2022-07-25 19:22:50
Оўпэнколаў для літаратурных дзеячаў і дзяячак мы бачым параўнальна мала, аднак магчыма, іх бачыце вы? Дасылайце знаходкі ў @sekktor_online!
Сёння ж дзелімся
падборкай Тэлеграм-каналаў, якія раскажуць вам пра сучасную беларускую літаратуру ўсе апошнія навіны і значна больш
️
Суполка беларускіх пісьменнікаў - навіны і гісторыя беларускай і сусветнай літаратуры, тэксты, цікавосткі, кніжныя навінкі, крытыка.
️
Літаратурная Беларусь - канал штомесячнага літаратурнага дадатку да газеты «Новы Час».
️
Razanau - невялікія ўрыўкі з тэкстаў Алеся Разанава кожны дзень.
️
ХАДАНОВІЧ - аўтарскі канал літаратара Андрэя Хадановіча, ёсць аднайменны канал у Youtube і Tiktok.
️
Беларускія аўдыякнігі - канал новага агрэгатара беларускіх аўдыёкніжак audiobooks.by. Усё пра беларускія аўдыякнігі: рэлізы, інтэрв'ю з аўтарамі і выканаўцамі ды іншыя цікавосткі.
️
Белліт пад Піва - канал падкаста, у якім тры дзяўчыны чытаюць белліт і смешна (ці не вельмі) разважаюць на конт прачытанага.
️
Белліт і мемы - назва кажа сама пра сябе
Каналы выдавецтваў:
️-
Пфляўмбаўм / Pflaŭmbaŭm - канал жаночай выдавецкай ініцыятывы, якая выдала кнігі-пераможцы прэміі Гедройця мінулага году - «Па што ідзеш, воўча» Евы Вежнавец і «Райцэнтр» Тані Скарынкінай. Таксама нядаўна там выйшлі паэтычны зборнік Вальжыны Морт і «Анаталогія паэтак».
️
Выдавецтва "Галіяфы" з публікацыямі пра выдадзеныя новыя і ўжо ўлюбёныя кнігі.
Былі яшчэ каналы ад выдавецтва
«Янушкевіч» і вядомы ўсім
«Белліт» ад Насты Карнацкай, аднак асцярожна: падчас затрымання Андрэя Янушкевіча і Насты Карнацкай у іх каналах стаў посціцца прапагандысцкі кантэнт, цяпер каналы не абнаўляюцца.
За складанне падборкі дзякуем калегам з
Беларускага ПЭНа, які, канешне, таксама мае свой канал - з навінамі ў беларускай літаратуры, магчымасцямі для беларускіх пісьменнікаў і пісьменніц, публікацыямі пра цікавыя падзеі і імпрэзы ў літаратурным сусвеце. А на сайце Беларускага ПЭНа сістэматызаваная інфармацыя пра парушэнні правоў культурных дзеячаў у Беларусі. Што класна, ёсць і англамоўная версія маніторынгу.
Ведаеце, чым можна было б дапоўніць гэты спіс? Напішыце прапановы ў каментарах!
258 viewsedited 16:22