2021-07-06 21:25:00
самае галоўнае за 6 ліпеня• Nestle скараціла рэкламу на беларускім тэлебачанні. Раней гэтага патрабавала грамадскасць
• Віктара Бабарыку прысудзілі да 14 гадоў пазбаўлення волі. Прыгавор вынес суддзя Вярхоўнага суда Ігр Любвіцкі. Пакаранне абскарджванню не падлягае.Акрамя таго, для Віктара Бабарыкі пракурор патрабаваў штраф у памеры 5 тысяч базавых велічынь — 145 тысяч рублёў.
• Адвакат Наталля Мацкевіч пабачылася са сваёй падабароннай, Марфай Рабковай, якая амаль 10 месяцаў знаходзіцца за кратамі. Пасля сустрэчы адвакат напісала на сваёй старонцы ў твітары: «Сёння наведвала Машу Рабкову. Яна стала тонкай, празрыстай, але трымаецца цвёрда."
• Чацвёртае судовае пасяджэнне па справе вядомага блогера Міколы Дзядка, актывіста анархісцкага руху і аўтара «Новага Часу» атрымалася таксама кароткім. У працяг слуханняў прызначаная комплексная псіхолага-лінгвістычная экспертыза.
• Жыхарка Бараўлян атрымала два гады хіміі і 9 тысяч рублёў штрафу за каментар пра генпракурора Шведа.
• Амбасада ЗША ў Беларусі пракаментавала прысуд Вярхоўнага суда па справе Віктара Бабарыкі - «Жорсткі фарс судовай сістэмы Беларусі, які выявіўся сёння праз прысуд Віктару Бабарыку, паказаў, што рэжым Лукашэнкі не спыніцца ні перад чым, каб захаваць уладу».
• За мінулыя суткі літоўскія памежнікі затрымалі яшчэ 131 нелегальнага мігранта з боку Беларусі.
• Польскія памежнікі затрымалі 40 нелегальных мігрантаў з Афганістана на мяжы з Беларуссю.
• Святлана Ціханоўская ў Вільні сустрэлася з кіраўніком Еўрапейскай рады Шарлем Мішэлем. Падчас сустрэчы Ціханоўская, у прыватнасці, распавяла аб прысудзе Віктару Бабарыка і пра іншыя суды над беларусамі.
• Мінчуку, 24-гадоваму Мікалаю Біблісу, далі 13 сутак за слова «Жыве». Ён кажа, што зрабіў надпіс яшчэ восенню.
• Акцёр Горкаўскага тэатра Ігар Андрэеў памёр 6 ліпеня. Ён граў Быкава, удзельнічаў у пратэстах.
• Ад 4 да 5,5 гадоў калоніі. Вынеслі прысуды другой партыі абвінавачаных па «Пінскай справе».
• У Латвіі перахоплена 420 тысяч кантрабандных беларускіх цыгарэт. Іх знайшлі ў скрутках дроту.
• Да чацвёртага пакета санкцый супраць рэжыму Лукашэнкі далучыліся яшчэ шэсць краін. Гэта кандыдаты на ўступленне ў Еўрасаюз Паўночная Македонія, Чарнагорыя і Албанія, а таксама краіны-ўдзельніцы Еўрапейскай асацыяцыі свабоднага гандлю, якія не ўваходзяць у ЕС, — Ісландыя, Ліхтэнштэйн і Нарвегія.
• Афіцыйны Мінск да мінімуму скарачае дыппрадстаўніцтва Літвы ў Беларусі.
738 views18:25