Белсат

2023-06-12 16:28:58 «Раней было хоць трошкі, але да законаў»

Намеснік старшыні Беларускай асацыяцыі журналістаў Барыс Гарэцкі назваў затрыманні ў Светлагорску «чарговым выпадкам пераследу медыяў». На ягоную думку, рэпрэсіі сапраўды могуць быць звязаныя з асвятленнем выбуху на ЦКК.

«Ранак» быў адным з першых, хто паведаміў пра выбух на Светлагорскім ЦКК. Адбылося гэта тады, калі ніякай афіцыйнай інфармацыі яшчэ не было. Выданне адзначала, што «з тэрыторыі выцякае нейкая вадкасць, каб спыніць уцечку, засыпаюць пілавіннем». Яны публікавалі відэа ад сваіх падпісчыкаў, якія чулі выбух амаль ува ўсіх раёнах гораду, і самі адправіліся на месца здарэння.

Пачытайце, пра што яшчэ паведамлялі журналісты з месца падзеяў, і чаму ўлады так рэагуюць на інфармацыю, у якой, як падаецца, не было ніякай палітыкі:

Праз VPN Без VPN Адкрыць / каментаваць

2023-06-12 16:05:35 Супольнасць «Честные люди» выпусціла відэа пра «чорныя спісы» дзеячаў культуры, якія сталі звыклай з'явай у нашай краіне пры ўладзе Лукашэнкі

«Честные люди» паразмаўлялі пра гэтую з'яву з музыкамі, што патраплялі ў такія спісы – Лявонам Вольскім, Уладзімірам Пугачам і Юрыем Стыльскім, а таксама з Паўлам Латушкам, які ў свой час кіраваў Міністэрствам культуры.

Латушка сазнаўся, што ў 2011-м годзе, калі «чорны спіс» музыкаў раздавалі чыноўнікам раздрукаваным на паперы ў Адміністрацыі Лукашэнкі, ён «зліў» той дакумент людзям, якія пазней апублікавалі яго ў незалежных СМІ.


Адкрыць / каментаваць

2023-06-12 15:44:58 Навіны за 5 хвілін

Самалёт чарнагорскай авіякампаніі праляцеў над тэрыторыяй Беларусі

Што вядома пра затрыманні працаўнікоў прыватнага тэлеканалу «Ранак»

Трое содняў у чарзе – у беларускіх школах пачаўся прыём дакументаў у першыя класы

Аб'яднаны пераходны кабінет: уцечка інфармацыі ў «BYPOL» нявыяўленая

У Літве пачалі расследаваць справу аб датычнасці рэжыму Лукашэнкі да дэпартацыі ўкраінскіх дзяцей

ЗСУ заявілі пра вызваленне яшчэ аднаго населенага пункту ў Данецкай вобласці

Гомельскі актывіст Ілля Міронаў зʼехаў з Беларусі ў Вільню

Сцісла пра галоўнае глядзіце ў кароткім выданні навінаў Адкрыць / каментаваць

2023-06-12 15:24:59 10 чалавек загінулі, 42 асобы лічацца зніклымі без вестак – наступствы падрыву Кахоўскай ГЭС

Гэтакія лічбы паведаміў міністр унутраных справаў Украіны Ігар Клымэнка.

«Магу назваць толькі дакладна вядомыя нам лічбы: восем нашых грамадзянаў загінулі на тэрыторыі Херсонскай вобласці, двое – на тэрыторыі Мікалаеўскай вобласці. Зніклымі без вестак лічацца 42 асобы, сем з іх – дзеці», – паведаміў Клымэнка.

Паводле яго, таксама паступае інфармацыя аб загінулых на акупаванай тэрыторыі на левым беразе, але на цяперашні момант у МУС Украіны няма дакладных звестак.

У Міністэрстве ўнутраных справаў Украіны таксама паведамілі, што, паводле апошніх звестак, у Херсонскай вобласці застаюцца падтопленымі 46 населеных пунктаў. Эвакуяваныя 2743 асобы, у тым ліку 205 дзяцей і 76 інвалідаў. У Мікалаеўскай вобласці падтоплены 31 населены пункт, эвакуяваныя 982 асобы, у тым ліку 167 дзяцей. Адкрыць / каментаваць

2023-06-12 15:05:01 Паказаць расейцам, што вайна – гэта пекла

Расеец Віталій Штутман пазначае разбурэнні ва Украіне на Google-мапе, каб асэнсаваць маштабы трагедыі.

«Вайна – гэта катастрофа не толькі для Украіны, але і для Расеі. Я служыў у Грозным, у Чачэніі, за два гады да ваенных падзеяў там. Пасля, седзячы ў Маскве, я сачыў за тым, што адбываецца ў Грозным, я бачыў усе тыя мясціны, якія сціралі з твару зямлі. І калі пазней я глядзеў навіны з Марыупалю, то з жахам зразумеў, што адбываецца тое самае. Пры гэтым людзі навокал гэтага не бачаць», – кажа Віталій Штутман у размове з «Белсатам»

Віталій з’ехаў з Расеі ў Ізраіль, цяпер працуе пасудамыйшчыкам у рэстаране, а ў вольны час займаецца зборам сведчанняў ваенных злачынстваў Расеі.

Пачытайце ягоную гісторыю і як можна дапамагчы гэтай справе:

Праз VPN Без VPN Адкрыць / каментаваць

2023-06-12 14:49:12 Лукашысты надалі статус «экстрэмісцкага фармавання» парталу «Зеркало» і ўсім яго сацсеткам

Адпаведная пастанова была вынесеная МУС 9 чэрвеня.

Сілавікі ў сваіх каналах пішуць, што рашэнне вынесенае ў дачыненні журналістаў «Зеркала» «за публичные призывы к санкциям, дискредитацию и оскорбление должностных лиц, организацию деятельности по подготовке и совершению посягательств на суверенитет и общественную безопасность Республики Беларусь». Таксама лукашысты пагражаюць турэмным зняволеннем людзям, якія будуць дзяліцца з «Зеркалом» інфармацыяй. Адкрыць / каментаваць

2023-06-12 14:30:36 Адкрыць / каментаваць

2023-06-12 14:01:49 Адкрыць / каментаваць

2023-06-12 13:45:33 З Менску можна будзе паляцець самалётам у яшчэ адзін правінцыйны расейскі горад

Авіякампанія Nordwind Airlines з 19 ліпеня запусціць рэйс па маршруце Пскоў-Менск-Пскоў. Лятаць плануюць двойчы на тыдзень (па серадах і суботах) на самалётах Embraer 190, якія ўмяшчаюць 110 пасажыраў.

Для пскоўскага аэрапорту гэта будзе першы міжнародны рэйс за 10 гадоў.

Увесну Nordwind Airlines ужо запусціла рэйсы ў Менск з Пермі ды Ніжняга Ноўгараду. Адкрыць / каментаваць

2023-06-12 13:31:33 Крымінальныя справы супраць памерлых дазволяць заводзіць паводле 10 артыкулаў

Памерлым абвінавачаным будзе забяспечаны адвакат. Адмовіцца ад ягоных паслугаў будзе нельга (нават калі гэтага захочуць сваякі абвінавачанага, ягоныя прадстаўнікамі), піша «Зеркало».

Вось артыкулы па якіх плануюць судзіць нябожчыкаў:

акт міжнароднага тэрарызму (арт. 126 КК);
генацыд (арт. 127 КК);
злачынствы супраць бяспекі чалавецтва (арт. 128 КК);
вытворчасць, назапашванне або распаўсюд забароненых сродкаў вядзення вайны (арт. 129 КК);
рыхтаванне або вядзенне агрэсіўнай вайны (арт. 122 КК);
экацыд (арт. 131 КК);
ужыванне зброі масавага паражэння (арт. 134 КК);
парушэнне законаў і звычаяў вайны (арт. 135 КК);
злачынныя парушэнні нормаў міжнароднага гуманітарнага права падчас узброеных канфліктаў (арт. 136 КК);
бяздзейнасць або адданне злачыннага загаду падчас узброенага канфлікту (арт. 137 КК). Адкрыць / каментаваць