Зусім нядаўна ў Мінску адкрылася
новая кнігарня —
«Параграф 45» (вул. Бяды, 45). Гэта праект выдавецтва «Папуры».
Першае кніжнае мерапрыемства ў новай прасторы адбудзецца ўжо заўтра.
22 студзеня а 16-й гадзіне
мастачка Лізавета Лянкевіч правядзе
майстар-клас. У «Папуры» выходзіць сакрэтная дзіцячая кніга, якую яна праілюстравала. Гэта знакаміты беларускі твор для дзяцей 10+. Так загадкавую кнігу апісалі ў выдавецтве:
«Небяспечныя прыгоды, доўгія, вельмі доўгія пошукі дарогі дадому, абставіны, якія вымушаюць падлеткаў стаць дарослымі і прымаць рашэнні, ад якіх залежыць іх жыццё. І ўсё гэта — захапляльная чытанка, ад якой немагчыма адарвацца.»
Здагадаліся, які гэта твор?
Заўтра адбудзецца старт продажаў «усляпую», мастачка раскажа пра работу над кнігай і правядзе майстар-клас па маляванні для дзяцей.