Белсат

2023-06-12 22:31:51 Украінцы вяртаюцца з расейскага палону

Паводле Уладзіміра Зяленскага, з пачатку вайны з палону вярнулі 2526 украінцаў.

Паглядзіце, як выглядаюць першыя хвіліны на роднай зямлі Адкрыць / каментаваць

2023-06-12 22:10:02 Яшчэ адзін вядомы дыджэй адмовіўся ад выступу ў Беларусі

Беларусы ў Швецыі звярнулі ўвагу на дыджэя і прадзюсара KAAZE, выступ якога быў пазначаны ў праграме фестывалю Viva Braslav.

Прадстаўнікі беларускай дыяспары нагадалі музыку пра саўдзел у вайне, палітвязняў, дыктатарскі рэжым у краіне, куды ён плануе ехаць з выступам.

Літаральна праз гадзіну KAAZE заявіў ад адмене паездкі на Viva Braslav.

На мінулым тыдні адмовіўся ад выступу адзін з самых вядомых дыджэяў Даніі Martin Jensen. Спачатку ён сказаў, што нічога не ведае ні толькі пра фэст, але і пра Лукашэнку. Аднак адмяніў выступ у Беларусі. Адкрыць / каментаваць

2023-06-12 21:50:04 Адкрыць / каментаваць

2023-06-12 21:31:25 Палітвязні аб’ядноўваюцца ў арганізацыю

Як удакладніў «Белсату» сябра ініцыятыўнай групы для стварэння арганізацыі былы палітзняволены Алег Кулеша, засноўвае яе суполка былых палітвязняў у замежжы, якая налічвае больш за 70 чалавек і якая «з кожным днём павялічваецца»:

«Нашая мэта – дапамога палітвязням. Не кажу «былым», бо палітвязень – гэта назаўжды».

Аляксандр Кабанаў прызнаўся, што, калі сядзеў, не зважаў на свой статус, які ў калоніі мала на што ўплывае («Існуе думка, што, калі цябе прызналі палітвязнем, у цябе на зоне будуць праблемы, але гэта не так»). Аднак па вызваленні гэты статус мае вялікае значэнне.

«Мы кажам у міжнародных структурах, што афіцыйная лічба такая і такая, але адразу зазначаем, што насамрэч, мы думаем, іх у тры разы больш. Нам пакуль вераць на слова», – распавяла прадстаўніца Аб'яднанага кабінету Аліна Коўшык.

Удзельнікі дыскусіі абмяркоўвалі таксама балючую тэму недастатковага падтрымання былых палітвязняў, якія за мяжой займаюцца «ганебнай працай», не маюць, дзе жыць, і адчуваюць сябе нікому не патрэбнымі, хоць раней іх называлі героямі

Падрабязней чытайце ў нашым матэрыяле

Праз VPN Без VPN Адкрыць / каментаваць

2023-06-12 21:06:19 Мужчына напаў на трансгендарную жанчыну за сцяжок Украіны побач са сцягам ЛГБТ+. Затрымалі жанчыну

Гэта адбылося ў Менску. Паводле «TG House», на мінулым тыдні мужчына кінуўся з абразамі на трансгендарную жанчыну, нанёс некалькі ўдараў, паваліў на зямлю. Заяўляў, што жанчына абразіла Украіну спалучэннем сцягоў на заплечніку. Некалькі разоў нападнік называў Украіну «сваёй краінай».

Жанчына расказала пра інцыдэнт сябрам, а пасля сувязь з ёю знікла. Аказалася, што пацярпелую затрымалі «за пратэстную дзейнасць» Адкрыць / каментаваць

2023-06-12 20:51:06 ЗСУ вызвалілі за апошнія два дні мінімум пяць паселішчаў на поўдні краіны

Аднак рабіць высновы аб эфектыўнасці ўкраінскага контрнаступу пакуль рана, галоўныя падзеі яшчэ наперадзе.

Па стане на 12 чэрвеня можна канстатаваць, што ЗСУ праводзяць наступальныя аперацыі на трох участках фронту.

На мінулым тыдні расейская інфармацыйная прастора была перапоўнена радаснымі заявамі прапагандыстаў наконт нібыта правалу ўкраінскага контрнаступу і вялізарных стратаў ЗСУ. Аднак у апошнія два дні рыторыка Z-каналаў стала змяняцца.

І незалежныя аналітыкі, і расейскія ваенкоры мяркуюць, што асноўныя рэзервы ЗСУ ў бой яшчэ не ўведзены. Куды яны будуць кінутыя – пытанне пакуль адкрытае.

Праз VPN Без VPN Адкрыць / каментаваць

2023-06-12 20:32:06 Разгляд справы аб забойстве журналіста Паўла Шарамета працягнуць пасля 3 гадоў слуханняў

За апошнія гады змяніўся склад народных засядальнікаў, таму, паводле Крымінальна-працэсуальнага кодэксу, справу распачнуць разглядаць нанова.

Павел Шарамет нарадзіўся ў Менску. Працаваў вядоўцам на Беларускім тэлебачанні. Затым рэдактарам «Белорусской деловой газеты».

У 1997 годзе пасля паказу ў эфіры тэлеканала ОРТ рэпартажа аб фактычнай адсутнасці мяжы паміж Беларуссю і Літвой Шарамет быў арыштаваны беларускімі сілавікамі

Ён стаў першым беларускім журналістам, якога Лукашэнка назваў заходнім шпіёнам.

Павел Шарамет загінуў раніцай 20 ліпеня 2016 года, калі ў цэнтры Кіева выбухнуў аўтамабіль.

Паслухайце, што яшчэ гаварыў Павел падчас нашай колішняй размовы

Праз VPN Без VPN Адкрыць / каментаваць

2023-06-12 20:16:06 Чарговы здзек беларускіх сілавікоў

Гэтым разам яны апублікавалі відэа з затрыманымі, наклаўшы на іх твары эмодзі. Відэа суправадзілі допісам «горящие туры в ИВС».

Паводле каналу, блізкага да сілавікоў, затрыманыя жыхары Віцебску за каментары ў сацсетках і падпіскі на «экстрэмісцкія рэсурсы». Жанчына на відэа кажа, што прычынай затрымання таксама быў кубак з выявай «Пагоні» і надпісам «Жыве Беларусь».

Агулам затрыманыя шэсць чалавек. Адкрыць / каментаваць

2023-06-12 20:02:40 СТРЫМ. «Аб'ектыў» + «Студыя Белсат» – галоўныя падзеі дня!

У сённяшнім выданні абмяркуем:

Пракуратура Літвы пачала расследаванне справы аб датычнасці рэжыму Лукашэнкі да незаконнага перамяшчэння ўкраінскіх дзяцей;

Праверка Аб’яднанага Пераходнага кабінету не выявіла ўцечкі інфармацыі плану «Перамога» ды іншых ініцыятываў ByPol;

У Светлагорску затрымалі восем супрацоўнікаў тэлеканалу «Ранак». Разбіраемся, што такое і пры чым тут выбух на кардонным камбінаце?

Вядомы актывіст, былы палітвязень Ілля Міронаў з’ехаў з Беларусі;

Наступ ідзе, ЗСУ пакрысе вызваляюць ад акупацыі селішчы;

Самалёт чарнагорскай авіякампаніі ляцеў у Літву праз Беларусь, хоць гэта забаронена з 2021 года;

У Беларусі стартаваў прыём у першыя класы. Каля школы ў Новай Баравой утварылася даўжэнная чарга

Далучайцеся да нашага эфіру!

https://www.youtube.com/live/XJT7ByrZQnw?feature=share Адкрыць / каментаваць

2023-06-12 19:36:09 Абвінавачванні, выстаўленыя супраць Берлюсконі (а іх не менш за 60), маюць асобную старонку ў Вікіпедыі

Адзін з найбагацейшых людзей Італіі. Ён тройчы займаў пасаду прэм’ер-міністра Італіі і быў першым мультымільярдэрам, які ўзначаліў урад еўрапейскай дзяржавы.

Апроч гэтага, Бэрлюсконі быў уладальнікам футбольнага клубу «Мілан» з 1986 да 2017 года. Палітык неаднаразова быў удзельнікам карупцыйных і секс-скандалаў.

Чым яшчэ вядомы скандальны італьянскі палітык, глядзіце ў відэа

А таксама чытайце па спасылках

Праз VPN Без VPN Адкрыць / каментаваць