worship.by

2022-03-28 11:30:05 ​#навіны
Гурт for King & Country зладзіў дабрачынны канцэрт у дапамогу бежанцам з Украіны.
  
Хрысьціянскі гурт і ўладальнікі прэміі «Грэмі» for King & Country правялі дабрачынны канцэрт, каб сабраць грошы для ўкраінскіх бежанцаў.
Джоел і Люк Смолбоўн з аўстралійскага дуэта сумесна з арганізацыяй гуманітарнай дапамогі «Канвой надзеі» правялі дабрачынны канцэрт у падтрымку ўкраінскіх бежанцаў, паведамляе The Christian Post.

Раней у гэтым месяцы дуэт выпусьціў новы альбом «What Are We Waiting For?», які заняў 7-е месца ў чарце Billboard 200 і 2-е месца ў чарце продажаў лепшых альбомаў Billboard. Каб адсьвяткаваць посьпех, гурт зладзіў адмысловы бясплатны анлайн-канцэрт, на якім яны выканалі гіты са свайго новага live-альбома з пустыні Махавэ ў Каліфорніі. Усе грошы, сабраныя з ахвяраваньняў гледачоў, браты перадалі арганізацыі «Канвой надзеі», якая дапамагае ўкраінскім уцекачам ва Ўсходняй Эўропе.

«У for King & Country неверагодная колькасьць прыхільнікаў, і яны заклікаюць іх супрацоўнічаць з «Канвоем надзеі», каб дапамагчы нашым украінскім братам і сёстрам, – адзначыў прэзыдэнт і сузаснавальнік «Канвая надзеі» Хэй Доналдсан. – Дзякуючы гэтаму адмысловаму канцэрту Джоэл і Люк дазволяць «Канвою надзеі» працягваць аказваць дапамогу, якая так неабходна народу Украіны». Адкрыць / каментаваць

2022-03-24 18:32:17 27 духоўных высноў за 27 дзён вайны.
Сёньня ўжо 29 дзень вайны ва Ўкраіне. Мы хочам падзяліцца з вамі матэрыялам сайту "Хрысьціяне для Ўкраіны", у якім былі прааналізаваны 27 доўгіх дзён і зроблены духоўныя высновы. Прыводзім вытрымкі з артыкула.

Апошнія тыдні вайны адчуваюцца як паўгады. Многія і не здагадваліся, што кава, выпітая напярэдадні вайны, зьедзены амлет або праведзены з сябрамі час будуць апошнімі мірнымі на доўгі час. Ваенныя абставіны прымушаюць задумацца, асабліва на духоўныя тэмы. За 27 дзён вайны мы можам зрабіць ня меньш за 27 духоўных высноў.

1. Бог не пакінуў Украіну.
2. Малітва за посьпех Узброеных Сіл адказвае на сотні іншых малітоўных просьбаў.
3. Цэрквы жыцьцёва важныя для грамадзтва.
4. Малітвы дзейнічаюць лепш, чым праклён.
5. Зло банальна: забойствы зьдзяйсняюцца рукамі простых людзей.
6. Калі лідэры застаюцца на месцы, у людзей больш душэўнага спакою.
7. Вельмі і вельмі цяжка ісьці на вайну без сям'і.
8. Мы не заўсёды ўмеем вырашаць маральныя дылемы.
9. Многія людзі вераць у хлусню, і часта ў ёй паміраюць.
10. Цяжка застацца ва Ўкраіне, цяжка і паехаць.
11. Ты не ведаеш, што будзе заўтра: рабі сёньня, што можаш.
12. Праўда патрабуе адважнай абароны.
13. Нават адзін забіты – гэта ўжо зашмат.
14. Народ – гэта каманда, а не пасіўныя назіральнікі.
15. Цёмныя часы адкрываюць сьветлых людзей.
16. Калі гучыць сырэна, ты ўжо не думаеш толькі б не я», а молішся за жыцьцё кожнага.
17. Сытуацыя новая, а праблемы старыя.
18. Вайна паказала, хто пабудаваў сваю тэалёгію на пяску, а хто на камені.
19. Занадта шмат інфармацыі не заўсёды добра.
20. Эфектыўны хрысьціянін ня можа заставацца па-за палітыкай.
21. Эмоцыі – Божы дар нам, які дазваляе спасьцігаць рэчаіснасьць.
22. Ніякая рэпарацыя або пакаяньне ня верне мёртвых да жыцьця.
23. Любоў да ворага ня значыць дазволіць яму забіць бліжняга.
24. Надзея, пакладзеная на няверных саюзнікаў, навяртае да Бога.
25. Дзьве сьцяны, два выхады: вайна загартоўвае характар і навыкі ў час цяжкасьці.
26. Прачнуцца – вялікае дабраславеньне.
27. Сапраўдны вораг – д'ябал.

Цалкам можна пачытаць па спасылцы.

А якія духоўныя высновы могуць зрабіць беларусы? Адкрыць / каментаваць

2022-03-24 10:25:52 Кіраўнік украінскіх баптыстаў Валеры Антанюк зьвярнуўся да хрысьціянаў Беларусі, Расііб Сярэдняй Азіі да імігрантаў з заклікам адрачыся ад расейскіх тэлеканалаў, якія сталі "яшчэ адной "бібліяй" для вернікаў".

Прыводзім урывак:

"Зьвяртаюся да служыцеляў эвангельскіх цэркваў у Расіі, Беларусі, краінах Сярэдняй Азіі і на Каўказе і да тых, хто за апошнія 30 гадоў перасяліўся на амерыканскі кантынент. Верагодна, вы памятаеце часы СССР, перыяд, калі царква мела сілу за жалезнай заслонай супрацьстаяць і перамагаць, час, калі знаходзячыся ў поўнай ізаляцыі хрысціяне ўмелі адрозніць Божую ісціну ад хлусні д'ябла, грэх і святасьць, дабро адрозніць ад зла. Рабілі гэта пасьпяхова без тэлевізара і інтэрнэту. Гэта быў час, калі нават бабулькі-хрысьціянкі ведалі, каму верыць, а каму верыць нельга, што слухаць, а што слухаць не карысна. Ведалі і перамагалі савецкую імпэрыю. Потым прыйшла свабода, час магчымаьсцяў, камунікацыі, эвангелізацыі і час іміграцыі. Падалі Берлінская сцяна і жалезная заслона. Бог здзяйсьняў цуды ў адказ на малітвы сьвятых усяго свету. Мы радаваліся і служылі ўжо ў новых умовах.

Але ўсяго за некалькі дзясяткаў гадоў адбылося нешта трагічнае, сталі глядзець тэлевізар, падключылі інтэрнэт і многія верныя ў мінулым служыцелі страцілі здольнасьць адрозніваць бязбожныя планы сатаны. Д'ябал тым часам пераапранаўся, прыкінуўся абаронцам хрысьціянскіх каштоўнасьцяў, барацьбітом за мір і мараль і яму паверылі. Паверылі хрысьціяне."

Чытаць цалкам тут. Адкрыць / каментаваць

2022-03-22 11:38:26 Сігету Мармацыей, Румынія
Баптыская царква Сігету «Віфанія» зь першых дзён вайны пачала служыць украінскім бежанцам. Прынесьлі з дамоў адзеньне, матрацы, коўдры і рушнікі. Залю для служэньняў і падвал абсталявалі пад часовае прыстанішча.

Першай з тых, каго тут прытулілі, была жонка украінскага пастара Вося Пацяк. Яна на шостым месяцы цяжарнасьці, займаецца перакладамі для бежанцаў. А муж застаўся ва Ўкраіне.

Мясцовыя хрысьціяне дапамагаюць шукаць жыльлё ў іншых гарадах, аплочваюць беньзін, арганізуюць даезд да Будапешту і Прагі.

Пастар Габрыэль Міхня разам з братамі пачаў вазіць ва Ўкраіну гуманітарны груз. Цэрквы паўночнай Румыніі зьбіраюць і адпраўляюць на мяжу грузавікі з алеем, мукой, вадой і эвагнелізацыйнай літаратурай. Там дапамогу прымаюць украінскія пастары і вязуць у свае гарады.

Габрыэль Міхня кажа: «Надышоў час перайсьці ад пропаведзяў да дзеяньняў. Зараз найлепшы час, каб жыць жыцьцём веры і рабіць дабро, да якога мы ўсе пакліканыя». Адкрыць / каментаваць

2022-03-22 11:37:39 Кішанёў, Малдова
Пастар Міхай Чысары з кішанёўскай царквы «Вобраз Бога» у першыя дні вайны паехаў у Адэсу, каб вывезьці сябра-мэсіянэра. На мяжы ён асэнсаваў маштаб – вярнуўся дадому, арэндаваў грузавік і – зноў на пагранпераход.

- Першымі пасажырамі былі людзі з Туркменістану, Азербайджану і Ірану, студэнты і працоўныя з Адэсы, – узгадвае Чысары. Ён давёз іх да Кішанёва, уладкаваў у будынку царквы і засьведчыў пра Ісуса.
- Ніколі не мог бы ўявіць, што мая царква будзе напалову запоўненая мусульманамі, — кажа пастар.

Цяпер туды прыбываюць у большасьці жанчыны і дзеці з Украіны. Іх чакае ежа, адзеньне, сродкі асабістай гігіены. У будынку царквы няма душавых, таму члены царквы запрашаюць памыцца ў свае дамы.

Служыцелі і прыхаджане арганізуюць і лагістыку тых, хто працягвае свой шлях. Сумеснымі намаганьнямі цэрквы арганізавалі «калідор» для бежанцаў.

Для тых, хто застаецца, у царкве “Вобраз Бога” зрабілі пераклад набажэнства на ўкраінскую мову. Адкрыць / каментаваць

2022-03-22 11:36:34 Эўрапейскія цэрквы дапамагаюць бежанцам з Украіны.

Там зьбіраюць дапамогу, арганізуюць траньзітныя пункты. Гэта асаблівы час для практычных дзеяньняў хрысьціянства і пасеву добрай весткі Эвангельля. Рэсурс invictory.org распавядае, як хрысьціяне прымаюць украінскіх бежанцаў ў Малдове і Румыніі. Адкрыць / каментаваць