2022-01-17 16:16:15
НАЙЛЕПШЫЯ БЕЛАРУСКІЯ КНІГІ МАЙГО 2021
Нарэшце падсумоўваю ўсе прачытаныя летась кнігі беларускіх аўтараў. Іх было 38.
Ганна Севярынец “Мая школа” — самая вясёлая і жыццёвая кніга года.
Сяргей Пляскач “ДМБ-91: зычу вярнуцца дадому” — цікавае раскрыццё тэмы і паглыбленне ў псіхалогію персанажаў.
Міхась Зарэцкі “Голы зьвер” (перачытала) — актуальныя праблемы ў літаратуры амаль стагадовай даўніны.
Іван Мележ “Людзі на балоце” (перачытала) — адзін з любімых твораў беларускай літаратуры, у якім нават з трэцім перачытваннем не губляецца напал эмоцый.
Сяргей Пясецкі “Яблычак” — драматычная гісторыя з жыцця злодзеяў у атмасферы Менска пачатку ХХ ст.
Дар’я Бялькевіч “Слёзы на вецер” — найлепшы паэтычны зборнік мінулага года.
Ева Вежнавец “Па што ідзеш, воўча?” — сапраўднае падзея ў беларускай літаратуры апошніх гадоў.
Марыя Мартысевіч “Як пазбыцца Маматута” — вясёлыя вершаваныя гісторыі з жыцця дзяцей і іх бацькоў.
Сяргей Шапран “Тры мяхі дзядзькі Рыгора, або Сам-насам з Барадуліным” — магчымасць пачуць голас паэта, якога з намі ўжо няма.
Максім Танк “Лісткі календара” — адкрыццё года, гісторыі з жыцця Народнага паэта, якія не раскажуць у школе.
#bookvajed_итогигода2021
618 viewsedited 13:16