Еўрарадыё | Еврорадио

2023-07-08 13:40:41 Беларускія ўніверсітэты ўпалі ў аўтарытэтным міжнародным рэйтынгу QS World University Rankings. БДУ страціў 99 пазіцый і апусціўся на 387 месца. Гэта адзіны ўніверсітэт нашай краіны, які ўваходзіць у топ-500 рэйтынгу.

Усяго ж у чарце прысутнічаюць тры беларускія ВНУ: яшчэ БНТУ і БДУІР. Іх пазіцыі таксама не палепшыліся.

Чаму так адбылося? Адкрыць / каментаваць

2023-07-08 13:19:22 Трошкі базы ад Вікіпедыі. У англамоўным артыкуле пра Беларусь паведамляецца, што наша краіна — "унітарная прэзідэнцкая рэспубліка ва ўмовах аўтарытарнай дыктатуры".

Там жа Лукашэнку называюць прэзідэнтам, але ў дужках удакладняецца, што гэта аспрэчваецца. Адкрыць / каментаваць

2023-07-08 12:46:59 Столін на 11 дзён застанецца без гарачай вады — з 17 па 28 ліпеня. Здаецца, гэта першы раз, калі гарачую ваду ўлетку адключаюць цэламу гораду.

Улады тлумачаць гэта стандартна — "правядзенне прафілактычных рамонтаў і гідраўлічных выпрабаванняў трубаправодаў цеплавой сеткі".

Не Еўропа? Чаму ў Беларусі адключаюць гарачую ваду, а ў Польшчы — не Адкрыць / каментаваць

2023-07-08 12:14:21 "Вялікі брат" працягвае сачыць, не міргаючы. Да адзінага дня галасавання ў 2024 годзе ўсе выбарчыя ўчасткі ў Мінску будуць абсталяваны камерамі відэаназірання.

У міліцыі лічаць, што гэта дапаможа забяспечыць "празрыстасць" выбарчай кампаніі і "бяспеку грамадзянаў". Адкрыць / каментаваць

2023-07-08 11:55:13 Чаго чакаць Беларусі ад саміту NATO у Вільні? На гэтае пытанне ў эфіры @euroradio адказвае палітычны аглядальнік Віталь Цыганкоў.

Цалкам стрым тут:

Адкрыць / каментаваць

2023-07-08 11:07:54 Грошы на адваката для Раберта Касануэвы сабралі за некалькі гадзін. Беларускі кубінец прасіў аб дапамозе ў 1900 еўра. На дадзены момант сабрана больш за 2 тысячы еўра.

У 2020 годзе кубінец удзельнічаў у пратэстах у Беларусі. Пасля затрымання ён прасядзеў доўгія 13 месяцаў на Акрэсціна ў чаканні дэпартацыі.

Калі рашэнне пра яе было прынятае, фонд BySOL "эвакуіраваў" Раберта ў Вільню. Кубінец падаўся на палітычны прытулак, але атрымаў адмову. Адвакат, на якога сабралі грошы беларусы, дапаможа аспрэчыць гэтае рашэнне. Адкрыць / каментаваць

2023-07-08 10:44:55 Памятаеце таксіста, які дапамог збегчы пратэстоўцу? У верасні 2020 года журналісты @euroradio знялі і апублікавалі гэтае відэа, якое імгненна стала вірусным і разыйшлося па медыях ва ўсім свеце.

Наш калега Міхась Ільін у інтэрв’ю праекту “ТОК” распавёў, як гэтыя кадры — адны з самых вядомых з 2020 году — атрымалася выратаваць ад сілавікоў. Адкрыць / каментаваць

2023-07-08 10:05:15 Уладзімір Зяленскі прыехаў на востраў Змяіны. Там на 500-ы дзень вайны прэзідэнт Украіны ўшанаваў памяць воінаў, якія змагаліся за яго.

Востраў стаў шырока вядомы ў першыя дні расійскага ўварвання. Украінскі памежнік са Змяінага на прапанову здацца ў палон адказаў ужо легендарнай фразай "Русский военный корабль, иди нах*й!".

Сеча за Змяіны: навошта расіянам невялікі ўкраінскі востраў? Адкрыць / каментаваць

2023-07-07 22:01:30 Важныя падзеі пятніцы, 7 ліпеня, у праграме ЕЎРАЗУМ:

1:09 Чаму “вагнераўцы” могуць і не прыехаць у Беларусь?

13:31 Навіны спорту

15:21 Як Каардынацыйная рада рыхтуецца да аўдыту ByPOL

24:52 Навіны шоу-бізу

27:28 Іх норавы: мядзведзь у басейне, Айван і Хэйлі ў Рыме і пацяпленне — паўсюль Адкрыць / каментаваць

2023-07-07 21:30:23 У сярэдзіне жніўня ў Варшаве адбудзецца нефармальны з'езд незалежных беларускіх кінематаграфістаў. Падзею ладзіць арганізацыя "Беларуская сетка кінематаграфістаў" (БСК) з мэтай аб'яднання беларускіх кіношнікаў для стварэння агульнай стратэгіі развіцця беларускага кіно.

Цікава, што трапіць на падзею змогуць не ўсе ахвочыя — арганізатары правядуць прафесійны адбор яе ўдзельнікаў. Гэта будзе ўсяго 30 чалавек з Беларусі ды іншых краін, якіх абяцаюць забеспячыць візавай падтрымкай, выдаткамі на пражыванне, харчаванне, а таксама трансфер.

Больш чытайце тут: https://euroradio.fm/u-varshave-proydze-zezd-belaruskikh-kinematagrafistau Адкрыць / каментаваць