Belarus history

2022-08-27 10:11:06 Актыўная частка нашага грамадзтва ўсё яшчэ шукае падтрымку ĭ паразуменьне звонку. Спачатку шукала ў Маскве, потым у Вільне ды Варшаве, потым ў Бэрліне і ажна ў Вашынгтоне. Цяперака шукае ў Кіеве.

By @aliesjah Адкрыць / каментаваць

2022-08-26 19:41:04 Як Масква спрабавала стварыць беларускі варыянт «ЛДНР»:

«Некалі ў 90-х, ужо ў незалежнай Беларусі, Масква пачала раскручваць такога Шэляговіча, які заяўляў, што палешукі – гэта асобны народ «яцьвягі», якія некалі непадалёк жылі, што Палесьсе гэта «Етвызь» (і слова прыдумалі), якое павінна мець дзяржаўную аўтаномію. Пачалі нават шукаць яцьвяжскую мову, нават нейкі масковец-вучоны тады аб’явіўся (праўда, потым недзе зьнік), спэц па «яцьвягах» і палешуках. У Шэляговіча зьявіліся маскоўскія грошы, часопіс заснаваў. Потым грошы скончыліся, і Етвызь зьнікла. Шэляговіч перасяліўся ў Расею. Але галоўная прычына ў тым, што Масква знайшла тады Лукашэнку, і патрэба ў яцьвягах адпала»

Зянон Пазьняк | Падпісацца Адкрыць / каментаваць

2022-08-26 14:41:31 Хвілінка гістарычнага гумару ад «Ха-ха, я тут жыву!» Адкрыць / каментаваць

2022-08-26 12:46:40 Пісьменнік Андрусь Горват выкупіў палац у Нароўлі, які належыў яго продкам, і заняўся яго рэстаўрацыяй.

*Від палацу да пачатку прац. Адкрыць / каментаваць

2022-08-03 14:35:18 Алесь Адамовіч і Васіль Быкаў. Адкрыць / каментаваць

2022-08-03 13:11:16 3 жніўня 1926 (афіцыйна 3 верасьня 1927)* году нарадзіўся Алесь Адамовіч, пісьменьнік і літаратуразнаўца, грамадзкі дзяяч, удзельнік нацыянальна-дэмакратычнага руху 1980-х — пач. ХХІ ст.

*Афіцыйная дата нараджэньня, замацаваная ў энцыкляпэдыях, — вынік таго, што ў вайну маці больш як на год „падмаладзіла“ сына, ратуючы яго ад вывазу ў Нямеччыну. Адкрыць / каментаваць

2022-08-03 10:04:28 3 жніўня 1933 году адбылося Кобрынскае сялянскае паўстаньне. Падбухтораныя кампартыяй Заходняй Беларусі, 100 сялянаў Кобрынскага павету, узброіўшыся, разграмілі некалькі сядзібаў асаднікаў і цэлую ноч трымалі ў аблозе паліцэйскі пастарунак у вёсцы Навасёлкі. Назаўтра ўлады разагналі паўстанцаў. 30 чалавек атрымалі розныя тэрміны зьняволеньня. Адкрыць / каментаваць

2022-08-02 20:13:22 2 жніўня 1840 году ўказам расейскага імпэратара спынена дзеяньне Статуту ВКЛ на тэрыторыі Віленскай, Горадзенскай і Менскай губэрняў. Адкрыць / каментаваць

2022-08-02 10:48:52 2 жніўня 1919 году ў Вільні Цэнтральнай беларускай радай Віленшчыны і Горадзеншчыны створаная Беларуская вайсковая камісія — орган па фармаваньні беларускіх частак у войску Польшчы. Адкрыць / каментаваць

2022-08-01 20:53:12 Самым вядомым ураджэнцам Менска лічыцца нарвежскі спявак Аляксандр Рыбак, Брэста — ізраільскі палітык Менахем Бегін, Гродна — гімнастка Вольга Корбут, Віцебска — нобелеўскі лаўрэат па фізіцы Жарэс Алфёраў, Магілёва — навуковец Ота Шміт, а Гомеля — апошні кіраўнік паўстання ў Варшаўскім гета Марк Эйдэльман.

Фінскі географ стварыў інтарактыўную мапу знакамітых ўраджэнцаў гарадоў і мястэчак па ўсім свеце. У сваёй працы ён абапіраўся на звесткі з “Вікіпедыі” і “Вікізвестак”.

Пры складанні рэйтынгу ўлічвалася некалькі паказчыкаў, у тым ліку колькасць слоў ва ўсіх даступных біяграфіях таго ці іншага чалавека, сярэдняя колькасць праглядаў біяграфіі ва ўсіх моўных раздзелах «Вікіпедыі» ў перыяд з 2015 па 2018 год, колькасць у артыкулах знешніх спасылак з «Вікізвестак».

Пры гэтым найбольш вядомыя ўраджэнцы гарадоў для свету могуць значна адрознівацца ад уяўленняў саміх жыхароў гэтых гарадоў.

Крыніца Адкрыць / каментаваць