Адрас канала:
Катэгорыі:
Навіны
мова: беларускі
Краіна: Беларусь
Падпісчыкі:
20.13K
Апісанне з канала
«Белсат» - першы незалежны беларускі тэлеканал. Працуем з 2007 году
Даслаць навіну, фота ці відэа: @BelsatBot
↓ Важныя спасылкі ↓
taplink.cc/belsat
Ratings & Reviews
Reviews can be left only by registered users. All reviews are moderated by admins.
5 stars
0
4 stars
0
3 stars
2
2 stars
0
1 stars
1
Апошнія паведамленні 8
2023-06-12 13:10:01
Учора ў Менскай вобласці ратаўнікі двойчы даставалі людзей, што праваліліся ў калодзежы. Адзін чалавек не выжыў
Трагічны выпадак здарыўся ў пасёлку Урэчча Любанскага раёну. У калодзеж там праваліліся двое мужчын. Ратаўнікі дасталі абодвух, аднак пазней медыкі канстатавалі смерць аднаго з іх. Другі ж быў шпіталізаваны.
А вось у Барысаве ўсё скончылася шчасліва. Каля 14:20 мясцовыя ратаўнікі атрымалі паведамленне пра неабходасць надаць дапамогу мужчыну, які чысціў калодзеж ад пяску ды не змог вылезці назад на паверхню. Небараку выцягнулі з дапамогаю металічнага прута, за які ён учапіўся рукамі (працэс – на відэа).
2.0K views10:10
2023-06-12 12:49:59
Берасцейца аштрафавалі за «пікетаванне татуіроўкай» на рынку
З пастановы суда вынікае, што мужчына на рэчавым рынку пікетаваў і «адкрыта дэманстраваў неабмежаванай колькасці асобаў» каляровую татуіроўку з выявай герба «Пагоня» на назе.
Суд Ленінскага раёну Берасця аштрафаваў берасцейца на 30 базавых велічыняў за «парушэнне парадку правядзення масавых мерапрыемстваў (артыкул 23.24 КаАП).
Іншага мужчыну сілавікі паўторна затрымалі за тое, што не перарабіў татуіроўку, як абяцаў падчас ранейшага затрымання.
У сваім канале яны хваляцца «пакаяльным відэа» і называюць татуіроўку то экстрэмісцкай, то нацысцкай. Са здымку вынікае, што гаворка пра абрэвіятуру, якая акрэслівае сілавікоў.
Фота ілюстрацыйнае
707 views09:49
2023-06-12 12:30:55
Былы прэзідэнт РФ Дзмітрый Мядзведзеў павіншаваў сваіх падпісантаў з Днём Расеі выяваю кіеўскага Майдана Незалежнасці
На здымак Майдану прыфаташоплены расейскі трыкалор на флагштоку, а ў подпісе Мядзведзеў выказвае перакананне, што неўзабаве гэтае месца стане «площадью России».
1.4K views09:30
2023-06-12 12:15:32
Санітарку з бальніцы ў Глыбокім пакаралі 12 соднямі арышту за выяву «Пагоні» ў тэлефоне
Праваабаронцы з «Віцебскай вясны» даведаліся, што жанчыну завуць
Наталля Міцько. 29 траўня суддзя
Аляксандр Аляксеенка прысудзіў ёй 5 содняў за «распаўсюд экстрэмісцкіх матэрыялаў» і яшчэ 7 содняў за «пікетаванне» ў інтэрнэце.
Адпаведныя пратаколы на Наталлю склалі супрацоўнікі Глыбоцкага РАУС, якія і выявілі «Пагоню» ў галерэі тэлефона.
Тэлефон, дарэчы, суддзя Аляксеенка пастанавіў канфіскаваць у даход дзяржавы.
Фота ілюстрацыйнае
1.9K viewsedited 09:15
2023-06-12 11:55:13
Расейскія вайскоўцы ў Бахмуце атрымалі рагачоўскую згушчонку
Такі пачастунак даставілі ім «вагнэраўцы».
На адным са сваіх каналаў ПВК публікуе відэа дастаўкі зброі і харчавання вайскоўцам, якія падпарадкоўваюцца Міністэрству абароны Расеі. Сярод тавараў, якія трапілі ў кадр – згушчонка з беларускага Рагачову, заўважыла Радыё Свабода.
Таксама «вагнэраўцы» адзначаюць, што правядуць для вайскоўцаў лекцыі.
487 viewsedited 08:55
2023-06-12 11:39:16
Памёр былы прэм'ер-міністр Італіі Сільвіа Берлусконі
Палітыку было 86 гадоў. Ён сканаў у бальніцы ў Мілане.
Пра смерць Берлусконі піша аўтарытэтнае італьянскае выданне Corriere della Serra.
1.2K viewsedited 08:39
2023-06-12 11:35:31
Калі вы ці вашы дзеці сёлета скончылі школу, распавядзіце, калі ласка, як прайшлі ў вашай школе выпускныя
Ці мелі магчымасць бацькі і выпускнікі яго арганізаваць паводле свайго сцэнару, альбо ён быў «спушчаны зверху»?
Ці мелі магчымасць прысутнічаць на мерапрыемстве сябры, знаёмыя, родныя?
Якія наогул былі абмежаванні?
Адказы пішыце нам у бот @BelsatBot, гэта ананімна.
Фота мае ілюстрацыйны характар
1.3K views08:35
2023-06-12 11:15:58
Сёння ў Нямеччыне распачынаюцца маштабныя вайскова-паветраныя вучэнні NATO
Яны маюць назву Air Defender 2023. У вучэннях будуць задзейнічаныя каля 10 тысяч вайскоўцаў і 250 ваенных самалётаў з 25 дзяржаваў (сябраў альянсу і краін-партнёраў, такіх як Швецыя ці Японія).
Вучэнні працягнуцца ад 23 чэрвеня і пройдуць у трох палётных зонах: над Паўночным морам і над поўначчу Нямеччыны, на ўсходзе Нямеччыны і на яе поўдні. У адзін з дзён за вучэннямі збіраецца назіраць нямецкі канцлер Олаф Шольц.
1.7K views08:15
2023-06-12 11:00:15
Самалёт чарнагорскай авіякампаніі сёння заляцеў у Літву праз паветраную прастору Беларусі. Гэта забаронена яшчэ з 2021 года
На сітуацыю звярнуў увагу @motolkohelp.
Борт авіякампаніі Air Montenegro з нумарам 4O-AOA (самалёт Embraer E195LR) ляцеў па маршруце
Ціват-Вільня і прызямліўся ў літоўскай сталіцы а 10-й гадзіне.
Яшчэ з 2021 года літоўскія ўлады забаранілі авіякампаніям вылеты і прылёты ў свае аэрапорты, калі рэйс выконваецца праз паветраную прастору Беларусі.
Рэйс MNE2468 Ціват-Вільня з'яўляецца чартарным і быў запушчаны зусім нядаўна – напрыканцы траўня. На гэты момант па згаданым маршруце было выканана ўжо пяць рэйсаў, і раней у беларускае паветра самалёты чарнагорскай кампаніі не заляталі. Папярэдне, пілоты «скарацілі шлях» не праз дрэнныя ўмовы надвор'я або нейкія форс-мажорныя абставіны.
315 views08:00
2023-06-12 10:43:33
У Аб'яднаным пераходным кабінеце заявілі, што на гэты момант не выявілі ўцечкі інфармацыі з плану «Перамога»
Таксама не выяўлена ўцечак інфармацыі, датычнай іншых ініцыятываў BYPOL.
Кабінет працягвае праверку ў дачыненні BYPOL, распачатую пасля таго, як стала вядома ў раскол у гэтай арганізацыі:
«На сёння прызначана медыяцыя паміж бакамі канфлікту ў прысутнасці кіраўніцтва Аб’яднанага Пераходнага Кабінета».
1.0K viewsedited 07:43