Martsinovich Theatre

2021-08-18 14:06:09 РТБД расказаў пра свае планы на наступны сезон.

У сакавіку 2022 года адбудзецца прэм’ера спектакля па п’есе «Камень глупости» сучаснага беларускага драматурга Канстанціна Сцешыка. Спектакль паставіць пастаноўшчык з Екацярынбурга Дзмітрый Зімін. Гэта капрадукцыя РТБД і расійскіх арганізацый.

1 чэрвеня 2022 года – у Міжнародны дзень аховы дзяцей – у РТБД адбудзецца прэм’ера спектакля са сцэнаграфіяй, створанай на аснове дзіцячых эскізаў. Рэжысёрам будзе Яўгенія Давідзенка.

Таксама РТБД прадоўжыць сваё супрацоўніцтва з Яўгенам Карнягам, рэжысёрам «Бетона» і «Шлюба з ветрам». Падрабязнасцяў пра гэта пакуль няма. Адкрыць / каментаваць

2021-08-13 16:21:05 @by_culture запрашае на анлайн-прэм'еру спектакля "Пакой памірае", які ставіць вострыя пытанні: самавызначэнне, самаідэнтыфікацыя, самадэтэрмінацыя.

На жаль, на сённяшні момант жывы паказ гэтай пастаноўкі, якая раней свабодна ішла тры гады на розных незалежных пляцоўках, больш немагчымы: некаторыя ўдзельнікі былі вымушаны з'ехаць, дзейнасць пляцовак прыпынена, незалежным тэатрам улады не даюць дазвол на правядзенне імпрэз.

Відэа гэтага спектакля было зроблена падчас міжнароднага тэатральнага фестывалю ў Мінску "TEART-2020" (лёс якога ў 2021 нявызначаны) у культурным хабе ОК16 (якога больш няма).

15 жніўня, 20:00



Адкрыць / каментаваць

2021-08-05 15:27:23 Цытата дня.

Мастацкі кіраўнік Горкаўскага тэатра Сяргей Кавальчык:

"С именем Астрахана вообще связан парадокс — его не любят критики, но чем больше они его не любят, тем больше зрителей мы видим в зале. Я его режиссерский стиль люблю и принимаю".

Можна сказаць, вычарпальная цытата пра курс тэатра. Затое шчыра :)

Бо прадукцыя рэжысера Дзмітрыя Астрахана, які будзе ставіць у Мінску ўжо трэці спектакль, -- гэта дастаткова меладраматычна і павярхоўна.

Дарэчы, калі мы ўжо загаварылі пра Горкаўскі. Рэканструкцыя скончылася. Хутка адкрыццё сезона. Магчыма, у тэатр на адзін са спектакляў завітае Лукашэнка. Адкрыць / каментаваць

2021-08-04 21:17:33 У фэйсбуку пішуць (https://m.facebook.com/story.php?story_fbid=10215403288433764&id=1783623973), што акцёр Іван Трус намінаваны на "Залаты Сафіт". А гэта вельмі прэстыжная тэатральная прэмія Санкт-Пецярбурга.

Віншуем Івана!)

Нагадаю, што былы акцёр-купалавец цяпер працуе ў Александрынскім тэатры. Адкрыць / каментаваць

2021-08-04 15:53:04 Тэкст пра сітуацыю з беларускім незалежным тэатрам.
Галоўная выснова - ТЕАРТ не будзе, што, зрэшты, прадказальна.
Не забудзьцеся пра VPN, калі будзеце чытаць.
https://nashaniva.com/?c=ar&i=275899 Адкрыць / каментаваць

2021-07-30 15:52:30 Мастацкі кіраўнік дзяржаўнага Купалаўскага тэатра Вольга Няфёдава:

"Продолжается информационная блокада театра. Из‑за трусости некоторых режиссеров планы, бывает, срываются: мы можем договориться о постановке спектакля, а на следующий день он уже не снимает трубку…"

Калі што, незалежныя смі пра "Паўлінку" пісалі. Але цяпер іх няма. Таму і пісаць амаль няма каму.

А яшчэ надта цікава, хто ж гэтыя рэжысёры) Адкрыць / каментаваць

2021-07-30 10:09:52 Натуральна няма Купалаўскага

Упершыню ёсць Мазыр

Ёсць "Княжна Мэры" - фактычна праект Веры Паляковай

Ёсць тэатр эстрады! Будзе канкурыраваць з Музычным

Наогул вельмі шмат слабых спектакляў :( Адкрыць / каментаваць

2021-07-30 10:09:33 Аб'яўлены вынікі нацадбору Нацыянальнай тэатральнай прэміі
https://www.kultura.by/uploads/files/29itogi.pdf Адкрыць / каментаваць

2021-07-28 16:54:59 Дзіўнае супадзенне, але сёння выйшаў і гайд па прэм'ерах апошняга мінскага сезона. Расказаў "Камсамолцы", куды трэба схадзіць.

Пастановак "Купалаўцаў" там няма, бо пра іх выходзіў асобны гайд. І, на жаль, бачыў не ўсе пастаноўкі (напрыклад, не дайшоў да РТБД). Але такі час.
https://www.kp.by/daily/28306/4447093/ Адкрыць / каментаваць

2021-07-28 15:29:05 Напісаў калонку пра Купалаўскі. Чым тэатр быў для краіны і чаму сышла трупа.

Не забудзьцеся пра VPN, у Беларусі не ва ўсіх адкрываецца "Еўрарадыё".

https://euroradio.fm/ru/god-bez-kupalovskogo-chem-teatr-byl-dlya-strany-i-pochemu-truppa-ne-mogla-ne-uyti Адкрыць / каментаваць