2022-04-21 01:55:05
Сусветная Рада Цэркваў другі раз просіць Кірыла заклікаць да спынення агню ва Украіне
Сусветная Рада Цэркваў у сваім другім звароце да патрыярха Кірыла папрасіла яго выкарыстаць свой духоўны аўтарытэт і заклікаць да спынення агню на час Велікодных святаў па юліянскім календары, каб вернікі мелі магчымасць адсвяткаваць спакойна урачыстасць.
«Людзі страцілі давер і надзею на палітыкаў і на магчымасць мірных перамоваў і спыненне агню», — напісаў протаіерэй Ян Саўка, выконваючы абавязкі генеральнага сакратара СРЦ, у лісце ад 19 красавіка.
Айцец Саўка, святар Румынскай Праваслаўнай Царквы, сказаў, што Рада кожны дзень атрымлівае звароты ад вернікаў не толькі з Украіны і Расіі, але і з усяго свету з просьбай звязацца з Кірылам і заклікаць яго «ўмяшацца і стаць пасярэднікам дзеля мірнага рашэння, дзеля дыялогу, а не супрацьстаяння, дзеля спынення братэрскага кровапраліцця».
"Я ўсведамляю, што не ў вашых сілах спыніць вайну або паўплываць на тых, хто мае паўнамоцтвы прымаць такія рашэнні. Але вернікі чакаюць слоў суцяшэння ад Вашай Святасці", — піша Саўка, адзначыўшы, што, на думку вернікаў, калі Кірыл як духоўны айцец мільёнаў праваслаўных публічна папросіць аб спыненні агню, гэта "можа мець уплыў".
Гэта ўжо другі ліст, які айцец Саўка даслаў патрыярху Кірылу з моманту пачатку расійска-ўкраінскай вайны. У першым, дасланым у сакавіку, ён прасіў яго публічна асудзіць вайну, чаго Кірыл не зрабіў. Замест гэтага ён пераклаў адказнасць за вайну на «заходнюю русафобію» і «ігнараванне пытанняў бяспекі Расіі».
У сувязі з усё больш адкрытай падтрымкай Кірылам вайны ў Сусветнай Радзе Цэркваў абмяркоўваюць пытанне аб пазбаўленні РПЦ членства ў арганізацыі. Таксама гавораць пра магчымасць другой сустрэчы Папы Францішка з Кірылам - раней гаварылася, што гэтую сустрэчу могуць адмяніць з-за рознагалоссяў у поглядах на расійскую ўзброеную агрэсію, але пазней Дзяржсакратар Ватыкана П'етра Паралін заявіў, што "ўжо пачатае пэўнае планаванне" гэтай сустрэчы, якая, магчыма, адбудзецца ў чэрвені ў Ерусаліме.
У сваім лісце айцец Саўка нагадаў, як падчас Першай сусветнай вайны была зроблена паўза ў баявых дзеяннях, каб салдаты маглі святкаваць Уваскрасенне Гасподняе без пагрозы падзення бомбаў ці ракет. «Я адважыўся напісаць вам з глыбокай пашанай і сыноўняй любоўю», — напісаў ён, згадаўшы пра магчымыя планы расіянаў «атакаваць цэрквы падчас святкавання Вялікадня і яшчэ больш пашыраць жах, страх, узаемныя абвінавачванні і дэманізацыю».
«Мы працягвалі прасіць палітычных лідэраў пра спыненне агню і вяртанне за стол перамоваў з самага пачатку баявых дзеянняў, але безвынікова. Наадварот, у цяперашніх абставінах мы ўсе бачым, што вайна абвастрылася, — заўважыў айцец Саўка. - Наша сціплая просьба да Вашай Святасці ў гэтай сітуацыі заключаецца ў тым, каб умяшацца і публічна прасіць аб спыненні агню хаця б на некалькі гадзін падчас Велікодных богаслужэнняў». Паводле яго слоў, гэта «дазволіць салдатам і напалоханым мірным жыхарам абняць і павіншаваць адзін аднаго, каб
118 viewsedited 22:55
Г
