдкая для Беларусі госця – качка-мандарынка.

Прыродны арэал мандарынкі – Усходняя Азія. Птушкі, якія адзначаны ў многіх краінах Еўропы, лічацца здзічэлымі асобінамі, якія збеглі з заапаркаў ці падобных месцаў развядзення і ўтрымання птушак у няволі, або іх патомкамі. Таму для еўрапейскай фаўны – гэта від-інтрадуцэнт.

Такія віды могуць ствараць канкурэнцыю мясцовым птушкам і ў плане корму, і ў займанні месцаў гнездавання, у выпадку з мандарынкамі гэта дуплы. Пустых экалагічных ніш у прыродзе Беларусі практычна няма, і новыя віды часам выцясняюць "старыя". Так што мандарынкі як птушкі добрыя, але не для нашай прыроды.

Аўтар фота самкі качкі-мандарынкі – Максім Косцін. Адкрыць / каментаваць

2021-08-08 12:58:19 А ты ведаеш, чаму ў соў плоскія твары?

Па форме тварны дыск – парабала, якая збірае гукавыя хвалі і скіроўвае іх да вушэй, якія схаваны па баках. Гэта павялічвае адчувальнасць успрымання гукаў, так совы могуць пачуць ахвяру пад снегам, у траве ці раслінным покрыве.

Лепш за ўсё тварны дыск выяўлены ў сіпухі, а ў барадатай кугакаўкі (на фота) ён мае найбольшыя памеры сярод птушак – да 110 мм. #птушыныяцікавосткі

Фота: Мікалай Варабей. Адкрыць / каментаваць

2021-08-07 21:31:51 Ляляк – адметная птушка, і шмат чым можа здзівіць!

Дзюба леляка кароткая і слабая, затое разрэз роту дазваляе яе адкрываць вельмі шырока. Разам з пёркамі ў выглядзе веек па краі рота – гэта выдатнае прыстасаванне для лоўлі начных насякомых у палёце. #птушкагода #птушыныяцікавосткі

Фота: Ori Davidor, ebird.org. Адкрыць / каментаваць

2021-08-06 21:13:20 У заказніку "Ельня" адбыўся валанцёрскі летнік па рамонце экасцяжыны. Папрацавалі вельмі добра – удалося адрамантаваць усю экасцяжыну "Азяраўкі – Ельня".

Вялікі дзякуй усім, хто дапамагаў нам! У верасні будзе яшчэ адзін валанцёрскі летнік, сачы за анонсамі.

А гэты летнік быў вельмі багаты на працу і ўражанні. Як мы рамантавалі экасцяжыну, усміхаліся і размаўлялі каля вогнішча – у нашым фотаальбоме! Шукай сябе і знаёмых на фота.
https://vk.com/ptushki?z=album-2020657_279403894

Мерапрыемства прайшло ў межах праекта Разам для грамады і прыроды: Мiёрскi раён, які рэалізуецца Міёрскім раённым выканаўчым камітэтам, АПБ і Латвійскім сельскім форумам пры фінансавай падтрымцы Еўрапейскага саюза. #ЕСдляБеларусі

Аўтары фота – Валер Кавалёнак, Ігар Клінцоў, Паліна Русаковіч. Адкрыць / каментаваць

2021-08-06 13:34:12 З нагоды ці без – парадуй сябе і дарагіх людзей паштоўкамі з акварэльнымі птушкамі. Так ты яшчэ і ахову дзікай прыроды падтрымаеш: 10% ад продажу будзе ахвяравана АПБ.

Паштоўкі з малюнкамі супрацоўніцы АПБ Алесі Башарымавай выпусціла выдавецтва "Тэхналогія".

Набыць можна па адрасе: г. Мінск, вул. Ляўкова, 19, офіс 2Н. Або замовіць на сайце https://tn.by/product-tag/apb/. Адкрыць / каментаваць

2021-08-05 12:42:28 Гэты здымак шэрай гусі быў зроблены яшчэ на пачатку года галандскім фатографам Vincent Cornelissen (instagram @b0unce1971).

Трук у тым, што гусі пераварочваюць сваё цела дагары нагамі і так ляцяць!

Навошта яны робяць гэта? Есць меркаванне, што так прасцей лётаць пры сустрэчным ветры.
Яшчэ адзін варыянт: гусі так проста выдурваюцца перад сваёй чарадой. Маўляў, глядзіце, як магу!

Крыніца: https://www.zenger.news/2021/07/30/not-so-quackers-goose-flying-upside-down-is-simply-showing-off-say-experts. Адкрыць / каментаваць

2021-08-04 15:18:44 Звычайная чаротаўка – маленькая птушачка, якая важыць каля 10-15 грамаў. Жыве непадалёк ад вады – у поймавых зарасніках, на вільготных паплавах, балотах. Гэта звычайны для Беларусі від.

Цікава, што сваю рускую назву "камышовка-барсучок" яна атрымала з прычыны падабенства яе паласатай галавы з галавой барсука. #птушыныяцікавосткі

А ты бачыў(ла) калі-небудзь гэтую малютку?

Фота: @ptu6ki. Адкрыць / каментаваць

2021-08-03 18:58:47 На Альманскіх балотах знайшлі новы для Беларусі від стракоз!

Да гэтага лета ў афіцыйным спісе стракоз нашай краіны значылася 67 відаў. Нядаўна падчас экспедыцыі ў рамках праекта АПБ "Палессе – дзікая прырода без межаў" арнітолаг Дзяніс Кіцель сфатаграфаваў 68-ы від – страказу малую блакітную (Orthetrum coerulescens). #wildpolesia

Фота: Дзяніс Кіцель. Адкрыць / каментаваць

2021-08-02 13:42:15 Мілата, праўда?
Рабы суслік зычыць табе добрага настрою на пачатку тыдня!

Фота: Іна Субоціна, @ptushkafota. Адкрыць / каментаваць

2021-08-01 21:48:06 Як пабачыць авяльгу (иволгу)?

Спачатку трэба паслухаць запіс яе голасу. Самцы выдаюць прыгожыя кароткія флейтавыя гукі ptushki.org/bird/281.html (з 30 секунды).

Авяльгу нярэдка можна сустрэць на ўскрайках ліставых і змяшаных лясоў, у парку або іншых зялёных насаджэннях каля населеных пунктаў.

На фота самка авяльгі, аўтар – Мікалай Варабей. Адкрыць / каментаваць