Рaдыё Ўнэт

2022-03-02 14:31:41 Харкаў быў моцна абстраляны расійскімі войскамі.

Велікабрытанія забараніла расійскім судам заходзіць у парты.

ЗША збіраюцца закрыць сваю паветраную прастору для самалётаў з Расіі.

ЗША і саюзнікі выдзеляць Украіне больш за 1 мільярд долараў дапамогі, у тым ліку ваенную, эканамічную і гуманітарную.

«Украінская праўда» паведамляе, што былы прэзідэнт Украіны Віктар Януковіч цяпер у Мінску. Быццам бы ў Крамлі плануюць абвесціць яго прэзідэнтам Украіны.

Зварот супраць вайны ва Украіне падпісалі больш за 160 лаўрэатаў Нобелеўскай прэміі ва ўсіх намінацыях.

VISA, Mastercard і American Express адмовілася ад супрацоўніцтва з расійскімі банкамі.

Іспанія паставіць Украіне наступальную зброю. Адкрыць / каментаваць

2022-03-02 13:01:48 ​Святлана Ціханоўская аб'явіла антываенную мабілізацыю.

«У бліжэйшую тыдзень усе нашы дзеянні павінны прывесці да двух выніках:
Беларусаў перастаюць успрымаць як агрэсараў.
Беларускія вайскоўцы адмаўляюцца ўдзельнічаць у вайне ці адразу пераходзяць на бок украінцаў».

Ціханоўская заклікае беларусаў да пяці крокаў:
Працаваць з інфармацыйным фронтам, распаўсюджваць праўду і змагацца з прапагандай – каб перашкаджаць інфармацыйнай вайне, якую вядуць дыктатары.
Мабілізаваць маці, каб перашкодзіць адпраўцы іх сыноў, братоў і мужоў ваяваць супраць украінцаў. Аказваць ціск на органы ўлады і ваенкаматы, патрабаваць інфармацыю пра месцазнаходжанне мужчын, спыняць адпраўкі на фронт.
Перашкаджаць рэжыму ваяваць. Праяўляць непадпарадкаванне, рыхтаваць страйк, выводзіць з ладу тэхніку і запавольваць яе працу. Паралізаваць працу дзяржаўнай інфраструктуры, не шкодзячы здароўю і жыццям людзей.
Узмацніць эканамічны супраціў. Забіраць уклады, абнаяўліваць рахункі, пазбаўляць рэжым грошай.
Фарміраваць беларускі корпус з добраахвотнікаў, якія гатовыя абараняць украінскія гарады. Аказваць медычную і лагістычную дапамогу Украіне.

«Вось план. І ён спрацуе, калі кожны возьме на сябе адказнасць за яго выкананне«, – заявіла лідарка дэмсілаў Беларусі.

Азнаёміцца з поўным тэкстам можна тут: https://t.me/tsikhanouskaya/2297 Адкрыць / каментаваць

2022-03-02 01:05:53 Таксама ў Еўрапарламенце па відэасувязі выступіў прэзідэнт Украіны Уладзімір Зяленскі. Ён заявіў аб гатоўнасці Украіны стаць раўнапраўным членам Еўропы.

Канада забараніла расейскім судам заход у свае парты і тэрытарыяльныя воды краіны.

Еўрапейскі банк рэканструкцыі і развіцця бестэрмінова прыпыніў доступ Беларусі і Расіі да яго фінансаў.

Парламент Фінляндыі ў найбліжэйшы час правядзе дыскусію па пытанні далучэння краіны да НАТА. У НАТА заявілі, што пасля адабрэння рашэння ў парламенце Фінляндыя можа быць прынята на працягу 24 гадзін.

Украіна заклікала дапамагчы ўстанавіць беспалётную зону над краінай. НАТА адвергла гэтую ідэю, сцвярджаючы, што гэта можа ўцягнуць Альянс у ядзерны канфлікт з Масквой.

Праект GlobalCheck паведамляе, што сайты «Рэха Масквы» і «Дажджу» ужо заблакаваныя ў Расіі.

НАУ заклікае ўсіх грамадзян Беларусі, якія жывуць у Польшчы, арганізавацца і выехаць у аўторак 2 сакавіка на польска-беларускую мяжу. Адкрыць / каментаваць

2022-03-01 18:16:29 Дыпламаты дзясятка краін пакінулі залу Савета ААН па правах чалавека, калі пачынаецца выступ Лаўрова.

У Беларусі пачалі блякаваць украінскія СМІ.

У Наваполацку падчас рэферэндуму 27 лютага міліцыянты затрымалі каля 80 чалавек.

Кітай падтрымаў суверэнітэт і тэрытарыяльную цэласнасць Украіны.

Прынамсі 136 мірных жыхароў былі забітыя, у тым ліку 13 дзяцей, і 400 атрымалі раненні пасля ўварвання Расеі ва Украіну, паведамілі ў ААН.

Другі раўнд перамоваў паміж Расеяй і Украінай можа адбыцца 2 сакавіка.

У Беларусь паступілі «парадку 160-170 параненых» расейскіх вайскоўцаў, заявіў Лукашэнка.

Павал Латушка анансаваў антываенную акцыю 2 сакавіка на памежным пераходзе «Варшаўскі мост» (Брэст-Тэрэспаль). Адкрыць / каментаваць

2022-03-01 16:53:19 Асноўныя тэзісы заявы прэзідэнткі Еўракамісіі Уршулі фон дэр Ляйен на сённяшнім паседжанні:

ЕС ніколі не прыме тэзіс РФ аб тым, што Украіна не мае права на існаванне, на коне яе лёс, але і лёс ЕС таксама;

Будзе актывізаваны механізм абароны бежанцаў, дазволены доступ да еўрапейскіх школам, шпаталям і сістэме забеспячэння;

Санкцыі: пералічыла тыя, што ўжо былі прынятыя і дадала: «Мы замарозім і іх яхты, і аўтамабілі»;

Спыняюць ліцэнзіі «прапагандысцкай машыны Крамля» – каналаў Russia Today і Sputnik, а таксама даччыных структур;

ЕС адмовіцца ад расійскіх энерганосьбітаў і паскорыць пераход на «зялёную» энергетыку;

Украіне ўжо далі 500 млн еўра ваеннай дапамогі, цяпер ЕС выдзеліць яшчэ 500 млн для дапамогі бежанцам;

Еўраінтэграцыя Украіны: «Сёння ЕС і Украіна бліжэй, чым калі-небудзь. Ніхто не сумняецца ў тым, што людзі, якія так адважна ўсталі на абарону сваёй краіны, не могуць заставацца па-за еўрапейскай сямʼёй». Адкрыць / каментаваць

2022-03-01 15:52:54 Актуальная інфармацыя ў аўдыёфармаце пра вайну ва Украіне ў «Світанку свабоды»:

Вынікі першага раўнду перамоваў паміж Украінай і Расіяй;

Якія санкцыі па ўсім свеце ўведзеныя супраць РФ і Беларусі;

Украінскі карэспандэнт нашага радыё распавёў, як людзі перажываюць вайну, ці ёсць праблемы з дастаўкай паліва і харчавання, а таксама пра стварэнне атрадаў самаабароны і валанцёрскага руху;

Што рабіць беларусам ва Украіне цяпер, каб не стаць падазраванымі ў агентурнай працы на ворага – парады кіраўніка Беларускага крызіснага цэнтру ва Львове;

Як дапамагчы ўцекачам і як стаць валанцёрам у Польшчы – распавядае актывістка Бажэна Шамовіч;

Беларускі палітык, былы вязень сумлення Алесь Стральцоў распавёў пра свой уступ у тэрытарыяльную абарону. Адкрыць / каментаваць

2022-03-01 15:18:32

Еўрапарламент прыняў заяўку Украіны на ўступленне ў Еўрасаюз. Пачатая спецыяльная працэдура ўступлення. Адкрыць / каментаваць

2022-03-01 15:01:36 Уладзімір Зяленскі звярнуўся да Еўрапарламента на конт прыняцця Украіны ў ЕС:

"Гэта раніца была трагічнай. Дзве крылатыя ракеты ўдарылі па Харкаву. Там заўсёды было шмат рускіх. Там шмат ВНУ. Моладзь, яркая, разумная, якая збіралася на самай вялікай плошчы ў дзяржаве, Еўропе, плошча Свабоды. Дзве ракеты ў плошчу Свабоды. Дзясяткі ахвяраў-вось такая цана свабоды. Мы змагаемся за сваю зямлю і свабоду."

Сачыць анлайн. Адкрыць / каментаваць

2022-03-01 14:14:46 Міністэрства абароны Украіны паведамляе, што паводле стану на 6 раніцы 1 сакавіка расійскія войскі страцілі ўжо больш за 5,7 тысячы салдат, больш за 800 баявых машын, амаль 200 танкаў і шмат іншай тэхнікі, 200 расейскіх вайскоўцаў – у палоне.

61 чалавек быў затрыманы ў Беларусі ў панядзелак на антываенных акцыях. Пра гэта паведамляе Праваабарончы цэнтр «Вясна».

Mastercard і Visa заблакавалі доступ некалькім расейскім банкам.

Украіна паведаміла аб уваходжанні беларускіх войскаў у Чарнігаўскую вобласць.

Прэзідэнт Украіны Уладзімір Зяленскі выступіць сёння з прамовай у Еўрапарламенце.

Беларускія камунальнікі зафарбоўваюць надпісы «Спыні вайну», якія масава з'явіліся на вуліцах Мінска.

Прэзідэнты Літвы, Польшчы, Латвіі, Эстоніі, Чэхіі, Славеніі, Балгарыі і Славакіі звярнуліся з адкрытым лістом да лідараў ЕЗ з заклікам падтрымаць просьбу Украіны аб сяброўстве ў ЕС.

Уладзімір Зяленскі напісаў новы зварот: «Пасля ўдару па плошчы Свабоды ў Харкаве Расея – гэта дзяржава-тэрарыст». Адкрыць / каментаваць

2022-03-01 01:06:04 Вайна ва Украіне. Галоўнае на вечар:

Украіна звярнулася да ЕС з просьбай аб прадастаўленні ваеннай тэхнікі, у тым ліку сістэм супрацьпаветранай абароны і супрацьракетнай абароны.

Вялікабрытанія найбліжэйшымі днямі цалкам замарозіць актывы ўсіх расійскіх банкаў. Аб гэтым заявіла кіраўнік МЗС краіны Ліз Трас.

Вярхоўная Рада рыхтуе законапраект аб канфіскацыі ўсёй расійскай маёмасці ва Ўкраіне.

Расейскія ўлады на фоне абвалу курса расейскага рубля і фондавых індэксаў прынялі рашэнне не праводзіць да 5 сакавіка на Маскоўскай біржы ранішнія і вячэрнія сесіі.

Францыя не прызнае вынікі рэферэндуму ў Беларусі – французскі МЗС.

Прэзідэнты Балгарыі, Чэхіі, Эстоніі, Латвіі, Літвы, Польшчы, Славакіі, Славеніі лічаць, што Украіна заслугоўвае перспектывы неадкладнага ўступлення ў Еўрапейскі саюз. Адкрыць / каментаваць