Рaдыё Ўнэт

2022-02-28 20:10:37 Уладзімір Зяленскі падпісаў заяўку Украіны на ўступленне ў Еўрапейскі саюз.

Беларуская IT-кампанія EPAM выдзеліць 10 млн грыўняў арганізацыі «Чырвоны Крыж» на медыцынскія патрэбы ўкраінскіх бальніц і патрэбы вымушаных перасяленцаў.

Святлана Ціханоўская ў сваім відэазвароце выказала падтрымку тым, хто гатовы перайсці да актыўнага супрацьстаяння рэжыму Лукашэнкі.

Швейцарская Канфедэрацыя ўводзіць санкцыі Пуціна, Мішусціна, Лаўрова і шэрагу расейскіх алігархаў.

Прэзідэнт Францыі Эмануэль Макрон запатрабаваў правесці поўную інвентарызацыю віл, яхт і люксавых аўтамабіляў расейцаў, якія трапілі ў санкцыйны спіс, з мэтай іх далейшага канфіскацыі.

У Беларусі чатыры дні будуць праводзіць «падрыхтоўку ваеннаабавязаных», заявілі ў Мінабароны РБ. Яна працягнецца да 4 сакавіка.

Кітайскія банкі ўвялі санкцыі супраць РФ. Яны спынілі абслугоўванне здзелак па куплі ў Расіі сыравінных тавараў. Адкрыць / каментаваць

2022-02-28 19:24:29 Завяршыліся украінска-расійскія перамовы. Вынікі перамоў абвесціў Міхаіл Падаляк, дарадца кіраўніка Офіса прэзідэнта Украіны.

Бакі вызначыліся з шэрагам прыярытэтных тэм. Каб рашэнні былі рэалізаваны, бакі вяртаюцца ў свае сталіцы для кансультацый. Пасля плануецца другі раўнд перамоў. Адкрыць / каментаваць

2022-02-28 18:59:23 Украіна афіцыйна падала заяву на сяброўства ў Еўрапейскім саюзе. Адкрыць / каментаваць

2022-02-28 18:27:22 Ціханоўская заклікала беларусаў сабрацца сёння ў 18:00 на прывакзальных плошчах гарадоў і станавіцца ў чэргі ў знак пратэсту супраць вайны. Адкрыць / каментаваць

2022-02-28 16:00:16 Вайна ва Украіне, галоўнае на гэты час:

Хакеры з групы Anonimous працягваюць кібератакі на Расію. Сёння такім атакам падвергнуўся шэраг буйных расійскіх і беларускіх інфармацыйных рэсурсаў.

Японія ўводзіць санкцыі супраць расейскага Цэнтрабанка, а таксама, персанальныя санкцыі супраць Лукашэнкі.

МЗС Японіі заявіў, што Расея акупавала паўднёвую частку Курыльскіх выспаў.

Украіна падасць заяўку на ўступленне ў ЕС у бліжэйшы час.

Украінскае міністэрства абароны паведамляе аб стварэнні інтэрнацыянальнага легіёна. Як паведаміла ведамства, паступіла ўжо некалькі тысяч заявак ад замежнікаў. Адкрыць / каментаваць

2022-02-28 15:04:51 У Мінску пачынаецца суд над палітзняволенымі журналістамі, супрацоўнікамі газеты «Наша ніва» Ягорам Марціновічам і Андрэем Скурко.

Відэа: Праваабарончы цэнтр «Вясна». Адкрыць / каментаваць

2022-02-28 14:12:33 Расія і Украіна праводзяць першыя перамовы. Хто ўвайшоў у склад дэлегацый?

Украіна:
намеснік кіраўніка МЗС Мікалай Тачыцкі,
міністр абароны Аляксей Рэзнікаў,
дарадца кіраўніка Офіса прэзідэнта Міхаіл Падаляк,
кіраўнік фракцыі "Слуга народа" Давід Арахамія,
народны дэпутат Рустэм Умераў,
першы намеснік кіраўніка ўкраінскай дэлегацыі ў трохбаковай кантактнай групе Андрэй Косцін.

Расія:
памочнік прэзідэнта Уладзімір Мядзінскі. У яе склад таксама ўвайшлі
намеснік міністра абароны,
намеснік міністра замежных спраў Андрэй Рудэнка,
старшыня Камітэта Дзяржаўнай думы па міжнародных справах Леанід Слуцкі,
пасол Расіі ў Беларусі Барыс Грызлоў.

Расейска-ўкраінскія перамовы праходзяць у Гомельскай вобласці на беразе ракі Прыпяць. З-за меркаванняў бяспекі дакладнае месца арганізатары перамоў не называюць. Адкрыць / каментаваць

2022-02-28 13:56:20 Пачаліся перамовы Расіі і Украіны. На першым фота ўкраінская дэлегацыя.
Абяцаную трансляцыю ад БЕЛТА прыпынілі і папрасілі адключыць гук і камеры. Адкрыць / каментаваць

2022-02-28 13:06:07 Расійска-украінская вайна, галоўнае на гэты час:

Змянілася стаўка рэфінансавання: Цэнтрабанк Расіі з 9.5% да 20% і Нацбанк Беларусі з 9.25% да 12%.

Брытанскае выданне The Times паведамляе, што ў Кіеве дзейнічаюць больш за 400 «вагнераўцаў», якім Крэмль загадаў забіць прэзідэнта Уладзіміра Зяленскага і ягоны ўрад і падрыхтаваць глебу для захопу ўлады Расіяй.

Паводле дадзеных МУС Беларусі, учора ў краіне, на акцыях пратэсту супраць вайны, было затрымана каля 800 чалавек.

Новая Зеландыя паабяцала даць Украіне 2 мільёны даляраў дапамогі.

У раённым цэнтры Іванкоў Кіеўскай вобласці згарэў гісторыка-краязнаўчы музей у выніку наступу расейскіх войскаў. Там захоўвалася больш за 20 работ сусветна вядомай мастачкі Марыі Прымачэнка.

32 краіны зачынілі неба для расійскіх самалётаў.

Украіна звярнулася ў Еўрасаюз з просьбай пра неадкладнае далучэнне да саюза. Адкрыць / каментаваць

2022-02-28 12:09:36 Перамовы Украіны і Расіі на беларуска-украінскай мяжы:
Абнаўляем публікацыю анлайн.

3. З'явілася відэа, як украінская дэлегацыя прылятае для перамоваў.

2. У склад дэлегацыі ўвайшлі: старшыня фракцыі «Слуга Народа» Давід Арахамія, міністр абароны Украіны Аляксей Рэзнікаў, дарадца кіраўніка Офіса Прэзідэнта Міхаіл Падаляк, першы намеснік кіраўніка дэлегацыі Украіны ў трохбаковай кантактнай групе Андрэй Косцін, народны дэпутат Рустэм Умераў і намеснік міністра замежных спраў Украіны Мікалай Тачыцкі.

1. Украінская дэлегацыя прыбыла ў раён украінска-беларускай мяжы для ўдзелу ў перамовах з прадстаўнікамі Расійскай Федэрацыі. Адкрыць / каментаваць