Martsinovich Theatre

2022-03-29 10:24:40 Не люблю цытаваць дзяржаўную прэсу, але...

"В могучих руках худрука Большого Валентина Елизарьева величественный триптих Петра Ильича Чайковского — «Лебединое озеро», «Щелкунчик» и «Спящая красавица» — задышал с новой силой. Не каждый театр может позволить себе такой размах. Авторы спектакля не ставили перед собой неблагодарную задачу «сказать новое слово» или, упаси бог, «осовременить»", - піша "СБ. Беларусь сегодня".

У прынцыпе, лепш пра сучасную дзяржаўную палітыку ў сферы тэатра і не скажаш. Адкрыць / каментаваць

2022-03-26 12:25:39 Сёння, 26 сакавіка, на відэасервісе VOKA адбудзецца прамая трансляцыя прэм'еры РТБД - спектакля "Камень дурасці" https://voka.tv/channels/voka_live
Пачатак у 19 гадзін. Адкрыць / каментаваць

2022-03-25 18:00:18 Сёння, заўтра і паслязаўтра можна паглядзець спектакль "Сабакі Эўропы" па раману Альгерда Бахарэвіча (праект Свабоднага тэатра).

Спасылка:

Адкрыць / каментаваць

2022-03-25 09:43:38 Юлія Харкевіч, новы дырэктар Коласаўскага тэатра Адкрыць / каментаваць

2022-03-25 09:43:32 У віцебскім Коласаўскім тэатры новы дырэктар — Юлія Харкевіч. У тэатры яна амаль 20 гадоў, з 2009-га працавала намеснікам дырэктара.

Харкевіч змяніла Аляксандра Старых, якога знялі за спектакль пра Ціля Уліншпігеля — там гучала фраза "Жыве Фландрыя!" Адкрыць / каментаваць

2022-03-24 17:53:51 Прэм'ера ў Тэатры юнага гледача Адкрыць / каментаваць

2022-03-20 20:48:49 Можна паглядзець анлайн оперу "Дон Жуан", якую ў 2020-м паставіў Марат Гацалаў у Пермскім тэатры. Відэа даступнае да заўтрашняга дня (21 сакавіка) да 16 гадзін.
Восем намінацый на "Залатую маску". Адкрыць / каментаваць

2022-03-15 10:02:13 У 2020-м у Гродзенскім тэатры драмы звольнілі частку трупы. Рэжысёрам калектыву стаў Сяргея Яскевіч. У наступным месяцы ў Мінск прывязуць яго новы спектакль. Афіша лепш за ўсё кажа пра густ стваральнікаў гэтай пастаноўкі. Адкрыць / каментаваць

2022-03-11 16:45:03 Ганна Маторная стала галоўным рэжысёрам Опернага тэатра.

Яна вучаніца Маргарыты Ізорскай-Елізар'евай. Доўгі час працавала ў Музычным тэатры.

Летась прыйшла ў Оперны, паставіла там "Фаўста" і "Дзікае паляванне караля Стаха". Адкрыць / каментаваць

2022-03-09 23:18:49 11 сакавіка (пятніца) можна будзе паглядзець прамую трансляцыю спектакля "Сабакі Еўропы". Гэта праект Свабоднага тэатра па аднайменнаму раману Альгерда Бахарэвіча. Прэм'ера адбудзецца ў Лондане.

Паказ адбудзецца на YouTube-канале тэатра. Праўда, час нязручны: 22:45 па Мінску:
https://www.youtube.com/c/BelarusFreeTheatre/videos

Відэа не будзе даступна пасля таго, як паказ скончыцца.

Свабодны ставіў гэты спектакля ў Мінску ў 2020-м. Пісаў пра яго крытычную рэцэнзію, якая, натуральна, згарэла разам з тутбаеўскім архівам. Зрэшты, пашукаю ў сябе ў чарнавіках. Цікава будзе параўнаць два спектаклі і даведацца, ці будзе рэжысёр Мікалай Халезін нешта зменяць.

Дарэчы, спектакль звышактуальны. У ім Беларусь становіцца часткай Расійскай імперыі, а на заходняй мяжы - жалезная заслона. Адкрыць / каментаваць