2021-07-04 21:00:26
самае галоўнае за 4 ліпеня• Кіраўнік акупаванага Крыму Сяргей Аксёнаў запрасіў Лукашэнку да сябе: "Упэўнены, у Крыме прэзідэнт Беларусі будзе адчуваць сябе як удома. Як і ўсе грамадзяне брацкай краіны, якія захочуць наведаць наш паўвостраў. Сардэчна запрашаем!» – заявіў Аксёнаў у Facebook.
• Французскае міжнароднае радыё выбрала Віктара Бабарыку «Еўрапейцам тыдня».
• Памёр Народны мастак Беларусі, скульптар Леў Гумілеўскі. Яму было 90 гадоў. Развітанне запланавалі на 6 ліпеня ў жалобнай зале ў Мінску, на вуліцы Кульман, 33а, з 10 да 11 гадзін раніцы.
• Літва за дзень затрымала яшчэ 160 чалавек, якія спрабавалі нелегальна перайсці мяжу з беларускага боку.
• Маці палітвязня Ягора Дуднікава, распавяла што ягоны стан здароўя істотна пагоршыўся: «Умовы надворʼя плюс наступствы пабіцця пры затрыманні вельмі негатыўна адбіліся на ягоным здароўі. Там і нязводны галаўны боль, і разбіты зуб, які ўвесь час баліць, і панічныя напады».
• У храмах Беларусі працягваюць выконваць «Магутны Божа». У архікафедральным касцёле Імя Найсвяцейшай Панны Марыі 4 ліпеня прагучаў гімн «Магутны божа».
• Былы прэзідэнт ЗША Дональд Трамп на мітынгу ў Сарасоте ў штаце Фларыда абвінаваціў дэмакратаў у развале паліцыі, наплыве ў краіну нелегальных мігрантаў, пакланенні перад Расіяй, Кітаем і Іранам.
• Беларускія культурныя дзеячы заклікаюць далучыцца да Міжнароднага тыдня беларускай культуры, які праводзіць Беларуская Рада культуры з 5 па 11 лiпеня.
• З'явілася інфармацыя аб катаваннях Кацярыны Віннікавай за кратамi. Сцвярджаецца, што Кацярына была ў шоку ад таго, што яе затрымалі.
Тэлеграм-канал студэнтаў і выкладчыкаў юрфаку БДУ Law Verum сцвярджае, што атрымаў сведчанні чалавека, які перасякаўся з Кацярынай Віньнікавай у зняволенні.
• Залевы ў Беларусі: У Гродне вуліцы сышлі пад ваду, у Добрушы размыла набярэжную. Затопленым аказаўся не толькі цэнтр горада, але і вуліцы Савецкая, Віленская, Белуша, Крэмко, а таксама праспект Касманаўтаў.
• За суткі ў Беларусі зарэгістраваныя 944 пацыенты з COVID-19.
1.3K views18:00
Н
