BY_culture

2021-08-16 17:50:05 Руфіна Базлова — "Дыджэі перамен" Адкрыць / каментаваць

2021-08-16 15:28:21 Беларускі фальклор і эміграцыя — ці магчыма іх сумясціць?

Пагроза крымінальнага пераследу змусіла з’ехаць з Беларусі шмат людзей. У тым ліку — музыкантаў, творчасць якіх базавалася на беларускім фальклоры. Людзей, якія ў пошуках новых песень блукалі па беларускіх вёсках. Вось толькі цяпер для іх такія этнаграфічныя экспедыцыі сталіся недасяжнымі.

Што змусіла з’ехаць з Беларусі Сяргея Доўгушава і ці лёгка далося гэта рашэнне? Што будзе цяпер з яго музычнымі праектамі? Як падзеі ў Беларусі ўплываюць на айчынную музыку і культуру? Пра гэта ды шмат што іншае размаўляем з музыкантам, лідарам фолк-гурта Vuraj, арганізатарам шматлікіх фестываляў, імпрэзаў і спеўных сходаў Сяргеем Доўгушавым. Адкрыць / каментаваць

2021-08-16 14:26:36 Youtube заблакаваў фільм "Купала" — за парушэнне аўтарскіх правоў.

Біяграфічны мастацкі фільм "Купала" быў зліты ў інтэрнэт у верасні 2020-га — у чарнавой версіі, па-пірацку. З таго часу яго мог паглядзець кожны ахвотны. Адкрыць / каментаваць

2021-08-16 12:00:05 Ужо cёння ля амбасады Беларусі ў Берліне (Am Treptower Park 32) а 12-й гадзіне распачнецца канцэрт-дэманстрацыя ў падтрымку зняволеных музыкаў з гурта Irdorath. Яе ладзіць нямецкі фольк-гурт Corvus Corax. Альтэрнатыўная беларуская амбасада таксама далучылася да акцыі.

Прамую трансляцыю з месца падзеі можна глядзець на афіцыйнай старонцы Corvus Corax у Facebook: https://www.facebook.com/CorvusCoraxBand/videos/400340094781608

Беларуская Рада культуры ініцыявала кампанію #freeirdorath, якая мае на мэце збор сродкаў для арыштаваных музыкаў з гурта Irdorath і іх сем’яў: https://getdonate.org/en/campaign/335

Падрабязнасці: https://byculture.org/irdorath
https://byculture.org/en/irdorath Адкрыць / каментаваць

2021-08-16 10:51:28 Алесь Дзянісаў: «Смеласць у тым, што ты пераступаеш праз страх і штосьці робіш»

«Навошта цяпер пісаць песні, ставіць спектаклі і наагул займацца творчасцю? А навошта кухару гатаваць боршч? Ці дворніку падмятаць двор? Тое самае людзі, якія маюць дачыненне да сапраўднай творчасці, не дзеля чарговай прэміі ці хайпу. Я ў гэтым упэўнены. Творца, калі адчувае ў сабе сілы, натхненне, будзе рабіць, бо інакш не можа, вось і ўсё».

Інтэрв'ю з Алесем Дзянісавым у праекце #АртыcтыПерамогі: https://artists.byculture.org/ales_dzianisau Адкрыць / каментаваць

2021-08-16 10:12:28 Адразу ў трох дзяржаўных часопісах змяніліся галоўныя рэдактары

З пачатку ліпеня літаратурныя часопісы «Полымя», «Маладосць» і «Нёман» перадалі выдавецтву «Мастацкая літаратура». У іх цалкам змяніліся галоўныя рэдактары, што прайшло незаўважаным.

Часопіс «Полымя» узначальвала тэатральны крытык Алена Мальчэўская, «Маладосць» — перакладчыца Святлана Воцінава, «Нёман» — пісьменніца і перакладчыца Юлія Алейчанка.

Воцінаву звольнілі ў лютым, іншыя галоўныя рэдактары дапрацавалі на сваёй пасадзе да пачатку ліпеня.

Цяпер галоўны рэдактар «Нёмана» — пісьменнік Алесь Бадак, які адначасова з’яўляецца дырэктарам выдавецтва «Мастацкая літаратура». Ён ужо ўзначальваў гэтае рускамоўнае літаратурнае выданне ў першай палове дзясятых гадоў. Галоўным рэдактарам «Полымя» стаў паэт Віктар Шніп, які адначасова з’яўляецца галоўным рэдактарам выдавецтва «Мастацкая літаратура». Галоўным рэдактарам «Маладосці» стала Вольга Рацэвіч. Яна працуе рэдактарам выдавецтва. Адкрыць / каментаваць

2021-08-15 17:28:45 Гэтыя фота зробленыя ў Мінску летась на спектаклі “Пакой памірае”, рэжысёрскага дэбюту Паліны Дабравольскай. Паказ прайшоў на фестывалі “Teart”, які паўстаў дзякуючы Віктару Бабарыку, на пляцоўцы ОК16, якой кіравала Марыя Калеснікава.

Віктара і Марыю пасадзілі, як і сотні іншых людзей, якія прагнулі зменаў. Паліна і Алесь вымушана з’ехалі, як і тысячы іншых актораў, якія прайшлі праз ціск, арышты ці засталіся без працы. Хаб, як дзясяткі іншых незалежных культурных пляцовак, зачынілі.

Але беларускі тэатральны рух немагчыма спыніць, надта ўжо гэта магутная і непадуладная плынь.

Сённяшні онлайн-паказ спектаклю “Пакой памірае” прысвячаем нашым нескароным тэатральным дзеячам.

Трансляцыя пачнецца ў 20.00 тут



і будзе даступнай 6 дзён (для спонсараў каналу - заўжды). Адкрыць / каментаваць

2021-08-15 15:08:19 «Гэтыя 10 дзён не было ніякіх следчых дзеянняў». Таццяна Вадалажская распавяла пра сваё затрыманне і суткі ў ІЧУ

Сацыёлаг Таццяна Вадалажская пасля 10 дзён выйшла на волю. Яна пад падпіскай аб нявыездзе. Увесь час, што Вадалажская сядзела на Акрэсціна, з яе удзелам не было ніякіх следчых дзеянняў. Вобшук у яе праводзіў КДБ.

Чытайце па спасылцы. Адкрыць / каментаваць

2021-08-15 13:43:13 Уладзімір Цэслер Адкрыць / каментаваць

2021-08-15 11:40:11 На знак падтрымкі гурта Irdorath і іх сяброў, якія зараз за кратамі, музыкі з розных краін запісваюць каверы на песню “Перемен”.

“ — Калі ты музыка, смела далучай свой голас да гэтай песні!” — напісала скрыпачка і спявачка Hanna van Gorcum з Нідэрландаў і прадставіла сваё прачытанне “Перемен” — We Want Change.

https://youtube.com/playlist?list=PLrJBCPCT6sVG0gtSQ2QrJMQFwGFXhyOzo

Дацкі музыка Jimi Hellinga ў сваёй інтэрпрэтацыі спалучыў гукі старажытных струнных інструментаў з сучасным электронным рытмам. “Гэты нумар незаконны. Ок, значыць мы злачынцы”, — жартуе ён.

Беларуская Рада Культуры ініцыявала кампанію #freeirdorath, якая мае на мэце збор сродкаў для арыштаваных музыкаў з гурта Irdorath і іх сем’яў: https://getdonate.org/en/campaign/335

Падрабязнасці: https://byculture.org/irdorath
(https://byculture.org/en/irdorath) Адкрыць / каментаваць