VANDRVM

2022-07-29 14:46:10 Я тут працую-працую, рыхтую заўтрашні выезд, а тым часам Рыжун... Адкрыць / каментаваць

2022-07-29 11:26:52 СЁНЬНЯ, 29.07 (пятніца), вас чакае "ШПАЦЫР ПА СТАРАЖОЎСКАЙ"!

На гэтай вандроўцы вас чакае цікавае падарожжа па былой вуліцы Старажоўскай, а празь яе – па старонках гісторыі гораду і краіны.

Таямніцы плошчы Перамогі і метро, Леся Украінка і Асмалоўка, а таксама традыцыі менскага броварства, Сьцяпанаўскі сад, таямнічы старажытны некропаль і легенда аб заснаваньні Менску - на былой Старажоўскай намяшана столькі ўсяго цікавага і неверагоднага, як і ў гісторыі нашага гораду і краіны. Завітвайце, будзем разьбірацца:)

Маршрут: пл. Перамогі – Асмалоўка – "Аліварыя" – царква Сьв. Марыі Магдалены - Пярэспа

Адлегласьць: 3116 крокаў

Сустракаемся ў 19.00 каля дому-музею І зьезду РСДРП. Адкрыць / каментаваць

2022-07-29 08:32:09 Адкрыць / каментаваць

2022-07-29 08:31:57 06.08 (субота) запрашаю вас у прэм’ернае аўтобуснае падарожжа "АСТРАВЕЦКІ СУСЬВЕТ"!

Маршрут: Солы – Гервяты – Міхалішкі – Тракенікі – Варняны – Астравец – Гудагай (≈400 км)

Зноў вандруем на чароўную Астравеччыну! У СОЛАХ у чарговы раз пераканаемся ў тым, наколькі бязьмежнай можа быць чалавечая і архітэктурная фантазія на прыкладзе мадэрнага касьцёлу Маці Божай Ружанцовай (1934) і могілкавай капліцы роду Качаноў, а ў ГЕРВЯТАХ будзем дзівіцца – настолькі неверагоднай вышыні і прыгажосьці там Траецкі касьцёл (1903)! А вось барочны касьцёл Сьв. Міхала Арханёла XVII ст. ў МІХАЛІШКАХ толькі на першы погляд просты, бо ўнутры вас чакае настолькі неверагоднае хараство, што і словамі апісаць немагчыма! Далей рушым у ТРАКЕНІКІ, дзе агледзім сядзібна-паркавы ансамбль Богушаў-Шышкаў ХІХ ст. і падзівімся на мясцовыя цуды прыроды. ВАРНЯНЫ ж сустрэнуць нас барочным касьцёлам Сьв. Юрыя (1769) і цудоўнай вежай на востраве, дзе кожны з вас зможа адчуць рамантычную эпоху ХІХ ст. АСТРАВЕЦ сустрэне нас двума вельмі рознымі каталіцкімі храмамі – класістычным касьцёлам Сьв. Казьмы і Дзям’яна (1787) і нэараманскім касьцёлам Адшуканьня Сьв. Крыжа (1911), а ГУДАГАЙ зачаруе сваім галоўным скарбам – каранаваным папскімі каронамі абразам Маці Божай Гудагайскай ва ўтульным касьцёле Адведзін Найсьв. Панны Марыі (1764).

АБАВЯЗКОВА МЕЦЬ ПРЫ САБЕ ПАШПАРТ! Ежу і ваду ў дарогу бярыце з сабой.

Кошт – 65 руб., пенсіянерам/студэнтам/школьнікам – 60 руб. Аплата за тур – у аўтобусе.

Каб запісацца на вандроўку, дашліце мне заяўку ў Viber +375 (29) 564-70-09 наступнай формы: "Вандроўка 06.08! Нас х чалавек (таксама напішыце вашае імя і прозьвішча)"

На пасадку запрашаю згодна з чаргой вашага запісу, таму чым раней вы запісаліся, тым лепш:) Пры патрэбе па здароўю пазначце ў заяўцы неабходнасьць выдзяліць вам месца ў першай палове аўтобусу.

Сустракаемся ў 07.00 ля Чырвонага касьцёлу каля статуі Арханёла Міхала.

У Менск вяртаемся пасьля 21.00 Адкрыць / каментаваць

2022-07-28 21:09:31 29.07 (пятніца) вас чакае "ШПАЦЫР ПА СТАРАЖОЎСКАЙ"!

На гэтай вандроўцы вас чакае цікавае падарожжа па былой вуліцы Старажоўскай, а празь яе – па старонках гісторыі гораду і краіны.

Таямніцы плошчы Перамогі і метро, Леся Украінка і Асмалоўка, а таксама традыцыі менскага броварства, Сьцяпанаўскі сад, таямнічы старажытны некропаль і легенда аб заснаваньні Менску - на былой Старажоўскай намяшана столькі ўсяго цікавага і неверагоднага, як і ў гісторыі нашага гораду і краіны. Завітвайце, будзем разьбірацца:)

Маршрут: пл. Перамогі – Асмалоўка – "Аліварыя" – царква Сьв. Марыі Магдалены - Пярэспа

Адлегласьць: 3116 крокаў

Сустракаемся ў 19.00 каля дому-музею І зьезду РСДРП. Адкрыць / каментаваць

2022-07-28 20:18:02 Цудоўна павандравалі сёньня Дзякуй усім, хто завітаў

Прыходзьце штодня на бясплатныя вандроўкі ў мінулае па Менску – з намі цікава

А калі на прыканцы экскурсіі пакінуць чаявыя гіду, то яму будзе вельмі прыемна

А яшчэ мы кожную суботу захапляльна вандруем па невядомай Беларусі, то далучайцеся

Расклад экскурсій, падарожжаў і штодзённыя анонсы шукайце ў нашых telegram/instagram — vandrvm

А лепшым падарункам зь любой нагоды стануць падарункавыя сертыфікаты на вандроўкі па Менску/Беларусі, то замаўляйце Адкрыць / каментаваць

2022-07-28 11:02:17 СЁНЬНЯ, 28.07 (чацьвер), вас чакае "ШПАЦЫР ПА ВЫСОКІМ РЫНКУ"!

На гэтай вандроўцы вас чакае цікавае падарожжа па былым Высокім Рынку, а празь яго – па старонках гісторыі гораду і краіны.

Ратуша і Катэдра, гатэль "Эўропа" і гарадзкі тэатар, вялікі і малы гасьціныя двары, бажніцы бернардынаў, базылянаў і дамініканаў, а таксама легенды, прывіды і падземныя хады - на былым Высокім Рынку намяшана столькі ўсяго цікавага і неверагоднага, як і ў гісторыі нашага гораду і краіны. Завітвайце, будзем разьбірацца:)

Маршрут: па пл. Свабоды

Адлегласьць: 1703 крокі

Сустракаемся ў 19.00 каля ўваходу ў гатэль "Эўропа", вул. Інтэрнацыянальная, 28. Адкрыць / каментаваць

2022-07-28 09:31:12 Адкрыць / каментаваць

2022-07-28 09:30:59 30.07 (субота) запрашаю вас у прэм’ернае аўтобуснае падарожжа "ПАЎНОЧНАЯ ВЫПРАВА"!

Маршрут: Мёры – Сар’я – Росіца – Лявонпаль – Ідолта – Вята – Друя (≈700 км)

На поўнач Беларусі вандруем з вамі гэтым разам! Мястэчка МЁРЫ сустрэне нас велічным касьцёлам Унебаўзяцьця Найсьв. Панны Марыі (1907), а САР’Я ўразіць самым прыгожым нэагатычным касьцёлам Беларусі – Найсьв. Панны Марыі (1857). У мястэчку РОСІЦА падзівімся на прыгажэнны эклектычны касьцёл Найсьв. Тройцы (1911) і руіны царквы Сьв. Еўфрасіньні (1866), а ў ЛЯВОНПАЛІ – на драўляны Траецкі касьцёл (1774), сядзібна-паркавы ансамбль Лапацінскіх XVIII ст. і найзнакамітую калону ў гонар Канстытуцыі 3 мая. ІДОЛТА знакамітая мадэрновым касьцёлам Маці Божай Шкаплернай (1939) і сядзібай Мілашаў ХІХ ст., а адсюль ужо зусім блізка да найпрыгажэннага вадаспаду на рацэ ВЯТА, што застаўся тут з тых далёкіх часін, калі тут працаваў водны млын. На прыканцы ж нашай вандроўкі нас чакае ДРУЯ, дзе мы пабачым Барысаў камень, касьцёл Найсьв. Тройцы (1646), Латвію і Эўразьвяз праз Дзьвіну, а таксама самыя прыгожыя ў Беларусі габрэйскія могілкі.

АБАВЯЗКОВА МЕЦЬ ПРЫ САБЕ ПАШПАРТ! Ежу і ваду ў дарогу бярыце з сабой.

Кошт – 75 руб., пенсіянерам/студэнтам/школьнікам – 70 руб. Аплата за тур – у аўтобусе.

Каб запісацца на вандроўку, дашліце мне заяўку ў Viber +375 (29) 564-70-09 наступнай формы: "Вандроўка 30.07! Нас х чалавек (таксама напішыце вашае імя і прозьвішча)"

На пасадку запрашаю згодна з чаргой вашага запісу, таму чым раней вы запісаліся, тым лепш:) Пры патрэбе па здароўю пазначце ў заяўцы неабходнасьць выдзяліць вам месца ў першай палове аўтобусу.

Сустракаемся ў 07.00 ля Чырвонага касьцёлу каля статуі Арханёла Міхала.

У Менск вяртаемся пасьля 22.00 Адкрыць / каментаваць

2022-07-27 21:55:46 Сон

Калі прымусіць час сказаць "бывай",
А ў сэрцы не пагасьне жар каханьня, –
Пакінь бяз слоў, але не дабівай
Мяне суровым словам – расставаньне!

Ты пры апошняй стрэчы ў гаі,
Пакуль зара расой напоіць руту,
Апошнім пацалункам упаі
І ўжо на ростань – кроплямі атруты.

Разлучымся – і стане мне лягчэй;
Бясьсільны ўпаду к табе на ўлоньне,
Цалую я блакіт тваіх вачэй,
Загледзеўшыся ў цемру іх прадоньня.

Так да сканчэньня сьвету я прасьплю,
А ў Судны дзень, калі затрубяць трубы,
Ты ціха сыйдзеш з неба на зямлю,
Каб разбудзіць таго, хто сэрцу любы.

І здасца мне, што не прайшлі вякі, –
Зусім нядаўна я цябе пакінуў, –
Загледзеўся ў вачэй тваіх блакіт
І задрамаў на нейкую хвіліну.

Адам Міцкевіч Адкрыць / каментаваць