Спадчына

2021-07-03 18:29:07 У Фэйсбуку заўважылі знос агароджаў і старых крыжоў на Кальварыйскіх могілках. Цікава, як гэта суадносіцца з тым, што «комплекс Кальварыйскіх могілак у межах агароджы» з'яўляецца гісторыка-культурнай каштоўнасцю міжнароднага значэння (1 катэгорыя)?

#могілкі #разбурэнне #Мінск Адкрыць / каментаваць

2021-07-03 13:09:03 Пра тое, як 200 гадоў таму мясцовыя ўлады на Беларусі не знаходзілі помнікаў старажытнасці (або не вельмі хацелі знаходзіць). Час бяжыць, але сітуацыя не тое каб значна змянілася.

#ахова Адкрыць / каментаваць

2021-07-02 12:46:15 Крэўскі замак з дрона пасля частковай кансервацыі. Можна параўнаць адноўленыя сцены з аскепкамі муру дзвюх іншых сцен . І да іх справа дойдзе.

#замкі #Крэва #крэўскізамак #кансервацыя Адкрыць / каментаваць

2021-07-02 10:33:24 На гістарычнай вуліцы Замкавая ў Гродне завяршаецца аднаўленне комплексу гістарычных будынкаў.

На месцы сквера будзе ўзведзены адміністрацыйна-гандлёвы комплекс з трох будынкаў. Тут з'явіцца рэстаран, кафэ і памяшкання для здачы ў арэнду. Агульная плошча - каля 700 квадратных метраў. Будзе праведзена добраўпарадкаванне прылеглай тэрыторыі з боку Дома быту: выкладзеная брук, высаджаны дрэвы і хмызнякі, абсталяваны ўтульны дворык для адпачынку гараджан і парадныя ўваходы ў будынкі з вуліцы Замкавай.
фота: @dima67574

@tropinki Адкрыць / каментаваць

2021-07-02 06:54:35 У маёнтку Пуслоўскіх у Альбярціне (пад Слонімам) адкапалі гарэльеф з белага мармуру

28 чэрвеня ў Слоніме ў мікрараёне Альбярцін быў адкапаны культурны артэфакт - скульптура з белага мармуру. Дадзены артэфакт можа ставіцца XVIII- XIX стагоддзяў ці больш ранняй эпохі.

@tropinki Адкрыць / каментаваць

2021-07-01 19:08:00 На браме сядзібы Сухадольскіх у Вялікай Рагозніцы вядуцца нейкія будаўнічыя работы, у выніку якіх левая вартоўня страціла палову аб'ёму, перамычкі і атыкі над праёмамі.

фота
#разбурэнне #сядзібы #ВялікаяРагозніца Адкрыць / каментаваць