Сцежкі Беларусі (рэзэрв)

2021-11-17 17:48:19 Музей сучаснага мастацтва ў Менску з розніцай 7 гадоў.

@tropinki Адкрыць / каментаваць

2021-11-14 11:19:01 Гродна. Сацыялістычная № 35 – малебная школа Бенахім (па іншых крыніцах – Арах Хаім (Орах Хаім), дом Брамсана, спартыўная школа.

Год пабудовы – каля 1856, перабудавана ў к. ХІХ ст.
Вядома, што ў п.п. ХІХ ст. на гэтым месцы стаяў драўляны будынак малебнай школы. У 1855 г. па духоўнаму запавету Арона Сокала замест старой драўлянай было вырашана пабудаваць новую мураваную школу, будаўніцтва якой было завершана, можна меркаваць, у наступным годзе.

Згодна з праектным малюнкам, будынак школы з боку вуліцы меў адзін паверх, а з процілеглага – два. Пасля пажару 1885 г. школа была перабудавана. У 1895 г. уласнікам будынка з’яўляўся Брамсан.
У 1907 г. будынак меў адрас – Гарохавая № 6. У 1950 г. – абласны савет спартыўнага клуба “Спартак” і спартыўны зал.

@tropinki Адкрыць / каментаваць

2021-11-13 16:29:01 Чарцяжы піўзавода, які належыў перадапошняй уладальніцы Гальшанскага замка Яўгеніі Аляксандраўне Ягмінай, жонцы стацкага саветніка М.І. Ягміна. У 1897 годзе памешчыца звяртаецца у Віленскае Губернскае праўленне з просьбай аб дазволе далейшай эксплуатацыі існуючага ўжо завода па вырабу піва, які знаходзіўся ў мястэчку Гальшаны.
(дакументы захоўваюцца ў Вільнюсе ў Літоўскім Дзяржайным Гістарычным Архіве. LVIA)

@tropinki Адкрыць / каментаваць

2021-11-12 16:16:00 Спампаваць скан арыгiнальнай кнігi «Падарожжа па Палессі і Беларускім краі». Адкрыць / каментаваць

2021-11-12 16:14:34 12 лістапада 1827 года нарадзіўся Шпілеўскі Павел Міхайлавіч

ў сяле Шыпілавічы Бабруйскага павета Мінскай губерні Расійскай імперыі (цяпер — Любаньскі раён, Мінскай вобласці, Беларусь) у сям'і святара (1827—1861) – беларускі і пісьменнік-этнограф, публіцыст, перакладчык народнай культурнай спадчыны беларусаў.

У 1853 у часопісе "Сучаснік" была надрукавана галоўная праца Паўла Шпілеўскага - "Падарожжа па Палессі і Беларускім краі". Нарыс пачынаецца ў Варшаве і заканчваецца ў Грэску (цяпер Слуцкі раён Мінскай вобласці).

@tropinki Адкрыць / каментаваць

2021-11-12 12:49:49 Адкрыць / каментаваць

2021-11-11 11:33:01 Адкрыць / каментаваць

2021-11-09 17:47:03 У Мёрскім раёне прадаюць сядзібу Лапацінскіх

Выстаўлены на продаж сядзібна-паркавы комплекс «Леонпаль» з сядзібай Лапацінскіх у Мёрскім раёне. Таргі павінны адбыцца 6 снежня.

За комплекс просяць 23 600 рублёў. Належыць комплекс і тэрыторыя вакол яго прадпрыемству «Інтэграл». Разам з сядзібным комплексам даецца права арэнды 1,3 гектараў зямлі на мяжы з Еўрасаюзам на беразе Заходняй Дзвіны.

Пакупнік павінен будзе на працягу месяца пасля набыцця падпісаць ахоўнае абавязацельства і забяспечыць захаванасць сядзібы, бо яна з'яўляецца гісторыка-культурнай каштоўнасцю.

55.7998, 27.7805

@tropinki Адкрыць / каментаваць

2021-11-09 17:31:57 Спецыяліст IBA Group Станіслаў Прыдыбайла стварыў дакументальны фільм пра гісторыю грамадскага транспарту Беларусі.

У аснове фільма ляжаць дакументы Беларускага дзяржаўнага архіва кінафотафонадакументаў. Фільм створаны з дапамогай нейрасетак, якія выканалі каларызацыю, агучку, накладанне фонавай музыкі, "ажыўленне" і аднаўленне фота.

Дакументальны фільм распавядае пра развіццё грамадскага транспарту ў Беларусі з 1890 па 1980 гад.





@tropinki Адкрыць / каментаваць

2021-11-09 14:33:09 Вёска Куль: капліца Святога Ёзэфа i аколiцы. Храм пабудаваны ў 1847 годзе ў тыя часы, калі дадзеныя землі і сядзіба былі ў валоданні роду Бржазоўскіх. Ад разбуранай сядзібы-палаца сёння ідзе алея, праз густы лес, назад да капліцы святога Юзафа.
фота: Людміла Рублеўская

53.8026, 26.7473

@tropinki Адкрыць / каментаваць