sekktor | магчымасці для культурных і творчых людзей Беларусі

2022-09-02 16:41:06 LINZ FM[Ai]R 23 - арт-#рэзідэнцыя + фестываль ў Лінцы, #Аўстрыя

FMR – мастацтва ў лічбавых кантэкстах і грамадскіх прасторах - гэта фестываль мастацкіх працэсаў і пазіцый, адлюстроўвае эфемерную прыроду нашай лічбавай сучаснасці. Пастаянна прагрэсуючая алічбоўка паўсядзённага жыцця прадугледжвае інтэнсіўнае перакрыцце і напластаванне знаёмых фізічных, але таксама тонка пераплеценых лічбавых прастор.

Каб на працягу месяца стварыць тэматычную працу / развіваць існуючы праект і прадставіць іх, запрашаюцца: #творцы/#мастакі і калектывы ў розных кірунках сучаснага #мастацтва.

Калі:
⁃ рэзідэнцыя: люты - сакавік 2023,
⁃ фестываль: 6-11 чэрвеня 2023.

Забяспечваюцца:
⁃ #грант 800 EUR;
⁃ вытворчы бюджэт да 1000 EUR;
⁃ да 450 EUR за праезд;
⁃ студыя і пражыванне ў адной з кватэр Atelierhaus Salzamt;
⁃ доступ да майстэрняў ва ўніверсітэце мастацтваў;
⁃ прафесійная прэзентацыя вас: #выстава і размова з мастаком (па жаданні) падчас фэсту;
⁃ куратарская падтрымка.

Ддл: 30 верасня.
Падрабязней. Адкрыць / каментаваць

2022-09-02 14:55:33 Новы #digital FAQ: Чым можа дапамагчы вашым праектам хакатон “Культурны код” ад Рэсурснага цэнтру Беларускай Рады культуры і Imaguru Startup HUB Vilnius. 

На “Культурны код” гараць дэдланы рэгістрацыі: 
сёння, 2 верасня, - на афлайн-удзел у Вільні;
8 верасня - на ўдзел анлайн з любой кропкі свету. 

Якая механіка хакатону? (для тых, хто яшчэ не прымаў ўдзел): 
• З вечара пятніцы 9 верасня па вечар нядзелі 11-га ўтвораныя каманды (2+ чалавекі) шчыльна працуюць над заяўленымі ідэямі, што займае асноўны час хакатону. 
• Цягам 48 гадзін тэхнічна-мадэрацыйная каманда Imaguru будзе суправаджаць і адсочваць ваш прагрэс праз рэгулярныя чэк-пойнты; 
• Ментарскі склад (ад IT, бізнесу і культуры) далучыцца на чэк-пойнтах і вашых індывідуальных ментарскіх сесіях; 
• На фінальным пітчынгу вечарам нядзелі вы прадстаўляеце MVP/дэма сваіх праектаў перад складам журы. 

Што далей? 
• Каманды-пераможцы змогуць прадоўжыць працу з ментарамі (у дапоўненым складзе паводле сутнасці праектаў) ў акселерацыйнай праграме цягам восені 2022.

Як прыняць удзел?
Спяшайцеся зарэгістравацца (формы простыя): 
• як удзельнік(-ца) з ідэяй ці не, з камандай ці сола; 
• як ментар; партнёр ці валанцёр хакатону. 
Вы атрымаеце email з пацверджаннем і лінкам на рэгістрацыю на платформе, дзе раскажаце больш пра сябе і сваю ідэю (калі ўжо маеце). 
У далучанай Slack прасторы вы да апошняй хвіліны стартавага пітчынгу ў пятніцу 9 верасня зможаце сфармаваць свае каманды. 

Чым “Культурны код” адрозніваецца ад класічных хакатонаў? (для тых, хто ўжо мае досвед удзелу ў іх): 
• Ён дасць прастору некамерцыйным праектам, якія не разлічаныя стаць стартапамі, але разгляд ідэй як бізнес-праектаў для іх устойлівасці будзе вітацца; 
• Арганізатары і падчас хакатону, і пасля яго скаардынуюць нэтворкінг для далейшай працы ўтвораных каманд з ментарамі і іншымі рэлевантнымі экспертамі.  

Калі я не маю каманды, якія шанцы? Вялікія. Адкідвайце няўпэўненасць, апатыю ці сціплаць і расказвайце, які сервіс/ прадукт/праект хацелі б стварыць. 

Калі я не маю ідэі, ці магу я прыняць удзел? Усім праектам неабходныя праграмісты, дызайнеры, стратэгі, маркетолагі і спецыялісты па камунікацыях. І безумоўна, калегі ацэняць ваш досвед і актыўную цікаўнасць да культурніцкай сферы дзейнасці, у якую ўкладаецца праект. Вы можаце прыняць удзел нават у некалькіх блізкіх вам праектах.

Сайт хакатона Адкрыць / каментаваць

2022-09-02 12:06:07 ТАМ-ТАМ! - творчы #летнік для дарослых у культцэнтры SOKOŁOWSKO, #Польшча, 19-25 верасня

[Прапанова платная, але настолькі чароўная, што не можам яе не апублікаваць.]

Гэты летнік - гэта прастора інтэнсіўнага адпачынку, натуральнай і шчырай творчасці без страху быць сабой.

«Вельмі хочацца вярнуцца ў дзяцінства, у прастору без клішэ і сарамлівасці, рабіць дзіўныя на першы погляд рэчы, адчыняць у сабе новае ці даўно забытае старое.

Мы, важатыя, выступаем у ролі праваднікоў для ўдзельнікаў летніку і нясем галоўную думку: кожны чалавек з'яўляецца Творцам нягледзячы на яго прафесію, адукацыю і жыццёвы досьвед.»

У праграме:
⁃ заняткі жывапісам,
⁃ здымкі кіно і стварэнне мультфільмаў,
⁃ акторскія трэнінгі і гульні,
⁃ шмат рэфлексій.

«ТАМ-ТАМ» прапануе:
- 4/7 дзён творчага адпачынку
- кожнадзённыя заняткі і арт-праекты
- камфортную атмасферу для творчасці і сатворчасці;
- пражыванне ў чароўнай сядзібе на мяжы Польшчы і Чэхіі;
- трохразовае харчаванне.

Усе падрабязнасці па спасылцы. Адкрыць / каментаваць

2022-09-01 18:29:53 Бліжэйшыя бясплатныя семінары ў каворкінгу FBC, #Варшава, #Польшча

«Афармленне працоўных адносін і асаблівасці вядзення прыватнай прадпрымальніцкай дзейнасці ў Польшчы»

2 верасня, 18.15

Экспертка: бізнес-юрыстка Ганна Маціеўская, якая працуе на адну з найбуйнейшых юрыдычных фірм у Польшчы (WKB Wierciński Kwieciński Baehr sp.k.).

Многія беларусы пасля пачатку вайны ва Украіне вымушана рэлакаваліся ў Польшчу і спрабуюць зарабляць і будаваць сваё жыццё тут. Будуць разгледжаныя пытанні не толькі па легалізацыі, але і па вядзенні гаспадарчай дзейнасці, аплаце падаткаў і афармленні на працу ў Польшчы.
Зарэгістравацца.


«SMM для пачаткоўцаў» - лекцыя ад спецыяліста па камунікацыях FBC

7 верасня, 18:30

Лектар: Іван Марозька. Ужо 10 гадоў у медыя і НДА. Працаваў журналістам, кантэнт-мэнэджэрам, кіраваў SMM-аддзелам сайта «Моцныя Навіны».

Вы атрымаеце уступныя веды аб:
- тэкстах у інтэрнэце,
- графічных рэдактарах для працы з сацсеткамі,
- пікчах і мемах як інструменце прасоўвання кантэнту.
Зарэгістравацца.

Колькасць месц абмежаваная!

Адрас: Каворкінг FBC, Mokotowska 24/64
Калі вы хочаце правесці сваё мерапрыемства ў нашым Каворкінгу, які мы даем бясплатна, то запаўняйце заяўку па спасылцы. Адкрыць / каментаваць

2022-09-01 17:05:38 Сябры, ці ўпэўненыя вы ў сваіх ведах па лічбавай бяспецы?

Калі маеце сумневы, вельмі раім падпісацца на Telegram-канал КіберБабёр, дзе каманда экспертаў публікуе простыя і зразумелыя адказы на пытанні па лічбавай бяспецы, а таксама рэкамендацыі, як абараніць свае акаўнты і прылады.

Таксама КіберБабёр праводзіць бясплатныя анлайн-кансультацыі ў боце @CyberBeaverBot па ўсіх вашых пытаннях, ад “Што рабіць, калі ў мяне скралі тэлефон і на ім засталіся мае акаўнты?” да “Як распрацаваць меры бяспекі пад свае спецыфічныя патрэбы?”.

А ніжэй спецыялісты КіберБабра прапануюць падборку іншых класных ініцыятываў нашага рэгіёну, інфарэсурсы якіх варта трымаць пад рукой і пачытваць у вольную хвілінку.


- Бяспека — энцыклапедыя лічбавай бяспекі для журналістаў і актывістаў.

- За BYnet —Тэлеграм-канал, якая адсочвае трэнды ў беларускай інфармацыйнай палітыцы, медыя, лічбавых правах і свабодах і інш.

- Legalhub — бясплатная юрыдычная дапамога ў тым ліку па пытаннях лічбавых правоў і свабод, абароны персанальных дадзеных. Ёсць таксама ў Instagram i Facebook.

- Украінская ГА «Лабораторія цифрової безпеки» (ёсць у Тelegram i Instagram) мае сваю бібліятэку карысных парад «Як?», дзе можна разабрацца, як абараніць вашыя OS ці самыя папулярныя мэсэнджары.

- Roskomsvoboda. Tech Talk з сайтам securno.org з інструкцыямі на, так скажам, розныя жыццёвыя выпадкі.

Далучайцеся, трымайце ў "Абраным" і... беражыце сябе і ўсіх, з якімі маеце агульны доступ да важнай інфармацыі. Адкрыць / каментаваць

2022-09-01 13:35:46 #вакансія

Гётэ-Інстытут ў #Тбілісі, #Грузія шукае Нацыянальнага каардынатара па Беларусі для праекта ЕС «EU4Culture».

Тэрмін: верасень 2022 - снежань 2024.
Стаўка: поўная, 40 гадзін/тыдзень.

Неабходна добрае валоданне нямецкай і ангельскай мовамі.

Поўнае апісанне пазіцыі тут.
Ддл: 12 верасня.

Рэпосты вітаюцца! Адкрыць / каментаваць

2022-09-01 12:40:01 На гэтым тыдні робім digital-інтэнсіў, каб больш расказаць пра бліжэйшыя магчымасці рэалізаваць вашыя праекты на сумежжы культурных/крэатыўных індустрый і інфармацыйных тэхналогій.

І першая важная навіна:
для заявак на форум-лабараторыю «Сulture under pressure» (Грузія/анлайн) працягнуты дэдлайн - да 7 верасня ўключна.

Пра тое, што можа даць гэтая праграма вам і вашым ідэям, мы паразмаўлялі з Машай Танінай, яе суаўтаркай і праграмнай дырэктаркай.

Чытайце поўны тэкст тут.

Падаць заяўку. Адкрыць / каментаваць

2022-08-30 20:56:19 ZeroPlus - праграма для перформераў у Будапешце, #Венгрыя

Гэтая праграма прызначана для ўсіх, хто цікавіцца практыкай руху і перформансу. Яе мэта - стварыць бяспечнае месца, каб #творцы маглі даследаваць сваю індывідуальнасць, пашырыць свой кругагляд і развіць свой творчы голас.

Арганізатары ўключаюць у кола выканальніцкіх мастацтваў: #харэаграфія, тэатральныя практыкі, #перформанс, лічбавыя спектаклі, транс- і міждысцыплінарныя работы.

Калі: 12 верасня 2022 – 16 чэрвеня 2023.

Умовы: 18+ год + здольнасць наведваць заняткі на англійскай мове.
Неабходна даслаць відэазапіс свайго выступу, ёсць спіс крытэраў.

Ддл: заяўкі прымаюцца на пастаяннай аснове. Калі месцы запоўненыя, вы трапіце ў ліст чакання.

Даведцца больш.
Форма рэгістрацыі. Адкрыць / каментаваць

2022-08-30 20:37:59 Гарачая чацвёрка магчымасцяў для работніц/-каў #медыя

Афлайн-семінар для маладых журналістаў і журналістак, #Варшава
22-25 верасня International Media Academy у партнёрстве з Медыя Акадэмія ладзіць інтэнсіў “Стварэнне сетак, абарона інфарматараў” для маладых беларускіх журналістаў/-к.
У праграме экспрэс-курс тэорыі журналістыкі, а таксама цікавая практыка:
- практычны блок па асновах аўдыё- і відэажурналістыкі;
- запіс падкаста з прафесійнай тэхнікай;
- краш-курс па канструктыўнай журналістыцы.
Ддл: 1 верасня.

Праграма стварэння сумесных дакументальных праектаў
European Audiovisual Entrepreneurs, Капенгагенскі міжнародны фестываль дакументальнага #кіно і International Media Support запрашаюць каманды (рэжысёр і прадзюсер) з Арменіі, Азербайджана, Беларусі, Грузіі, Малдовы і Украіны, якія маюць дакументальны праект у распрацоўцы.
Пакрываюцца выдаткі на навучанне, праезд, пражыванне.
Ддл: 2 верасня.

Конкурс ад «Докдокдок» на бясплатнае навучанне
Школа сучаснай фатаграфіі «Докдокдок» прапануе бясплатнае навучанне па праграмах «Дакументальная #фатаграфія і #фотажурналістыка» і «Досведы ў сучаснай фатаграфіі».
Ддл: 7 верасня.

Гранты на трансгранічныя расследаванні ў Еўропе
Трансгранічныя групы прафесійных журналістаў могуць падаць заяўку на атрыманне гранта для пакрыцця працоўнага часу і/або выдаткаў на расследаванне.
Таксама каманды могуць падаць заяўку на #ментарства, каб атрымаць дапамогу альбо па расследаванні, альбо ў патрэбе развіць кампетэнцыяі у пэўным навыку.
Ддл: 20 кастрычніка.

Крыніцы: Press-Club Belarus, каналы «Варушыся!» і «Твои возможности»

#СМІ #журналістыка #журналісты #медыяменеджары Адкрыць / каментаваць

2022-08-29 12:29:05 Тры вакансіі адкрытыя і ў Пражскім грамадзянскім цэнтры

Супрацоўнік/-ца па адміністрацыі грантаў
Будзе кантраляваць рэалізацыю грантаў у рамках свайго партфоліа і будзе галоўнай кантактнай асобай для партнёраў.

Менеджар/-ка праграмы грантаў
Уваходзячы ў каманду па грантах, будзе кіраваць падтрымкай груп грамадзянскай супольнасці ва Усходняй Еўропе.

Менеджар/-ка праграмы грантаў па кірунку «Медыя»
Таксама будзе працаваць у камандзе грантавай падтрымкі, факусуючыся на незалежных медыяарганізацыях ва Усходняй Еўропе.

У прыярытэце будуць кандыдатуры, якія пражываюць у краінах ЕЗ.

Даведацца больш.

#вакансія #Чэхія Адкрыць / каментаваць