Еўрарадыё | Еврорадио

2023-07-07 15:05:31 Беларусы Літвы хочуць нагадаць пра сябе падчас саміту НАТА. Спосаб просты: вывешваць нацыянальныя сцягі на вокны і балконы, а таксама ў публічных месцах.

Саміт НАТА пройдзе ў Вільні 11-12 ліпеня. Гэта сапраўды маштабная пазея, на якую прыедуць лідары краінаў альянсу, а таксама палітыкі і журналісты з усяго свету.

Сцягі нагадаюць пра ўсіх дэмакратычных беларусаў — і пра хвалю вымушанай эміграцыі пасля выбараў-2020. "Мы супраць вайны ва Украіне і таго ўдзелу, які супраць нашай волі прымае ў ёй нашая краіна", — фарміруюць меседж актывісты. А спасылкі на сайты, праз якія можна замовіць БЧБ-сцяг, ёсць тут. Адкрыць / каментаваць

2023-07-07 14:45:01 Зяленскі прыедзе на саміт НАТА ў Вільні 11-12 ліпеня. Візіт прэзідэнта Украіны быў пад пытаннем, а цяпер пацвердзіўся.

Раней кіраўнік альянса Енс Столтэнберг казаў, што на саміце будуць прынятыя рашэнні а "прыбліжэнні Украіны да НАТА". Але эксперты кажуць, што запрашэння краіны ў альянс чакаць заўчасна. Адкрыць / каментаваць

2023-07-07 14:39:28 З Аляксандрам Кныровічам на @euroradio абмяркоўваем, як прайшла прэс-канферэнцыя Лукашэнкі, стан Бабарыкі ў калоніі, загадкавую смерць міністра транспарту Аляксея Аўраменкі, як Каардынацыйная рада рыхтуецца да аўдыту ByPOL, неўраджайны год — ці хопіць беларусам хлеба.

Далучайцеся!


Адкрыць / каментаваць

2023-07-07 14:19:28 Мінабароны кажа, што вагнераўцы яшчэ не прыехалі лагер пад Асіповічамі. Яны яшчэ быццам бы не вырашылі, прыяжджаць у Беларусь ці не.

– Аператыўныя групы пакуль не прыязджалі, не вызначаліся, не глядзелі. Я думаю, што калі будзе прынятае канчатковае рашэнне групай "Вагнер" размяшчацца ці не размяшчацца ў Беларусі, тады і будуць глядзець, – кажа памочнік міністра абароны Беларусі Леанід Касінскі.

Таксама ён дадаў, што "гэта летні лагер, які пабудаваны ва ўзаемадзеянні з органамі мясцовай улады". Ён разлічаны на 5 тысяч чалавек (раней чакалі 8 тысяч). Адкрыць / каментаваць

2023-07-07 13:35:19 Вось дзе сапраўды справа дзяржаўнай важнасці: Наталля Качанава сёння выбірала дзверы для кватэры. Не сваёй, а ў навабудзе "Магніт Мінска". Адкрыць / каментаваць

2023-07-07 13:08:58 Як Пуцін "аддзячыць" Лукашэнку за сваё ўратаванне? Чаго чакаць ад саміта NATO і ці паўплываюць на яго рашэнні планы Лукашэнкі па размяшчэнні кампаніі “Вагнер” у Беларусі? Ці маральна браць грошы на дабрачынныя праекты ад “гаманцоў рэжыма”? На гэтыя ды іншыя пытанні ў жывым эфіры @euroradio адказвае палітычны аналітык і аглядальнік Віталь Цыганкоў.

Стрым глядзіце тут, задавайце пытанні:

Адкрыць / каментаваць

2023-07-07 13:04:50 Мінюст падаў іск аб ліквідацыі Беларускай партыі "Зялёныя". Раней ім адмовілі ў перарэгістрацыі.

Старшыню Дзмітрыя Кучука запрасілі 17 ліпеня з'явіцца 17 ліпеня ў Вярхоўны суд "ў парадку падрыхтоўкі справы да судовага разбіральніцтва".

Пасля зачыстак, якія праводзяць беларускія ўлады, у краіне не засталося апазіцыйных партый. Адкрыць / каментаваць

2023-07-07 12:28:01 Адным затрыманым у справе з запэцканай машынай Z-актывіста не абмежаваліся. За кратамі пабывалі 5 чалавек — уся сям'я падазраванага мужчыны.

Дэталі сталі вядомыя праваабаронцам. Акрамя 53-гадовага працаўніка "Нафтана" Іллі Двойрына, узялі яго сына з нявесткай, а таксама жонку і брата. Па месцах жыхарства сваякоў правялі ператрусы.

У жонкі і брата праверылі тэлефоны і пасля гэтага адпусцілі. На сына з нявесткай склалі адміністрацыйныя пратаколы. Па ім ужо адбыўся суд, але яго вынікі пакуль невядомыя.

Вось гэта — сапраўднае людажэрства. Адкрыць / каментаваць

2023-07-07 12:04:42 Бла-бла-шоў "Чык-чырык" ужо ў эфіры @euroradio! Кароткі агляд галоўнага, што абмяркоўвалі дасціпныя беларускія твітарскія!

ByPOL vs BelPOL, прапаганда ные пра Дзень незалежнасці, апалітычная Ганна Бонд шопіцца ў Польшчы, а беларусы супраць вайны — але спакойна ездзяць на фэсты ў Расію.

І, нарэшце, іскрамётныя моўныя жарты з 90-х. Далучайцеся да стрыма:

Адкрыць / каментаваць

2023-07-07 11:51:36 Пасля ўчорашняга выбуховага росту долар адкатваецца назад. Расійскі рубель даражэе. Так праходзяць сённяшнія таргі на беларускай валютнай біржы. Адкрыць / каментаваць