2021-11-25 18:15:59
28.11 (нядзеля) праект "VANDRVM" і "Мастацкі дом Угрыновіч" запрашаюць вас на вандроўку і каціны майстар-клас!
Вас чакае "ВАНДРОЎКА ПА РАКАЎСКІМ ПРАДМЕСЬЦІ І ВАКОЛІЦАХ"!
Падчас гэтай экскурсіі мы пагаворым пра найцікавае Ракаўскае прадмесьце і яго жыхароў.
Вас чакае аповед пра "пераезд" Менску і таямнічы горад Няміза, гісторыя першай мураванай менскай царквы і двух помнікаў ёй, а яшчэ плошча 8 сакавіка і шэдэўральная гісторыя яе неперайменаваньня:) Таксама пабачым цікавы савецкі барэльеф і пабываем ля самага старога менскага храму, а далей паблукаем па вузкіх вулачках Ракаўскага прадмесьця зь яго першым менскім кінатэатрам, габрэйскім ЗАГСам, хлебзаводам і шпалернымі фабрыкамі, а таксама найстаражытнай менскай вуліцай без старых дамоў.
Маршрут: пл. 8 сакавіка – Петрапаўлаўская царква – Ракаўскае прадмесьце
Адлегласьць: 1541 крок
Сустракаемся ў 14.00 каля стэлы-помніку першай менскай царкве, што стаіць паміж ракой і Рэспубліканскім домам фізкультуры, пр-т Пераможцаў, 2.
"…Герой нашей историйки – немец Вильгельм Данилович Гинденбург, живёт в центре города, на Юрьевской, а ездит отсюда на извозчике во все концы — к полякам, к татарам, к евреям... Потому что он акушер, будущий основатель и президент Общества минских врачей. И нет ему отдыха ни днём, ни ночью, ни даже по праздникам. Как нет отдыха и его спутнику – большому рыжему коту. Не торопясь, но и не отставая, с достоинством бежит он рядом с повозкой. Зовут кота Бургомистром, и его знает весь город. Впрочем, кот ориентируется в городе не хуже извозчиков и может служить доктору провожатым" (Міхаіл Валодзін, "Мінскія гісторыйкі")
Мы патрапім у самае сэрца містычнага Траецкага прадмесьця, дзе вас чакае эксклюзіў – аўтарскі майстар-клас ад знакамітай мастачкі Вольгі Угрыновіч, на якім вы сваімі рукамі з дапамогай і падказкамі Вольгі і яе вучаніц зможаце стварыць уласны парцалянавы сувенір – знакамітага ката Бургамістра!
Кошт майстар-класу – 50 руб.
Каб прыняць удзел у майстар-класе, дашліце мне заяўку ў Viber +375 (29) 564-70-09 ці смс на гэты ж нумар наступнай формы: "Угрыновіч 28.11! Нас х чалавек (таксама напішыце вашае імя і прозьвішча)".
Не марудзьце з запісам, месцаў усяго 25!
Сустракаемся ў 16.00 ля помніку Язэпу Драздовічу.
УВАГА! На вандроўку завітаць могуць УСЕ АХВОТНЫЯ, яна традыцыйна бясплатная (за чаявыя). Платнай зьяўляецца after-party – удзел у найцікавым майстар-класе ад Вольгі Угрыновіч!
230 views15:15
V
