VANDRVM

2022-09-02 10:45:04 Адкрыць / каментаваць

2022-09-02 10:44:59 17.09 (субота) запрашаю вас у аўтобуснае падарожжа "ВАНДРОЎКА Ў ГОРВАРТС І ВАКОЛІЦЫ"!

Маршрут: Нароўля – Барысаўшчына – Рудакоў (≈800 км)

У НАРОЎЛІ нас будзе чакаць палац паноў Горватаў, валодае якім… пісьменьнік Андрэй Горват! Выкуплены будынак ХІХ стагодзьдзя актыўна рэстаўруецца, сьведкамі чаго мы з вамі і станем, а таксама далучымся, бо 10 руб. з кожнага квітка пойдуць на аднаўленьне палацу і кожны з вас паўдзельнічае ў добрай справе! А яшчэ мы пагутарым з панам Андрэем пра род Горватаў, маёнтак, рэстаўрацыю і творчасьць, таксама можна будзе атрымаць аўтограф, то бярыце "Радзіва Прудок" і "Прэм’еру" з сабой! У вёсцы БАРЫСАЎШЧЫНА нас з вамі чакае… Шатландыя! Іншымі словамі вежу сядзібы Ястржэмбскіх і апісаць немагчыма, бо выглядае яна як сапраўдны шатландзкі замак, у чым вы самі і пераканаецеся! Маёнтак ХІХ стагодзьдзя сёньня ня ў лепшым стане, але нават яго велічныя руіны уражваюць і хочацца спадзявацца на аднаўленьне гэтага найцікавага помніка нашай мінуўшчыны. А фінальнай кропкай нашага падарожжа стане сядзіба роду Ваньковічаў у вёсцы РУДАКОЎ, дзе вы пабачыце нэабарочны палац пачатку ХХ ст., бровар і гаспадарчыя пабудовы, брукаванку і шыкоўны стары парк – тут будзе на што падзівіцца і ад чаго атрымаць асалоду, а самыя пільныя з вас змогуць адшукаць фамільную цэглу Ваньковічаў зь вензелем "W".

АБАВЯЗКОВА МЕЦЬ ПРЫ САБЕ ПАШПАРТ! Ежу і ваду ў дарогу бярыце з сабой.

Кошт – 85 руб., пенсіянерам/студэнтам/школьнікам – 75 руб. Аплата за тур – у аўтобусе.

Каб запісацца на вандроўку, дашліце мне заяўку ў Viber +375 (29) 564-70-09 наступнай формы: "Вандроўка 17.09! Нас х чалавек (таксама напішыце вашае імя і прозьвішча)"

На пасадку запрашаю згодна з чаргой вашага запісу, таму чым раней вы запісаліся, тым лепш:) Пры патрэбе па здароўю пазначце ў заяўцы неабходнасьць выдзяліць вам месца ў першай палове аўтобусу.

Сустракаемся ў 07.00 ля Чырвонага касьцёлу каля статуі Арханёла Міхала.

У Менск вяртаемся пасьля 23.00 Адкрыць / каментаваць

2022-09-01 14:10:52 Адкрыць / каментаваць

2022-09-01 14:10:44 10.09 (субота) запрашаю вас у аўтобуснае падарожжа "ЭПАС СТАРОЙ ЛІТВЫ"!

Маршрут: Мір – Шчорсы – Мураванка – крыж Пуслоўскіх – Наваградак – Літоўка – возера Сьвіцязь – Туганавічы – камень філарэтаў (≈400 км)

У МІРЫ агледзім звонку знакаміты замак і зробім шыкоўныя фатаздымкі, а ў ШЧОРСАХ нас будзе чакаць сядзіба Храптовічаў і казачны фальварак МУРАВАНКА, пасьля якога мы накіруемся да знакамітага КРЫЖА ЭВЕЛІНЫ ПУСЛОЎСКАЙ, пад якім спачывае таксама яе сын-паўстанец Адам, і дзе вы даведаецеся шчымлівую гісторыю гэтай шляхецкай сям’і. А недалёка ўжо НАВАГРАДАК, што сустрэне нас замкавай гарой, старажытнымі касьцёламі і курганам Адама Міцкевіча, а блізкая ЛІТОЎКА – унікальнай фэнтэзі-сядзібай! Пасьля яе – адпачынак на беразе чароўнага возера СЬВІЦЯЗЬ, дзе мы зможам зладзіць пікнік ля вады і набрацца сілаў, бо далей нас чакае ТУГАНАВІЦКІ ПАРК са сваімі гісторыямі, таямніцамі, а таксама найпрыгожымі старымі дрэвамі, якім ёсьць, што нам распавесьці, а асабліва пра блізкі КАМЕНЬ ФІЛАРЭТАЎ – фінальны пункт нашага падарожжа, месца колішніх таемных сустрэчаў Адама Міцкевіча, Тамаша Зана, Яна Чачота ды Ігната Дамейкі – ну як тут вершы не пачытаць?!

АБАВЯЗКОВА МЕЦЬ ПРЫ САБЕ ПАШПАРТ! Ежу і ваду ў дарогу бярыце з сабой.

Кошт – 65 руб., пенсіянерам/студэнтам/школьнікам – 60 руб. Асобная самастойная аплата ў сядзібе ў Літоўцы – 5 руб. Аплата за тур – у аўтобусе.

Каб запісацца на вандроўку, дашліце мне заяўку ў Viber +375 (29) 564-70-09 наступнай формы: "Вандроўка 10.09! Нас х чалавек (таксама напішыце вашае імя і прозьвішча)"

На пасадку запрашаю згодна з чаргой вашага запісу, таму чым раней вы запісаліся, тым лепш:) Пры патрэбе па здароўю пазначце ў заяўцы неабходнасьць выдзяліць вам месца ў першай палове аўтобусу.

Сустракаемся ў 08.00 ля Чырвонага касьцёлу каля статуі Арханёла Міхала.

У Менск вяртаемся пасьля 22.00 Адкрыць / каментаваць

2022-08-31 08:50:40 Адкрыць / каментаваць

2022-08-31 08:50:38 03.09 (субота) запрашаю вас у прэм’ернае аўтобуснае падарожжа "ПАСЬПЕЦЬ НАМАЛЯВАЦЬ, КАБ УБАЧЫЛІ НАШЧАДКІ"!

Маршрут: Заказель – Варацэвічы – Янаў – Пінск – канал Агінскага (≈700 км)

Па родных мясьцінах славутага мастака Напалеона Орды вандруем з вамі гэтым разам. Пачнем мы зь мястэчка ЗАКАЗЕЛЬ, дзе агледзім шыкоўную гатычную капліцу-пахавальню роду Ажэшкаў (1849), а далей накіруемся ў ВАРАЦЭВІЧЫ, дзе нас чакае музэй і адноўленая сядзіба славутага мастака, кампазітара, паўстанца і патрыёта Напалеона Орды. Таксама мы наведаем горад ЯНАЎ, дзе знаходзіцца прыгожы помнік мастаку, яго магіла і цікавы касьцёл Узвышэньня Сьв. Крыжа (1848) ў стылі ампір. Надалей нас чакае ТРЫЛІНКА – дарога польскага часу, выкладзеная з 6-граных плітак вагой па 30 кг кожная, па якой мы трапім у сталіцу Палесься ПІНСК! Тут мы завітаем у знакаміты музэй Беларускага Палесься, што месьціцца ў мурах барочнага езуіцкага калегіюму XVII ст., будзем дасьледваць горад, дзівіцца на трылінку і палац Бутрымовічаў (1790), а таксама наведаем вельмі прыгожую Bazyliku katedralnu Wniebowzięcia Najświętszej Maryi Panny (1730), што была збудавана франьцішканамі ў стылі барока. А на зваротным шляху спынімся ля знакамітага КАНАЛУ АГІНСКАГА, што калісьці адыгрываў важную ролю ў гандлі нашай краіны.

АБАВЯЗКОВА МЕЦЬ ПРЫ САБЕ ПАШПАРТ! Ежу і ваду ў дарогу бярыце з сабой.

Кошт – 90 руб., пенсіянерам/студэнтам/школьнікам – 85 руб. У кошт уваходзіць наведваньне і экскурсійнае абслугоўваньне ў музэях ў Варацэвічах і Пінску. Аплата за тур – у аўтобусе.

Каб запісацца на вандроўку, дашліце мне заяўку ў Viber +375 (29) 564-70-09 наступнай формы: "Вандроўка 03.09! Нас х чалавек (таксама напішыце вашае імя і прозьвішча)"

На пасадку запрашаю згодна з чаргой вашага запісу, таму чым раней вы запісаліся, тым лепш:) Пры патрэбе па здароўю пазначце ў заяўцы неабходнасьць выдзяліць вам месца ў першай палове аўтобусу.

Сустракаемся ў 06.00 ля Чырвонага касьцёлу каля статуі Арханёла Міхала.

У Менск вяртаемся пасьля 23.00 Адкрыць / каментаваць

2022-08-31 08:48:41 Сябры, цяпер мае вандроўкі па Беларусі можна падарыць! А разам зь імі цудоўны настрой, шмат цікавостак, сьмяшынак і нават сапраўднае падарожжа ў часе!

Кошт сертыфікату на аўтобуснае падарожжа па Беларусі – 75 руб.

Сертыфікат – гэта месца ў аўтобусе на нашы выязныя вандроўкі, а сума – гэта дэпазіт, суадносна пры больш дарагім маршруце спатрэбіцца даплата, а пры таньнейшым рэшта застанецца на наступны тур.

Тэрмін дзеяньня сертыфікату: да 31.12.2023

Каб замовіць сертыфікат, пішыце на viber альбо тэлефоньце +375 (29) 564 70 09 Адкрыць / каментаваць

2022-08-31 08:45:56 Сябры, цяпер мае вандроўкі па Менску можна падарыць! А разам зь імі цудоўны настрой, шмат цікавостак, сьмяшынак і нават сапраўднае падарожжа ў часе!

Кошт сертыфікату на індывідуальны тур па Менску: 150 руб. Уладальнік сертыфікату можа ўзяць з сабой да 15 чалавек.

Тэрмін дзеяньня сертыфікату: да 31.12.2023

Каб замовіць сертыфікат, пішыце на viber альбо тэлефоньце +375 (29) 564 70 09 Адкрыць / каментаваць

2022-08-30 19:56:40 Навіны праекту з сакрэтнага мейсца, глядзець усім! Адкрыць / каментаваць

2022-08-30 09:17:21 Сябры, трымайце сьпіс нашых выязных вандровак на сезон! Зацікавіў нейкі тур? Напішыце на viber (29) 564 70 09 і я дашлю вам праграму з усімі падрабязнасьцямі.

03.09 (субота) "ПАСЬПЕЦЬ НАМАЛЯВАЦЬ, КАБ УБАЧЫЛІ НАШЧАДКІ" (Заказель – Варацэвічы – Янаў – Пінск – канал Агінскага). 15 вольных месцаў.

10.09 (субота) "ЭПАС СТАРОЙ ЛІТВЫ" (Мір – Шчорсы – Мураванка – крыж Пуслоўскіх – Наваградак – Літоўка – возера Сьвіцязь – Туганавічы – камень філарэтаў). 6 вольных месцаў.

17.09 (субота) "ВАНДРОЎКА Ў ГОРВАРТС І ВАКОЛІЦЫ" (Нароўля – Барысаўшчына – Рудакоў). 4 вольных месцы.

24.09 (субота) "ТУРЫСТ ПРЫЗЯМЛІЎСЯ Ў ГАРОДНІ" (Менск – Гародня – Менск). 20 вольных месцаў.

01.10 (субота) "БЕЛАРУСЬ АРХАІЧНАЯ" (Хальч – Ветка – Гомель). 37 вольных месцаў.

08.10 (субота) "АД ПОЛАЦКУ ПАЧАЎСЯ СЬВЕТ" (Менск – Полацк – Менск). 10 вольных месцаў.

15.10 (субота) "РЫЦАРЫ СТАРОЙ ЛІТВЫ" (Ляхавічы – Грушаўка – Мядзьведзічы – Савейкі – Фларыянава – Сноў – Вялікая Ліпа). 29 вольных месцаў.

22.10 (субота) "ЭКСПРЭС ПАРЫЖ–ЛУЖКІ" (Глыбокае – Удзела – Мосар – Парыж – Лужкі). 48 вольных месцаў.

29.10 (субота) "ПА СЬЛЯДОХ МІНУЛАГА КАХАНЬНЯ" (Іўе – Ліпнішкі – Дворышча – Бальтэнікі – Беняконі – Гайцюнішкі – Геранёны – Суботнікі – Жамыслаўль). 42 вольных месцы. Адкрыць / каментаваць